Jeremia 22:5 - ŊWÀʼ NYÙY

⁵ Yii bèy, a vèn dzə̀ là fó a yunín vinyo vìn, bo ntoʼ rə̀n wíy dù e vifə̀m. Sùúy mo woo Nyùy Tàr e shuu wómé, e kfə̀n lìʼ.› »

Jeremia 22:5 Referans Kwoze

Amos 6:8

Nyùy Tàr woo Taà Ndzə kan kitú kfə́, kan bèy, lìʼ ji wun woo Nyùy Tàr woo Taà Mànjòŋ suuy a jii: «M ban kiŋkoʼòrwùn ké rám Jakov, ban virə́ʼ vév ve tavkín ve á bàʼrìn. M yíi way ŋkàlaʼ yev aàŋgaà vév vibàné wo, aá laar wùn à kifá kidzə̀m ke kí dzəə̀n shó ki.»

Hibru 6:13

Vèn kuúmé kinyo ke Abraham ki. Nyùy‑iì kàʼ wun e kinyò, e lòo kàʼ, a kàn yír a dzə̀ yé wun woo Nyùy, bìʼ fo wìr wùmòʼ yòʼ‑oò dzəə̀n shó wo wù shaàn wun, é bo wù wáa kàn yír ŋgaàŋ.

Jeremia 17:27

« ‹Yii bèy, a vèn lò a dzə, e làa yòʼ a yunín mo, a lèm kishiíy ké bam jeéy, e làa yòʼ màʼtì vifá vé a beʼ, a tosín shuu se kày Jerusalem sho e kishiíy ké bam, bo m yíi sə̀ʼ və́y é shuù se kày, é wú bvə́ʼə́y ntoʼ seé Jerusalem, a bó yòʼ dzə̀ á ndzə̀mér.› »

Kèʼlo 22:16

a suúy jii, «Súŋnin mo woo Nyùy Tàr lèn. Mo à yiìn kinyo kìn, e làa yòʼ kìm màyshó wan wò fo mò, m nén a lìʼ, a kàn e mǒ yir jii,

Jeremia 39:8

Vé rər veé Babilone siíy é Jerusalem, e tòn ntoʼ, e kfə̀n tòn lav se wíri, e nèn bvə̀ʼə́y kay yeé ŋkàlaʼ.

Aysaya 1:20

Yii bèy, a vèn tèn ji á yòʼ‑óò yúnín mo, e kù a tsəy a dzə̀ kóy vèsən, bo vèn kù‑úù kpú yé rər. Kù suuy mo woo Nyùy Tàr jí sìn e vèn.»

Hibru 6:17

A dzə̀ sá mo Nyùy‑iì kàʼàn Abraham, e kfə̀n lìʼ ji wón və́ ve á wíy siíy, a shìy ŋkàʼmé woo shooyi wáa kiíy kijuŋ a ji bó yòʼ dzə̀ wun kùvsín kinyo ke wun‑eè sìysìn ji wun wíy yiì.

Hibru 3:18

Mo wù‑uù liʼ ji bó wìr yòʼ dzəə́ wìy nəə́ e wùn kirə̀ʼ ké meèmè, wù‑uù lìʼ a dzə̀ ala? Wù kù‑uù lìʼ a dzə̀ áwune ve vé‑eè táv kitú vìn.

Mayka 3:12

Kí nén a dzə jii, bìʼ liì won kisaŋ, á yíi lìm Sion e njà sùm, é Jerusalem və̀n kfə́n é vifə̀m, é gwan woo fo lav cù Nyùy Tàr dzəə̀n kwiíy, e rə̀ŋsìn.

Nsùyrì Nyùy 95:11

M shwiíy kilòŋ, e yiì kilìʼ jii, ‹Bó yòʼ dzə̀ féyì áwune wìy nə̀ə́ e mǒ kirə̀ʼ ké meèmè.› »

2 Wòŋ 7:22

Bo binèri kù wíy a dzə jii, ‹Nyùy Tàr lòvtí aáwune ben, bìʼ fo áwune bìnèn ne ndzə̀m e Nyùy Tàr woo Nyùy atàr vév, wo wù‑uù fəərin áwune fó Ejiv, e nèn ghàr a dzə̀ anyùy kisaŋe, a ghvəm, a cù áwune.› Á kinyo ke kí‑iì yiìn, é bo Nyùy Tàr lóvtí aáwune ben.»

2 Wòŋ 7:19

Yii bèy, a vèn lò, e bìn ndzə̀m e mò, a ghvəm anyùy kisaŋe, a cù áwune, e làa yòʼ dzə́ə a yu sáʼ yém, e làa yòʼ dzə́ə a yunín nsər se m foon e vèn,

Matio 23:38

M nén a tiisí fú jii, láʼ yéné sí tíy kisáŋ, a sì á vifə̀m.

Jeremia 26:4

«Suúy aáwune ji Nyùy Tàr yoŋ a jii, ‹A vèn dzə̀ là fó a yunín mo, a jùmrì nsər sém se m foon e vèn,

Jeremia 44:26

Yii bèy, vèn ku yòʼ yù mo mo woo Nyùy Tàr tín kàʼ won, ven adzə̀m vee rám Juda ve á dzə́ e nsay Ejiv. A m tín bèy, kfə̀n liʼ, kan yír yém ye ghaʼáné. Bó wìr fo vèn yòʼ dzəə́ wìy mvə̀ʼ shuu və́ é nsay Ejiv fèn, a lìʼ kinyo, a kàn yír yém jii, «Mo Nyùy Tàr woo Taà Ndzə dzəə̀n shó e tin». Suuy mo woo Nyùy Tàr.

2 Wòŋ 7:21

Kí kooy lav rə̀n bèy, lav, a yì‑iì dzə̀ e gháʼtín, wíri wíy lóo shaà, lóo yen, é shúu wáa ma áwune, aá wáa ghay jii, Nyùy Tàr yiì kee ben a dzə̀ ka é Isray, é bo lav cù rə̀n kfə́n é vifə̀m.

Jeremia 12:7

Nyùy Tàr suuy jii: «M bìn ne ndzə̀m e Isray. M shwèy ne wír ve mò‑oò shoʼon ji vém, e wày wír ve mò‑oò liìn ji shilív shém áàŋgaà vév vibàné wo.