Jeremia 22:9 - ŊWÀʼ NYÙY

⁹ Binèri kù yíi a dzə jii, dzə̀ á bìʼ fo áwune‑eè ŋwayin *mensaŋ me Nyùy Tàr woo Nyùy wov‑iì gwàrìn wùn áwune, a ghvəm a dzə̀ anyùy ve səné, a cù.»

Jeremia 22:9 Referans Kwoze

2 Wòŋ 34:25

Wír veé wòŋàne màʼày ne mo, a tòn kiláy, a cù anyùy sho, a ŋaʼár dòʼshwíiy wom e mebvə̀m me áwune fèrìn e wó yéví. Á bèy, m yíi lovtí e woŋàne mo dòʼshwíiy wom dzəə̀n, a wù baári moo və́y, a wìr wóo ndzəmér yòʼ dzə̀.»

2 Afòn 22:17

Áwune màʼày a ne wun, a tòn kiláy, a cù anyùy ámóʼó shó, e kfə̀n a ŋaʼár a dòʼshwíiy və e mebvə̀m me áwune fèrìn e wó yéví mè, a wù baári bìʼ Jerusalem, a wìr wóo ndzəmér yòʼ waà dzə̀.»

Jeremia 50:7

Wìr bvə́y sho, wù nèn a laàr laàrìn. Aŋgàa vibàn véví yoŋ jii, ‹Bó vèr yoʼ jày kinyo, bùʼtì áwune vinyo e Nyùy Tàr, wo wù kér áwune. Dzə̀ Nyùy Tàr wo atàr véví‑iì yoy, tiir e wùn wó.›

1 Afòn 9:8

Kí kooy bèy, é lav cù rə̀n nèn dù e vifə̀m, é shúu wáa ma wir dzə̀m wo wù shaa fo, aá wáa ndzəə, a ghay jii, ‹Nyùy Tàr yiì kee ben a dzə̀ ka é Isray, é bo lav cù rə̀n kfə́n é vifə̀m?›

Jeremia 9:13

Nyùy Tàr bìnèr jii, «Dzə̀ bìʼ fo áwune meŋen yéʼéy ye mò‑oò foon aáwune é Ŋwàʼ Nsər, e tèn fó a yu jí yem, a ghan e mǒ mbòv.

Jeremia 11:3

Suúy aáwune ji Nyùy Tàr woo Nyùy woó Isray yoŋ a jii, ‹Lòné dzə̀ wó wìr wo wù yòʼ lem ntò se mensàŋ sìn,

Jeremia 16:11

à nèn bìnèr aáwune ji Nyùy Tàr suuy a jii, ‹Dzə̀ bìʼ fo atàr véné‑eè ŋwayin mo, a jùmrì a dzə̀ anyùy, a lìm fo fo, e kfə̀n a cù, e nèn mèŋ mo, e tèn fó a yunín nsər sém.›

Esiker 5:15

M wíy shwiíy kilòŋ, shilív shí lóo ndzəʼ mo bìʼ ven veé Jerusalem, m maʼ ŋgeʼ si e věn kitu, é wìr dzə̀m woo věn ghaŋ yén rə́mrə́m kinyò wo m yiìn e vèn, a fàn. Á wíy a leéy ven, a nyàysì, a bèm ven. Mo woo Nyùy Tàr yòŋ ne bèn.

Esiker 12:16

Yii bèy, a m wíy yiì, áàshàr wìr fo áwuné mvəm boy fó rər, e bòy fo jiŋ, e kfə̀n bòy fo ayàsí. Á boy bèy, aá nèn lò, a tuuné liì virìm wov e dzə̀m, aá dzə̀ é vitum fo á dùkìn, e nèn kiíy rú ji m dzə̀ á Nyùy Tàr.› »

Esiker 14:23

Vèn yén yii yév, é meliv men mè nèn rə̀sìn ji bó m yòʼ‑oò lo lòvtí e Jerusalem e dzəə ye mò‑oò lovtin shó bèn kisáŋ. Suuy mo woo Nyùy Tàr woo Taà Ndzə.»

Esiker 39:23

Ké vitum, é ví kiíy ji wír veé Israyi‑iì dù, a rèŋ vikwàn a dzə̀ bìʼ ajay vév. Vé‑eè ŋwáy mo, m nèn bìn ndzə̀m aáwune, e wày áàŋgaà vév vibàné wo, á kpú é shùu rər.

Remrí 29:24

Á bèy, é vitúm vidzə̀m vi nèn a ghay ji sà kòóy ka, é bo Nyùy Tàr lóvtí e nsay wír vìn bèn a? Kee ben kee kilòŋ ke kí shwiiyin Nyùy Tàr kí sà dzə̀ keé le á?

Jeremia 11:10

Áwune kfə̀n ne, a yiì vinyo ve kisaŋ vi ve atàr véví‑iì yii. Atàr véví‑iì tèn fó a yu kinyo kém. Áwune‑eè lò, a leʼnín a dzə̀ áànyùy kisaŋé bàm, a cù. Wír veé mbìv Isray wùn à veé mbìv Judàa tàtí ne adzə̀m, e bìvír mensaŋ me mò‑oò gwàrìn vèr aàtàr véví.