Jeremia 22:3 - ŊWÀʼ NYÙY

³ Nyùy Tàr suuy jii: Vèn wáa tinén vinyo là kiloʼ, a yiì vinyo tìítiy. Vèn wáa sə wír wo á bóʼó fo ŋgaà mbóʼmé wo. Lá á yòʼ a ker nə̀ʼsì. Lá á yòʼ a nyàvrì e viŋgwìy vi, kìn e wón tsə̀ə́, kìn e vikǐy ŋkfəə. Lá á yòʼ a yuyrí sa alànjò é nsay fèn.

Jeremia 22:3 Referans Kwoze

Jeremia 21:12

Nyùy Tàr suuy jii: « ‹Ven vee rám Davir, vèn wáa tinén vinyo vi tìítiy ghán sidzə̀m. Vèn wáa sə wír wo á bóʼó fo ŋgaà mbóʼmé wo. Kí búŋ fó bèy, bo liì won kisaŋ yíi yiì, é dòʼshwíiy wom kóʼ, a wù yíi a baarí moo və́y, là ŋgaà ndzə̀mér.

Mayka 6:8

Éè wìr msòŋ, Nyùy Tàr dìn ne kinyo ke juŋ ke dzə̀ à yiì. Kinyo ke wù leey ji à yii kí dzə̀ jii, à kú a yiì vinyo vee réŋ ví, a ker shammèndzə̀n, a ghan e wun woo Nyùy mbòv, a borkír.

Jeremia 22:17

Yii bèy, à tìír ké sí wùn à shilív shí, a kù dzə̀ é kinyò ke kù‑úù luŋ wò fo fo. À yúyri alànjò, nyavrì, kfə̀n nəʼsì wíri.

Jeem 1:27

Wìr wo Nyùy yén ji wù yú rú kinyo kfə́ shilív shimòʼón, a bó wù yòʼ kér jay wùmòʼ, dzə̀ wo wù leey fo wón tsə̀ə́ wùn à vikǐy ŋkfəə, sə́ áwune. Kfə́n a dzə wír wo wù kim kitú kfə́, fo vinyo veé ndzə fèn vi bívír wun.

Esiker 22:7

Bó wìr wo wù ghvə́m tàr wov wùn yè wov yòʼ dzə̀ shó e věn mvəm. Vèn lo, á wàa boʼ viŋgwìy wùn à wón tsə̀ə́, à vikǐy ŋkfəə.

Malakay 3:5

«M wíy wìy e věn mvəm, e tiír ven é kibàʼ ke nsaʼ. M yòʼ wíy a mèʼmèʼ, e bó a toʼ kinyè ké wìr ve á yòʼ ghvə́m mo. M toʼ ké aŋgàa ŋgàŋ, e toʼ ké wìr ve á li vikǐy wíri, à ké wìr ve á bóʼti kimboʼtì e làv nsaʼa, à ve á tén fó a làʼ vé lìm vév, à ké ve á táy vikǐy ŋkfə wùn à wón tsə̀ə́, e toʼ ké wìr ve á tén fó tinén kinyo ke viŋgwìy e nsànloŋe. Suuy mo woo Nyùy Tàr woo Taà Mànjòŋ.

Joel 3:19

«Ké Ejiv, wù wíy yum, e kfən ji kirə́ʼ ké woʼ, é Edom kfə́n ji kirə́ʼ ke kifá ki yòʼ kfə̀n kum fo. Dzə̀ bìʼ ghíʼ ye áwune‑eè ghiʼin wír veé Juda, e nə̀ə́ fo, e yùyrí wíri là njò.

Jeremia 9:24

Ghèén é wìr wáa sùmrì wún a dzə̀ ji, wun kìíy ne a mo kijuujùŋ, ji m dzə̀ á Nyùy Tàr wo wù yii shám wíri, tínen kinyo tìítiy, yii vinyo réŋ é kitu ke nsay. Á vinyo ve m yii tíy sho. Suuy mo woo Nyùy Tàr.»

Jeremia 5:28

Áwune fàŋkìr ne, a beʼ virə́ʼ. Yii yév kisaŋe tònén ne. Áwune yòʼ bin nsaʼ wàn tsə̀, fó sho, a bó á yòʼ kiŋsìn gháy ŋgaà kitàn.

Aysaya 1:23

Atǎr wòŋ véné tsə́y kóy wùn à Nyùy, kfə̀n suúsin wùn aàshóŋé. Áwune adzə̀me kù diy a dzə̀ kòyàr, leey ji wìr bvə́n kiwó aáwune. Bó á yòʼ fə̀m kiŋsìn gháy wón tsə̀, a bó á yòʼ bin nsaʼ, fó e wiíy ŋkfə.

Ŋgàn 23:10

Lá à yòʼ kùvsín bìíy ŋgvən yee fó yàŋgùʼ, e nə̀ə́ e wón tsə̀ə́ virə̀ʼ.

Nsùyrì Nyùy 68:5

Wù dzə́ e wun kirə̀ʼ ké dzə ke ranén kí, leey fo wón tsə̀ wùn à vikǐy ŋkfəə. Wù dzə̀ tàr fo alàtàrí, bin nsaʼ vikǐy ŋkfə.

