Jeremia 23:3 - ŊWÀʼ NYÙY

³ Mómò kitú kém, m yíi baʼtí kibér ke wìr vém fó vitum, fo mò‑oò jùmèn, á táʼrí, e dùkìr. M yíi siìr áwune é nsay ye dzəə̀n yéev, aá wáa dzəə́, a kùʼ, a dzə aneénín.

Jeremia 23:3 Referans Kwoze

Jeremia 32:37

Vèn yuúrí, e yù, m wíy jùm wír veé ŋkàlaʼ fèn, aá du é vitum, é m kfən wìy bàʼtí áwune fó fo, e siìr fèn. A m kù wíy baʼtí fo vitum vidzə̀m, fo kilòŋ kí‑iì shwiiyin mo, dòʼshwíiy wom wo tavín kóʼ, kí nyár mo, m jùm áwune, á dùkìr. M siir áwune é nsay fèn, é m nèn a kìŋsìn, aá wáa dzə kijuŋ,

Jeremia 29:14

é m yii, é vèn yén. Suuy mo woo Nyùy Tàr. M wíy siìr vijuŋ vén e vèn. M wíy baʼtí ven fó vitum vidzə̀m, à fó virə̀ʼ ve mò‑oò taʼarin ven, á dùkìr sho vi, e nèn lì, e kfən sho e kirə̀ʼ kee fo mò‑oò jùmèn ven, é bo vèn du, a dzə e kwaʼ nsàm.» Suuy a wun woo Nyùy Tàr.

Jeremia 30:3

Leéy, e yèn, ghán sí sí gheenè se m wíy siìr vijuŋ ve wìr vém veé Isray wùn à veé Judàa. M yíi siìr áwune é nsay ye mò‑oò foon ne aàtàr véví, aáwune nèn yì vitsə́ʼ vév.»

Esiker 11:17

Á bèy, áà suúy e veé kwaʼ nsàmé jii, ke Nyùy Tàr woo Taà Ndzə suuy ki dzə̀ jii, ‹M wíy banén ven fo vitúm ví mvəm, fo á taʼrin, e dùkìr, e kfə̀n siìr nsay yen yeé Isray e vèn.›

Jeremia 31:8

Vèn leéy ri, e yèn, mo woo Nyùy Tàr, m wíy wìy aáwune fó vitum veé mbìv yee kuy, e baʼtí áwune fó buu se ndzə. Áwune wíy a wìy aàmfìri shó, aàntèŋe, a wìy, à vikìy ve á nyoor wóné, à ve á lúmée. Ŋkfə̌n wìri wíy a kfən fèn e gháʼán.

Nsùyrì Nyùy 106:47

Éè Nyùy Tàr, Nyùy wor, lùŋèr ver. Báʼtí ver fó vitum, e siìr ver e věr wòŋ, é vèr wáa beèrì wò woo Ŋgaà wo Ranén, a sheʼrí lim yé, a burí wò.

Esiker 36:24

«Kí dzə̀ jii, m wíy baʼtí ven fó virə̀ʼ, e fəə́r fo vitúm ví mvəm, e lì ven, e dù sho e yéen yee nsay.

Esiker 36:37

Ke Nyùy Tàr woo Taà Ndzə suuy ki dzə̀ jii, «M kfə̀n wíy a yuurí bunrì wìr veé Isray, aá kuʼ, a dzə nyanyày moo ŋgoo se bvəy.

Mayka 7:12

Wíy lòo dzə e ghan see shooy, é wír véné wáa kfən fo věn wùn vitóŋtóŋ vidzə̀m. Á wíy a wìykìr fo Assiriya, a wìy fo Ejiv. Á wíy a lò virə́ʼ vidzə̀m, e kèʼ fo Ejiv, e dù, e meé e ndzəv yee Yufret. Á wíy a lò fo rìbà ndzə̀v, a dù e wùmòʼ, a lò fo kirùmèn, a liysín e kímóʼ kí.

