Jeremia 23:12 - ŊWÀʼ NYÙY

¹² Bìʼ bey, dzəə̀ ye áwune ghán sho yíi a lèrìr, é fóo kfə́n vitsə́ʼə́, aáwune wáa gbùkìr fo. Yíi lòo dzə e ghan see shó, é m wiy e ŋgeʼ ye tavín aáwuné kitu. Suuy mo woo Nyùy Tàr.

Jeremia 23:12 Referans Kwoze

Jeremia 13:16

Vèn wáa sùyrì Nyùy Tàr woo Nyùy won, é bo wù yiì a wìy e ndzə ye sənér, é vèn wáa bàyrìn, a bàyrìn aàgwan ve á səə́ne, a bó vèn yòʼ yén rán fo. Vèn wáa sùyrì wun, é bo wù biner ndzə ji ye vitsə̀ʼ, é wáa dzə tím vitsəʼə́.

Jeremia 11:23

M wíy màʼ ŋgeʼ e wír veé Anatotí kitu e ghan see shó, é la wìr mòʼón yòʼ bèr.»

Ŋgàn 4:19

Dzəʼə̀m wìr ve á méŋ Nyùyi dzə̀ moo ndzə vitsə̀ʼ ye yì sə́n ji cùm. Á lo, á gbù, e làa yòʼ kiíy kifá ke kí màʼàn áwune.

Nsùyrì Nyùy 35:6

Ku yiì, á lóo dù, é dzəə̀ wáa lèrìr, é virə́ʼ ví wáa sən, é nshìylav yè wáa nyoòrì áwune nyóorin.

Joon 12:35

Jesus bìnèr jii, «Wìr wo wù fó rán dzə̀ vèn áwune lèn, a bó wù yòʼ dzəə́ yiì dzə̀ʼtì ntàmda. Vèn wáa ghan ghán yén, aá dzəə́ yén rán yee shooy, fo ndzə yiì sàsìn, e sə̀n ven. Yì yíi sən, é la wìr yòʼ dzəə kìíy fo wù du.

Aysaya 8:22

Áwune leey ke kí kooy áwune é nsay fèn, aá ku yèn, a bér ŋgeʼ wùn à ndzə ye sənér, a yì sə́n ji cùm, beéme. Á bèy, aá kù wíy màʼ áwune é mvə̀m ndzə, a yì sə́n, e làŋsìn.

Nsùyrì Nyùy 73:18

Rúrú, à shèmér ne áwune é dzəə se sí lerìrì. À lo, à yiì, áwune gbùkìr, e mày màyìn ŋkuuŋkùŋ.

Ŋwàʼ Fəə 32:34

Ku yòʼ dù lèn, a tsəəné wíri, a dù sho e kirə̀ʼ ke mò‑oò suuyin ne e wò. Á kuumé ji nshìylav yem yíi a dù fo wò mbìy. Yii bèy, ghán sí yíi gheén, é m maʼ ŋgeʼ e wír vìné kitu, bìʼ jay wov.»

Ŋwàʼ Jud 1:13

Á kfə́n a dzə sa moo ndzə́v lome, ye shwéri lóo tsəy, vifə́yfə́y ví wàa fə̀ʼ, a dzə̀ joonè wo áwune yii. Aá kfə̀n dzə̀ moo mejiy me mè kár karín, a bó mè yòʼ sə́ŋ fo Nyùy keèrìn. A Nyùy nàŋsín ne kirə́ʼ é ŋòròʼ wo wù sə́n ji cùm fo wù wíy way áwune, aá wáa neŋ fo viyá viyá là may.

1 Joon 2:11

Wìr wo wù ban fə́r və ghán kfə́ a dzə̀ é ndzə ye sənér, ghaa virə́ʼ gháan, a bó yòʼ dzə̀ wù kìíy fo wù du.

Mayka 7:4

Wír vìn vee ji á wòvríi kù dzə̀ moo vikwiíy vé njoŋ vi, a woo ji wù yii réŋ kù njím moo njoŋ kifa. Yii bèy, a ghán se Nyùy wíy màʼ ŋgeʼ aáwune sí ghèén ne. Ké lèn ki, áwune sí tuʼtìn tùʼtìn.

Jeremia 50:27

Á ku yùy vé rər vév adzə̀m. Á ku lì áwune, e dù, e yùyrí moo wón nyàm ve á du, e see. Lòné koò ne wír veé Babilon, ghán sév sí ghèén ne. Sì ghán se a dzə̀ ŋgeʼ si kù nə̀ə́ áwune.

Jeremia 48:44

Wìr wíy fàn, lóo leʼ, é wù gbu é bii. Wìr sénen, fəə́ fo bii, é wù li é kitam. Wíy màʼ mo vinyo vìn e Moav kitu. Dzə̀ kiyá ke m wíy nəə́ áwune e ŋgeʼ. Suuy mo woo Nyùy Tàr.

Ŋwàʼ Jov 18:18

Nyùy jùm ne wun fo ndzə ye ranén, wù dú e ye sənér, e kù jùm wun júmen fó kitu ke nsay.

Remrí 32:35

Kù wíy siìr mo ŋkfə́tír, a maʼ mo ŋgeʼ e wírí kitu. Wír vìyi kù lo, e sàsìn, e lèrìr, e gbù. Kishiíy kév ké ŋgeʼ ki sì fó mentsə̀m, a ŋgeʼ se tavkín sí kù lo, a nyoòrì.»

Nsùyrì Nyùy 82:5

«Bó vèn yòʼ kì vinyo, vèn jiŋ jìŋèn. Vèn ghán a dzə̀ é mvə̀m vinyò ve bi ví, kinyo kee ji á tínén é nsànloŋ ki nen lày fo wòŋ.

Yòvdìy 2:20

Jerusalem wáa yòŋ jii, «Éè Nyùy Tàr, ku lèéy, e yèn. Wò‑oo yií ne lòvtí e wìr wùmòʼ ben a? A dzə̀ kí kòóy ji vikìy lo, a kfər wón vév á, wón, a dzə̀ ve dzəən áwune, e lìy à? A dzə̀ á wàa yuyrí atàá cù, a yuyrí aŋgàa ntum Nyùy a? A dzə̀ á wàa yuyrí e lav cù bèn à?

Jeremia 8:12

Áwune‑eè buʼtì viŋkoʼòy ve vinyò woóme à? Àáy, áwune yòʼ‑oò ló a woomé, fə̀m à shishàr sho. Á yòʼ‑oò ló a ker dzə̀rkìtu gheéy. Bìʼ bey, áwune wíy a dzə e ŋgoo wìr ve á wíy laàr. M wíy màʼ ŋgeʼ aáwuné kitu, aá kpú kpuún. Suuy mo woo Nyùy Tàr.