Jeremia 23:2 - ŊWÀʼ NYÙY

² Á bèy, Nyùy Tàr woo Nyùy wìr veé Isray nén a suúy kùm vilìmbìy ve ví leey wír və́ jii, «Vèn tàʼár ne wír vém, e jùm, á dúkír, e làa yòʼ a leéy fo fo. Vèn leéy, e yèn, m yíi màʼ ŋgeʼ e vèn, a kù dzə̀ bìʼ liì won kisaŋ. Suuy mo woo Nyùy Tàr.

Jeremia 23:2 Referans Kwoze

Mayka 7:4

Wír vìn vee ji á wòvríi kù dzə̀ moo vikwiíy vé njoŋ vi, a woo ji wù yii réŋ kù njím moo njoŋ kifa. Yii bèy, a ghán se Nyùy wíy màʼ ŋgeʼ aáwune sí ghèén ne. Ké lèn ki, áwune sí tuʼtìn tùʼtìn.

Jeremia 21:12

Nyùy Tàr suuy jii: « ‹Ven vee rám Davir, vèn wáa tinén vinyo vi tìítiy ghán sidzə̀m. Vèn wáa sə wír wo á bóʼó fo ŋgaà mbóʼmé wo. Kí búŋ fó bèy, bo liì won kisaŋ yíi yiì, é dòʼshwíiy wom kóʼ, a wù yíi a baarí moo və́y, là ŋgaà ndzə̀mér.

Ŋwàʼ Fəə 32:34

Ku yòʼ dù lèn, a tsəəné wíri, a dù sho e kirə̀ʼ ke mò‑oò suuyin ne e wò. Á kuumé ji nshìylav yem yíi a dù fo wò mbìy. Yii bèy, ghán sí yíi gheén, é m maʼ ŋgeʼ e wír vìné kitu, bìʼ jay wov.»

Jeremia 23:34

«A ŋgaà ntum, kìn taà cù, kìn wìr wùmòʼ lòo dzə, e yòŋ ji á yuúrí á ntum ye Nyùy Tàr rəʼəyin wun sho, bo m yíi màʼ ŋgeʼ e wùn à kfə́ə rəə́ kitu.

Jeem 1:27

Wìr wo Nyùy yén ji wù yú rú kinyo kfə́ shilív shimòʼón, a bó wù yòʼ kér jay wùmòʼ, dzə̀ wo wù leey fo wón tsə̀ə́ wùn à vikǐy ŋkfəə, sə́ áwune. Kfə́n a dzə wír wo wù kim kitú kfə́, fo vinyo veé ndzə fèn vi bívír wun.

Matio 25:43

Mò‑oò dzə̀ kiŋgwìy, la vèn yòʼ a lì mo e věn melav. Mò‑oò ghán kinshóʼ, la vèn yòʼ fò mo ndzə̀y. Mò‑oò joyì, e kfə̀n a dzə e sháŋ, la vèn yòʼ a leéy mo.›

Hosea 2:13

Rúrú, m wíy màʼ ŋgeʼ e Isray kitu, bìʼ ŋwáy ye wù‑uù ŋwayin mo, e ŋwày mo, e dù a tòn kiláy, a cù mebvə̀m mee Baal sho, e lò, a wayrí a dzə̀ vifá ve sùsù, a ghan sho aàŋgàa ŋkòŋmé vəə́ bàm. Ghán bèy, laysìn mo. Suuy mo woo Nyùy Tàr.»

Jeremia 13:21

Ntom sén sí bìnkìr ne ji aŋgaà vén vibàn. Á lo koʼór áwune, á lóo taa e věn kitu, é vèn yée? Bó nyári yòʼ yíi ghaʼtí ven moo yé wiíy wo wù lúmé à?

Jeremia 11:22

Wun woo Nyùy Tàr, woo Taà Mànjòŋ yòŋ jii, «M yíi màʼ ŋgeʼ aáwuné kitu. Wónlě nsùm véví yíi kpu e shùu rər, é wón vév vee vilum wùn à vee vikìyí kpúkír jíŋ.

