Jeremia 23:4 - ŊWÀʼ NYÙY

⁴ M wíy shoʼ anshìy ve á wáa leéy áwune. Áwune yòʼ dzəə́ wìy a fàn, kìn ji á wáa yàʼ, a bó wìr yòʼ dzəə́ wìy lày fo áwuné mvəm. Suuy mo woo Nyùy Tàr.

Jeremia 23:4 Referans Kwoze

1 Pita 1:5

Kù wíy a dzə vijuŋ vén, ven ve á wáy shilív e Kristu wùn, a vitaáví vé Nyùy vi shiy ven, e meé e ghan se wù wíy fəə́r dzəʼə̀m yee là may rə̀n e ghan sé bàm sí.

Joon 18:9

A wù suuy bèy ji kinyo ke wù kì suuyin kí fiʼ ghèén. A wù kì sùúy e Nyùy jii, «M yoʼ lày wír e mòʼón fo ve wò‑oò foon e mòó.»

Joon 17:12

Mò‑oò dzə́ vèr áwune é ndzə fèn, a shiy mo áwune mo yír yée kù dzəə̀n, yír ye wò‑oò foon e mò rəy. Mò‑oò kfə́vsi áwune, a bó wo mòʼón yòʼ‑oò lo lày. Kù‑uù lày wo yì‑iì siìn ŋgaà lòn ji kinyo ke vé‑eè saŋen e wò ŋwàʼ ki fiʼ ghèén.

Mayka 5:2

Fo ké ki, wò woo Betlehem Efrata, aà kù dzə̀ shintèntèʼ ben e nsay Juda, yii bèy, a wìr wo wù wíy a saʼ wír veé Isray wíy fəə a dzə̀ fo wò mvəm, wír feyì, a wù kù‑uù sì, e kèʼ fo yàŋgùʼ.

Jeremia 33:26

bo m wíy meŋ rú rám Jakov wùn à yé Davir woo ŋgaà lìm wom, e làa yòʼ wìy shoʼ wír fo wun ram ji wù wáa saʼ a rám Abraham wùn à Aysi, à Jakov. M wíy siìr vijuŋ vév fó, a sham áwune.»

Jeremia 31:10

«Éè vitum, vèn yuúrí kinyo ke Nyùy Tàr kí, e sàmèr e virə̀ʼ ve ví dzəə̀n é ghaa rìbà ndzə̀v é ndzəywoŋ. Vèn ku fìʼtì jii, wun wo wù taʼarin wír və́, kù wíy baʼtí áwune, a leéy fo fo, kù mo nshìy lèéy fo wun ŋgoo nyàm.

Jeremia 30:10

Éè rám Jakov, vèn dzə̀ ji aŋgàa lìm vém, lá vèn yòʼ a fàn. Éè wír veé Isray, lá vèn yòʼ a yàʼ. Suuy mo woo Nyùy Tàr. M wíy bòyìr rú vèn à rám yéné fo vitúm veé ndzəywoŋ ví wo, vitúm, fo vé‑eè koon ven, e dù sho, á wáa rèŋ vikwàn. Rám Jakovi wíy kfən e bàm, a dzə dzə́ yee nyaáŋ, a dzə akiŋsìn, wìr wó a bemér áwune yòʼ wíy a dzə.

Aysaya 11:11

Wíy lòo dzə e ghan fóo fèy, é Nyùy Tàr ramsi wó rə́, e kfə̀n sə̀ kibér ke wìr və́, e siìr, é kí kfə́n é bàm fó kwaʼ nsàm. Wù wíy siìr áwune, aá kfə́nkír é bàm fó vitum vinín. Á wíy kfənkír fo Assiriya, à fó Ejiv, à fó Patros, à fó Etiopia, à fó Elam, à fó Shinar, à fó Hamat, e lì veé vitum ve ví dzəə̀n é ŋguùŋè rìbà ndzə̀v, à ve ví dzəə̀n é mvə̀m ndzə̀v, a ndzə́ví kaárí, e tàr ví.

Kintaŋ 31:49

e sùúy sho jii, «Aŋgàa lìm vée tàŋ ne vé rər ve á dzəə̀n e věr sar adzə̀m, a bó wìr mòʼón yoʼ lày fo věr mvəm.

Mayka 7:14

Nyùy Tàr, kú a shìy wír vée. Kú a shìy njiì wò ntay və̀n e mbàŋ yè, njiì wò, a wù bár a dzə̀ é virə̀ʼ vé kòv veé woʼ ví, a virə́ʼ vé jiy ve juŋ vi kaárí áwune, e tàr. Ku yiì, aá du, a yi jíy yeé Bashan, à yeé Gileadi, kù mo vé‑eè rə́si bon e wùn fó ŋgùʼ.

Cù 26:9

«M wíy a ker shíi won, a yiì, é vèn wáa kùʼ. M wíy a yùŋrì *mensaŋ me m gwàrìn vèsən.

Esiker 36:11

M wíy səə̀vì kidzəə́y kén, e səə̀vì ké nyàm si, é wíri wùn à nyám si wáa kùʼ. M wíy yiì, é woŋ wóné kfə́n fó mo wú‑uù dzəə̀n fó mbìy, e way ven é vijùŋ ve ví shaa ve ví‑iì siìn. Á bèy, é vèn nèn kìíy ji m dzə̀ á Nyùy Tàr.

Mayka 4:4

Á bèy, é wìr mòʼón mòʼón nèn a neŋ ji dèʼ, a ker vitiír və́ vé *vayin, a ker vicí və́ vé *fig, a bó wìr yòʼ dzəə́ gáʼar shilív sə́. Á mo Nyùy Tàr woo Taà Mànjòŋ kàʼàn.

Tsəfaniya 3:13

Wír ve á wíy ber e Israyi yòʼ dzəə́ wìy a yiì kinyo ke bi kí. Áwune yòʼ dzəə́ wìy a boʼtí kimboʼtì, aá yòʼ dzəə́ wìy a suŋnín lám kisaŋe. Á wíy a dzə e vijùŋ, a yikír, a meèmè. Fan yímóʼó yòʼ dzəə́ wìy a dzə aáwuné meliv.»