Jeremia 24:10 - ŊWÀʼ NYÙY

¹⁰ M kù wíy tsənsí rə́r wùn à jiŋ, à kifə̀ʼ ki, é kí tee áwune, e meé mo áwune wíy səʼsí, e mày fo nsay ye mò‑oò foon e wùn aàtàr véví.»

Jeremia 24:10 Referans Kwoze

Aysaya 51:19

Ŋgeʼ si gbù ne e věn kitu kfəə́ e baà. Wìr feyì wo wù yíi sham ven dzə̀ la? Á sàʼtì ne kitúm kén, e laàr láʼ sén, jìŋ koó ven, rə́r sí nəə́, e gòʼ e věn nsàn. Wìr feyì feyì wo wù lo, e rəə̀r melív men dzə̀ la?

Esiker 33:27

Yòŋ aáwune ji ke suuy mo woo Nyùy Tàr woo Taà Ndzə ki dzə̀ á jii, ‹Mo m dzəə̀n shó e tin, e ké ru kí, wír ve á dzə́ e vimgbù ve laʼa wíy kpu yé rər. Ké wìr ve á dzəə̀n é kwaʼ e ŋgèŋgèr, é m fó, é koosàʼ saʼ, é ve á duùn áàŋkoŋ, a lìr e mbvə̀ʼ sií kpú yé kifə̀ʼ.

Esiker 7:15

Rə́r sí yíi a teè wíri é ghaŋ se ŋkàlaʼ, é kifə̀ʼ wùn à jìŋ wáa yuyrí e mvə̀m ŋkàlaʼ. Wìr lóo dzə e ndzə, é wù kpú yé rər, wìr lóo dzə e mvə̀mlaʼ, e wù kpú yé jiŋ, kìn yé kifə̀ʼ.

Jeremia 34:17

Á bèy, Nyùy Tàr suuy jii, «Mo vèn yòʼ‑oò lo yùnín mo, e yiì kinyo ke vèn‑eè lìʼìn ji wìr yíi a màʼtì a fə́r və, é wù wáa bòy fo vikwàn, vèn yuúrí, m lo, e màʼtì sa ven, é rə́r wùn à jiŋ, à kifə̀ʼ ki nəə́ ven. Vitúm veé kitu ke nsay vidzə̀m vi lóo leéy ven, é wúné wáa beemé áwune. Suuy mo woo Nyùy Tàr.

Jeremia 27:8

« ‹Yii bèy, a kitúm kee shó, kìn woŋ woo shóo lòo dzə, e tèn fó a lìm fo Nebukadnessar woo fon Babilon, a yiì mo sáʼ rəə́ taʼà, bo m lo, e màʼ ŋgeʼ fo. Rə́r sí yíi nəə́ fo, é jìŋ koó, é kifə̀ʼ ki wiy, e meé mo m yíi màʼtì Nebukadnessar, é wù laar fó ŋkuuŋkùŋ. Suuy mo woo Nyùy Tàr.

Jeremia 19:7

«A kí dzə̀ jii, kirə́ʼ kin ki dzə̀ fo m wíy bvəə́r antaŋ wìr veé Juda wùn à veé Jerusaleme. M wíy yiì, áàŋgaà vév vibàné yúyrí áwune fen e shùu rər. Wír ve á dzə wuú yéví kù wíy səʼsí áwune sə́ʼsín, é m fó dzə́n sév ji viyíkìr ve menə̀n wùn à vé nyàm se kwaʼ vi.

Jeremia 16:4

áwune wíy a jòy ayàsí ve bií, a kpukír. Bó wìr wó a dìy áwune yòʼ wíy a dzə, kìn wo wù dzəəme. Dzə́n sév sí wíy a neŋnín e virə̀ʼ moo jáŋ. Áwune wíy kpu rə́r, e kpu jíŋ, é menə́n wùn à nyám si kfə́r dzə́n sév.»

Jeremia 15:2

Aáwune lòo dzə, a dzər e wò jii, ‹Vèr yíi dù a dzə̀ feé?› à bìnèr ji Nyùy Tàr yòŋ a jii: « ‹Wír ve á kì wíy kpu a dzə̀ kifə̀ʼə, du, e kpu kifə̀ʼ. Ve á kì wíy kpu e shùu rərí, du, e kpu rə́r. Ve á kì wíy kpu jíŋe, du, e kpù jíŋ. Wír ve á kì wíy koorí ji akwàné, du, aá koórí.›

Jeremia 9:16

M wíy taʼár áwune é nsay ye wùn aàtàr véví yòʼ‑oò lo yiì kìíy, e tsənsí rə́r aáwuné bàm, e meé mo sí wíy laàr áwune.› »

Jeremia 5:12

«Áwune bòʼtí ne kimboʼtì e mò woo Nyùy Tǎr bàm. Á yoŋ jii, ‹Yòʼ dzə̀ Nyùy Tàr yiì kinyo e vèr, yòʼ dzə̀ kinyo ke bi kí kòóy ver, a bó yòʼ dzə̀ rə́r sí nə̀ə́ ver, kìn jíŋ.