Jeremia 8:3

Ké kiber ke wìr veé ŋgwàʼ ye yì kér liì wo bi rə̀n, m wíy jùm, aá du é nsay vitum. A virə́ʼ vidzə̀m fo á wíy a dzə, á wíy a shèŋ a dzə̀ kitú, a suúy jii, yì‑iì bòŋ á ji áwune kpúkír, e shaà ké a dzə atin. Suuy mo woo Nyùy Tàr woo Taà Mànjòŋ.»

Jeremia 30:10

Éè rám Jakov, vèn dzə̀ ji aŋgàa lìm vém, lá vèn yòʼ a fàn. Éè wír veé Isray, lá vèn yòʼ a yàʼ. Suuy mo woo Nyùy Tàr. M wíy bòyìr rú vèn à rám yéné fo vitúm veé ndzəywoŋ ví wo, vitúm, fo vé‑eè koon ven, e dù sho, á wáa rèŋ vikwàn. Rám Jakovi wíy kfən e bàm, a dzə dzə́ yee nyaáŋ, a dzə akiŋsìn, wìr wó a bemér áwune yòʼ wíy a dzə.

Jeremia 31:7

Nyùy Tàr yoŋ jii, «Vèn wáa yòv kitávín, a sheʼrí rám Jakov. Leŋe wáa koʼ mo dzəə̀n wun fon vitum. Ŋkèŋé wáa koʼ, é vèn wáa sùyrì mo, a suúy jii, ‹Éè Nyùy Tàr, ku sə̀ wír vé, kibér ke wìr vé veé Isray.›

Jeremia 46:27

«Éè rám Jakov, vèn dzə̀ aŋgàa lìm vém, lá vèn yòʼ a fàn. Éè wír veé Isray, lá vèn yòʼ a yàʼ. M wíy bòyìr vèn à rám yéné rú fó vitum veé ndzəywoŋ, fo vé‑eè koon ven, e dù sho, á wáa rèŋ vikwàn. Rám Jakovi wíy kfən e bàm, a neŋ ji dèʼ, a dzə e kiŋsìn, é la wìr wó a bemér áwune yòʼ a dzə.

Cù 26:9

«M wíy a ker shíi won, a yiì, é vèn wáa kùʼ. M wíy a yùŋrì *mensaŋ me m gwàrìn vèsən.

Jeremia 16:15

Á sí wìy a kàn, a yòŋ a dzə̀ jii, ‹Mo Nyùy Tàr dzəə̀n shó, wun wo wù‑uù fəərin wír veé Isray fo wòŋ kùyi, à fó vitum ve wù‑uù jùmèn áwune, á dù, a dzə sho.› E ké ru kí, m wíy siìr áwune e yéev yee nsay ye mò‑oò foon áàtàr véví.»

Jeremia 50:19

Yii bèy, ké Isray, m wíy siìr áwune aáwuné nsay, aá wáa dzə fo, a yi vifá ve yi ve á káv fo Gwan Karmel, a yi ve á káv fo Bashan, a yi sa veé wòŋ agwan veé Efrayim, a yi veé Gilead, e kù a yi bèy, e meé mo buù wov‑íì kpú.

Esiker 36:11

M wíy səə̀vì kidzəə́y kén, e səə̀vì ké nyàm si, é wíri wùn à nyám si wáa kùʼ. M wíy yiì, é woŋ wóné kfə́n fó mo wú‑uù dzəə̀n fó mbìy, e way ven é vijùŋ ve ví shaa ve ví‑iì siìn. Á bèy, é vèn nèn kìíy ji m dzə̀ á Nyùy Tàr.

Mayka 2:12

«Ven vee rám Jakov, rúrú, m wíy baʼtí ven kirə́ʼ kimòʼón. M wíy baʼtí wír ve á wíy a ber fo Isray adzə̀m, e baʼtí moo njiì wo wù kfə́n e wun kibìn. Wíri kfə̀n wíy run e věn nsay, é kiyor ki wáa koʼ, a koʼ, moo ké njiì wo á danèrì.»