Jeremia 8:12

Áwune‑eè buʼtì viŋkoʼòy ve vinyò woóme à? Àáy, áwune yòʼ‑oò ló a woomé, fə̀m à shishàr sho. Á yòʼ‑oò ló a ker dzə̀rkìtu gheéy. Bìʼ bey, áwune wíy a dzə e ŋgoo wìr ve á wíy laàr. M wíy màʼ ŋgeʼ aáwuné kitu, aá kpú kpuún. Suuy mo woo Nyùy Tàr.

Jeremia 5:29

A dzə̀ rú la m yòʼ màʼ ŋgeʼ aáwuné kitu bìʼ vinyo vìn à? A dzə̀ la m yòʼ siìr ŋkfə́tír e kfə́ə kitum kee ben ki a? Suuy mo woo Nyùy Tàr.

Jeremia 5:9

A dzə̀ la m yòʼ màʼ ŋgeʼ aáwuné kitu bìʼ vinyo vìn à? Suuy mo woo Nyùy Tàr. A dzə̀ la m yòʼ siìr ŋkfə́tír e kfə́ə kitum kee ben ki a?

Matio 25:36

Mò‑oò ghán kinshóʼ, a vèn fó mo ndzə̀y. Mò‑oò joyì, a vèn wiy, leey mo. M kfə́n a dzə e sháŋ, vèn wáa wìy, a leéy mo.›

Jeremia 10:21

M bìnèr jii, «Vilìmbìy vesən ví dzə̀ viyúŋ. Á yòʼ lo, á wàa mbaà Nyùy Tàr. Á kinyo ke kí màʼàn áwune, wír vesəné nen tàʼrí taʼrín.

Jeremia 13:17

A vèn dzə̀ là fó yuurí, bo m yíi a dìy e kilìr bìʼ kiŋkoʼòrwùn kén. M yíi a dìy feyì kibiíbí, é mensíy mè wáa dàn fo mǒ si, a dzə̀ bìʼ wír Nyùy Tàr ve aŋgàa vibàné koorin ne ji akwàn.

Jeremia 13:20

Jerusalem, vèn nan síi, e lèéy, e yèn. Aŋgaà vén vibàné sí wiy fo wòŋ kùyi. Wír ve vé‑eè lèmèn e vèné bèé? Wír, a vèn‑eè kóʼor wún shó.

Jeremia 44:22

Mo bó yòʼ‑oò dzə̀ Nyùy Tàr wàa kòmèr liì won kisaŋ wùn à vinyo ve joònè ve vèn yii, nsay yen nèn lày kisáŋ, a dzə kinjúm, e kfə̀n ji kifá ke liy ki, a dzə là wír, kù mo yì dzəə̀n lán və̀n.

Esiker 34:5

Bìʼ bey, áwune nen bvəə̀rí, a jan, e nèn kfə̀n ji viyíkìr ve nyàm se kwaʼ, bìʼ fo nshìy yòʼ‑oò dzəə̀n wo wù leey áwune.

Sekariya 11:16

Á ku yuùrí, m lo, e lèm nshìy wùmòʼ é wòŋ, a bó wù yòʼ ghán a gwàrìr njiì wo wù sí kpúkirì, kìn ji wù wáa ci wo wù taʼrin ne, e bóo yiì a fèr ve á kivkin, e bóo fə̀m a yiír ve á dzəə́ tíyí. Wù wíy a dzə kfə́, a bvəʼ ve faŋkìné bvə́ʼə́n é wùn, a bvəʼ bèn, à mfay si shó.

Jeremia 17:10

Mo woo Nyùy Tàr, m kaʼày melív me wíri, tar kwaʼtì sév, laáme wír, kù mo yii rəə́ taʼà, laáme réŋréŋ mo liì və dzəə̀n.»

Sekariya 10:3

Nyùy Tàr suuy jii, «Dòʼshwiíy kív mo bìʼ anshìy wìr vém. M yíi màʼ ŋgeʼ e vilìmbìy vév ví kitu, bìʼ fo wír veé Judàa kù dzəə̀n vém vee wír. A mómò woo Nyùy Tàr woo Taà Mànjòŋ, m géʼsin e wír vémé. M wíy tavír wír vém, aá wáa kiv virə́ʼ moo nyám se ŋkoʼ seé shùu rər.