Jeremia 24:2 - ŊWÀʼ NYÙY

² Ŋkaà yìmòʼ‑oò kér fig, a wù dzə̀ e juŋ moo wo wù tavin, e bàŋ bèy. Yìmòʼ wáa ker fig, a wù fóy ne e dzəə ye bó yòʼ dzə̀ wìr kfə̀r.

Jeremia 24:2 Referans Kwoze

Aysaya 5:7

Rúrú, súm vitiír və́ne dzə̀ ji kitúm kee Isray, kitúm ke Nyùy Tàr woo Taà Mànjòŋ. Wír veé Judàa wáa dzə vitiír ve wù shavin, a geʼsín sho, a leéy ji á wáa dzə, a yiì vinyo vee tìítiy, yii bèy, ku fəə̀ kinjuyrì. Wù leey ji á wáa yiì vinyo vee réŋ ví, yii bèy, ku kòʼ tóŋ sə́moó, bìʼ táy ye á táy wíri.

Aysaya 5:4

Kifá ke a yì‑iì dzə̀ á yiì e mǒ súm vitiír ke m yoʼ yiì ki dzə̀ ka? Yiì ka, é bo m wáa shìy ji m yíi kav báŋ se juŋ si fó fo, é lo kòóm vintùʼ, a ví kwáyri kwàyrín.

Mayka 7:1

Ŋgeʼ sém féyì! M sì moo ŋgaà vinsíy wo á kavin vifá fo kwaʼ, wù wáa ghan, a siy, a dzə moo wír wo á rèŋèn ruʼ, yí kpú, wù wáa jiysí vileérí. Vifá vìn vi dzə̀ ve m kér shií shó, a bó m yòʼ kér kée bàʼ shuu sho.

Matio 5:13

«Vèn dzə̀ e wírí mvəm moo shiŋgwáŋ she á fór nyóo shó. A shiŋgwáŋ shi lò, e səə̀rí, á kfə̀n yèe shó, bo shí nyom? Bo shí lày ne kisáŋ, aá sər, é wíri wáa nyèŋrì e wuú.

Hosea 9:10

Nyùy Tàr suuy jii: «Wír veé Isray, kishiíy ké mbìy ke mò‑oò yenen ven, yì‑iì dzə̀ mo m tò é kitiír ké *vayin, a kí koóm é kirə̀ʼ ké woʼ. Mò‑oò yèn atàr vén fó kàŋ wo mbìy, á wáa dzə moo báŋ se kici ké *fig ke kí bàʼàrìn, e bàŋ e kici. Yii bèy, áwune wìy e Gwan Peor, e kirə̀ʼ ké nyùy woo *Baal, e nèn shwì kitú e nyùy nshoórmé və̀n. Àbaày, vèn ló ben, e kfə̀n ji kifá ke koʼoyín kí moo nyùy woo shooy.

Jeremia 29:17

Nyùy Tàr woo Taà Mànjòŋ suuy jii, «Vèn yuúrí, e yù, m yíi tsənsí rə́r wùn à jiŋ, à kifə̀ʼ ki, e yiì, é wír veé wòŋàne wáa dzə moo *fig wo wù birin ne e dzəə ye bó yòʼ dzə̀ wìr kfə̀r.

Nahum 3:12

Ŋkà se laʼ se sí‑iì kiŋ wò si kfə̀n ne ji kicí ké *fig. Kicí, ke kí koomen, ŋgòn se baŋ sə́ sí báŋ, aá sə̀ʼ, sí tùmkír e ŋgaà kfər shuù.

Kintaŋ 18:13

Ŋgòn se vifa se á káv fo nsay sidzə̀m si yíi a dzə sén. A dzə̀ wír e wò lav, a wù dzə̀ là kifàn mo nsər dinè, bo dzə̀ wù yì.