Ŋgaà Yen 6:8

M ku nèn yèn, a yìmòʼ yee nyamŋkoʼ fəə́, a yì fə́r ji kwáv, kiʼ e dzə́ʼsín. Wìr wáa dzə e kitu wo, a yír rəə́ dzə̀ ji Kpú. A wùmòʼ woo wír jumrì fo bàm, a rə́ yee yírí dzə̀ ji Wóŋàŋkfə. Á nèn fò vitaáví ji áwune jav wír veé kitu ke nsay vilíŋ vikweè, e laàr a mbìv yee mòʼón. Kìn á kpú a dzə̀ rə́r, kìn koó jíŋ, kìn laar kifə̀ʼ, kìn kfə́r nyám se kwaʼ áwune, aá may adzə̀m.

Remrí 28:21

Wù wíy tsənsí yàsí, e tom yàsí e věn kitu, e meé mo wù wíy laàr wir dzə̀m fo nsay ye vèn du, e yòv.

Jeremia 21:9

Wír wo wù yíi gòʼ e ŋkàlaʼ fèn, yíi kpu rə́r, aámóʼó kpú jíŋ, aámóʼó kpú kév a dzə̀ kifə̀ʼ. Yii bèy, a wìr wo wù yíi fo shiŋkfəŋ e wír veé Babilon ve á gìŋèn vené yíi bòy, e leʼ e kitú kfə́ kí, é dzəʼə̀m rəə́ goʼ.

Jeremia 42:17

Wìr dzə̀m wo wù wayin ji wun kù du, a dzə kfə́ é Ejiv kù wíy kpu yé rər, kìn yé jiŋ, kìn yé kifə̀ʼ, a bó wìr fo áwune yòʼ wíy ber. Áwune yòʼ wíy bòy fo ŋgeʼ ye tavín ye m wíy nəə́ áwune shó.› »

1 Afòn 14:15

Nyùy Tàr wíy màʼ ŋgeʼ e Isray, é wù wáa dzə moo ŋkiʼ wo wù yaʼ e ndzəv. Wù wíy tsə̀ʼ Isray fo nsay ye juŋ ye wù‑uù foon áàtǎr atàr véví rə̀n, e taʼár, aá du, e shaà ndzə́v yee Yufret. Kí kù wíy a dzə bèy, bìʼ fo áwune‑eè fèrìn wúr sé nyùy woo *Ashera, a ghvəm, e nèn ŋàʼár dòʼshwiiy Nyùy Tàr.

Jeremia 9:15

Mo woo Nyùy Tàr woo Taà Mànjòŋ, woo Nyùy wìr veé Isray nén a suúy jii, ‹Á yuúrí, e yù, m wíy yiír wír vìn e lúylúyí, e fo mendzə́v me ndzəʼ, aáwune nó.

Jeremia 14:12

Aáwune fə̀m lò, a lèm jíŋ, bo m yòʼ yíi yu tóŋ yév. Aá fə̀m yiì a dzə̀ cu ye tonèné, kìn yé vifa ve yi, bo m yòʼ yíi səəsí. M kù yíi laàr áwune a dzə̀ e rə́r sí, e laàr e jiŋ, e laàr e kifə̀ʼ ki.»

Jeremia 29:17

Nyùy Tàr woo Taà Mànjòŋ suuy jii, «Vèn yuúrí, e yù, m yíi tsənsí rə́r wùn à jiŋ, à kifə̀ʼ ki, e yiì, é wír veé wòŋàne wáa dzə moo *fig wo wù birin ne e dzəə ye bó yòʼ dzə̀ wìr kfə̀r.

Jeremia 29:18

M yíi nəə́ áwune e rə́r sí wùn à jiŋ, à kifə̀ʼ ki, é vitúm vidzə̀m vi wáa leéy, é wúné wáa beemé, aá wáa ndzəə. Wír adzə̀m vee fo m wíy jùm áwune, aá duú wíy a lì áwune ji kifá ke liy ki, e kfə̀n a beèmè áwune béemen, a kèŋ, a sheʼ.

Jeremia 32:24

«Leey, e yèn, wír veé Babilone yàvtí ne vikfə́r ve tiy, e kaàrí ŋkàlaʼ sho ji á nəə́, e sùm. Á bèy, a rə́r wùn à jiŋ, à kifə̀ʼ ki lo, e way áwune áàŋgàa vibàn ve á taáme áwuneé wo, aá sum. Kí à yén ji kinyo ke wò‑oò suuyin kidzə̀m ki sí kooyì.

Jeremia 32:25

Àshè, Nyùy Tàr woo Taà Ndzə, kfə̀n lò ne wò lèn, e sùúy ji m fəə́r á mbàm, e yùn á súm woo shoon, a ker sa anjen fèn, aá sí lo, e way ŋkàlaʼ rə̀n e wír veé Babiloné kiwo.»

Jeremia 42:22

Ké lèn ki, vèn wáa kiíy ji vèn wíy kpu a yé rər, kìn yé jiŋ, kìn yé kifə̀ʼ, e kirə̀ʼ kee fo vèn shoʼon ji á du, a dzə.»

Esiker 6:11

Nyùy Tàr woo Taà Ndzə kfən yòŋ e mò jii, «À leey liì kisaŋ wìr veé Isray, kí à kù kwàʼ a dzə̀ wó, e tòŋ ji waàwáa, e kfə̀r kiwuú é nsay, bìʼ joonè wo áwune yii? Feyì feyì, áwune kù‑úù kpú é shùu rər, e kpu wó jiŋ, e kpu kifə̀ʼ.