Jeremia 23:1 - ŊWÀʼ NYÙY

¹ Nyùy Tàr suuy jii, «Lòné dzə̀ wó vilìmbìy ve ví maʼày wír vém, moo nshìy bvəy wo bi, aá táʼri.»

Jeremia 23:1 Referans Kwoze

Jeremia 10:21

M bìnèr jii, «Vilìmbìy vesən ví dzə̀ viyúŋ. Á yòʼ lo, á wàa mbaà Nyùy Tàr. Á kinyo ke kí màʼàn áwune, wír vesəné nen tàʼrí taʼrín.

Esiker 13:3

Ke Nyùy Tàr woo Taà Ndzə suuy ki dzə̀ jii, ‹Lòné dzə̀ wó viyuŋ vé aŋgàa ntum kimboʼtì, wír, aá yú a dzə̀ fo áwuné kwàʼtì, e bó a tiisí ntum, a bó áwune yòʼ yén kifá.›

Matio 9:36

Wù mee e kirə̀ʼ, yén mo màŋgòŋ baʼtin, kitú ki lùm wun, bìʼ fo vé‑eè dzə́ moo njiì woo là nshìy wo wù ján, gbukìr, kívkir e kwaʼ.

Jeremia 22:22

Kinsəm ki yíi kuúr vé saʼ vén, e dù sho, aá koó vé kiŋkaày vén, e dù sho e kwaʼ nsàm. Á yíi shoór ven, é vèn wáa woomé, a dzə̀ bìʼ yii yén kisaŋe.

Jeremia 12:10

Vé saʼ vee vitúme bìvír ne súm wóm vitiír vé *vayin. Á fòr ne kwáʼ wóm fórin. Á lòvtí ne e nsay yem ye juŋ lóvtín, yì kfə́n ji wóʼ.

Jeremia 50:6

«Rúrú, wír vémé‑eè dzə̀ moo njiì wo wù‑uù làyìn é kwaʼ, anshìy véví tsəə̀né ne áwune, á jáy dzə́ə. Á yiì ne, njiì wáa ghan, a jan aàgwan. Áwune ghán aàgwan, lo fo və̀n, túmsin e və̀sə, aá méŋ ne fo kibìn kév kí dzəə̀n.

Jeremia 2:8

Atàá cùu yòʼ‑oò ló a beè mo woo Nyùy Tàr. Wír ve á yoŋ nsəri yòʼ‑oò ló a kiíy mo, vilìmbìy vi‑iì ŋwày mo, aàŋgàa ntume tiísi ntum a dzə̀ ye *Baal, cu vifá, a yòʼ dzə̀ ví sə̀ áwune.»

Joon 10:12

A bó yòʼ dzə̀ wìr wo á liìn líin, a bó njiì yòʼ dzə̀ və́ə, wù biìmé. Wù yén, a nyàm ye bi wiyì, wù nèn shwèy, a nyeŋ. Nyàm nèn nə̀ə́ e mvə̀m ŋgoo njiì fèy, e koòrí ámóʼó, e tàʼár kibér.

Joon 10:10

A ké shòŋ kí dzə̀ jii, wù wìy kfə́ ji wun shóŋ njiì, e yùyrí, e laàr. M nen wìy kém ji m yii, é wíri wáa ker dzəʼə̀m yee là may, a ker feyì nyanyày.

Jeremia 23:2

Á bèy, Nyùy Tàr woo Nyùy wìr veé Isray nén a suúy kùm vilìmbìy ve ví leey wír və́ jii, «Vèn tàʼár ne wír vém, e jùm, á dúkír, e làa yòʼ a leéy fo fo. Vèn leéy, e yèn, m yíi màʼ ŋgeʼ e vèn, a kù dzə̀ bìʼ liì won kisaŋ. Suuy mo woo Nyùy Tàr.

Matio 15:14

Vèn maʼti dzə́ə wìr vee shooy, dzə̀ amfìr. A mfìr lò, a caàcà mfìr, bo wùn wun yíi tatí, e gbùkìr e bii wír adzə̀m.»

Esiker 34:31

«Wìr vem, vèn dzə̀ njiì wom, njiì wo m danèrì, a m dzə̀ Nyùy won.» Suuy Nyùy Tàr woo Taà Ndzə.

Esiker 34:21

Vèn‑eè dòm ve á njoon e wúné, e sə̀r e loŋ si, á táʼrí, e dùkìr e vitum.

Jeremia 2:26

«Mo shòŋ yii woóme e ghan se á koon, dzə̀ mo Isray yíi a woomé. Áwune yíi a woomé wùn aàfon véví, aàtǎr ntoʼo, e lì atàá cù vév wùn aàŋgàa ntum Nyùy vév vé kisaŋe.

Joon 10:8

A wír ve vé‑eè wìyìn fó mbìy, a teʼ mo é sii dzə̀ ashóŋ. Vé‑eè wiy a dzə̀ kimfaàsì, a bó njiì yòʼ‑oò ló a yu jí yev, a jùmrì áwune.

Jeremia 13:17

A vèn dzə̀ là fó yuurí, bo m yíi a dìy e kilìr bìʼ kiŋkoʼòrwùn kén. M yíi a dìy feyì kibiíbí, é mensíy mè wáa dàn fo mǒ si, a dzə̀ bìʼ wír Nyùy Tàr ve aŋgàa vibàné koorin ne ji akwàn.

Esiker 36:38

M wíy siìr ŋkà se laʼ sév, é wíri rún shó, a dzə mo ŋgoo se bvəy si lo, sí rùn é ŋkàlaʼ Jerusalem e ghan se á kér viŋkàʼ vee shó. Aáwune nèn kìíy ji m dzə̀ á Nyùy Tàr.»

Esiker 34:1

Nyùy Tàr nèn lò, e sùŋnín e mò, e sùúy jii,

Sekariya 10:3

Nyùy Tàr suuy jii, «Dòʼshwiíy kív mo bìʼ anshìy wìr vém. M yíi màʼ ŋgeʼ e vilìmbìy vév ví kitu, bìʼ fo wír veé Judàa kù dzəə̀n vém vee wír. A mómò woo Nyùy Tàr woo Taà Mànjòŋ, m géʼsin e wír vémé. M wíy tavír wír vém, aá wáa kiv virə́ʼ moo nyám se ŋkoʼ seé shùu rər.