2 Afòn 24:4

jòkìnyàʼ wír vee alànjò ve wù‑uù yuyrin. Wù‑uù yiì, mensə́ me wìr vee alànjò mè wáa leŋ Jerusalem e dzə̀m, a bó yòʼ dzə̀ Nyùy Tàr làysìn jay və.

Remrí 24:7

A kí kòóy ji wìr Isray koó fə́r və ji kifá ke way, a lì ji kwàn, bo ŋgaà koo woo shooy yíi kpu. Vèn ku yùyrí bèy, e fíʼ tuŋ liì kisaŋ, e fəə́r fo věn mvəm.

Jeremia 26:16

Atǎr ntoʼ wùn à wìr dzə̀m nèn sùúy aàtàá cù wùn aàŋgàa ntum Nyùy vìyi jii, «Wìr və̀n yoʼ yiì kinyo ke dzə̀ á yùyrí wun. Wù tiìsí kinyo e vèsən a dzə̀ ntum ye Nyùy Tàr woo Nyùy wòsən tumen wun sho.»

Ŋgàn 6:17

a yí dzə̀ jii: Kiŋkoʼòrwùn, kimboʼtì, kinjuyrìwìr,

Nsùyrì Nyùy 94:21

Á lo, á bàʼtí, a ròn wuú wìr ve á yúnin wò, bin nsaʼ ji á yúyrí alànjò.

Nsùyrì Nyùy 94:6

Áwune seéri vikǐy ŋkfə wùn aàbeèshàa, yúyri wón aŋkfə, suuy jii,

Ŋwàʼ Jov 24:9

Vé mbàm ámóʼó foor vé kitàne mbàm. Á dzə́r, sí buu, á nèn kòy wón tsə̀ fó vin ji tiír.

Ŋwàʼ Jov 22:9

Wò‑oò lo, à jùm vikǐy ŋkfə, á wàa dùkìr e wóo kisáŋ, e laàr ntom ye wón ŋkfəə kì yíi a lùŋ fo fo.

2 Samuel 23:3

Nyùy wìr veé Isray sùŋnín ne, Kilán ke wìr veé Isray ki sùúy e mò jii, ‹Taà saʼ lóo fàn Nyùy, lóo saʼ wíri tìítiy,

Remrí 27:19

« ‹Lǒn Nyùyi ku koò wír wo wù nyavrì e gháy kiŋgwìyi, kìn wó wàn tsə̀ə́, kìn e wó wiiy ŋkfəə.› «Á yoŋ bèy, é wìr dzə̀m ku bìnsí jii, ‹Kí kú a dzə bèy.

Remrí 25:1

Mooser wáa yòŋ jii, «A kí kòóy ji wíri lo, a taŋnín, e lò, e wìy sho e lav nsaʼ, á sáʼ, wùmòʼ gbu nsaʼ, wùmòʼ woo wír boy,

Remrí 10:18

Wù yii tíy e kinyò ke wón tsə̀ wùn à ké vikǐy ŋkfə ki, fo á bvə́ʼ ghay wóv. Wù koŋ viŋgwìy, yiir áwune, kfə̀n fó áwune ndzə̀y.

Cù 19:15

«Lá wìr yòʼ a tinén nsaʼ, a loʼ kiloʼ. Lá vèn yòʼ a bìn nsaʼ, a fo e ghéʼncey, kìn dzə̀ mó a bìn nsaʼ, a fàn sí ŋgaà mbàm. Á bèy, vèn kú a tinén nsaʼ se afə́r vén, a ker suuyrú.

Mayka 3:11

Atǎr saʼ vee fóo kù sə́ a dzə̀ kòyàr, e bó a saʼ, aàtàá cùu sə́ mbvə́nkíwó, e bó a toʼtí nsər se Nyùy, aàŋgàa ntum Nyùyi kù maʼ sa kiwó, e bó a tiisí vinyo ve ví yíi a koóy. Áwune sə́ bèy, dzəv nsaŋ, suuy jii, «Nyùy Tàr dzə̀ vèr áwune, a dzə̀ sə̀ʼ ka ver.»

Ŋwàʼ Fəə 22:22

«Lá vèn yòʼ a nyàvrì e wiíy ŋkfə, kìn e wàn tsə̀.

Matio 23:23

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vèn lo, á lì mefarìn me á kéŋ, náŋsin nyóo shó, e kfə̀n ŋèvtì kirə́ʼ e ghvə̀m, e bóo fo kee kimòʼón ji ké Nyùy. Vèn yii bèy, nèn maʼày kinyo ke kí tíy e shií e Nyùy nsər ji á wáa yiì. A kí dzə̀ jii, bó vèn yòʼ yii kinyo kee réŋ e wìr, a bó yòʼ dzə̀ vèn shàm wír gheéy, a bó vèn yòʼ wáy sa shilív a dzə̀ e Nyùy wùn. Á vinyo vìn ve kì dzə̀ vèn wàa yiì, e bó a yiì sa menyorìn mèy.

Ŋwàʼ Fəə 22:21

«Lá vèn yòʼ a nyàvrì e kiŋgwìy ki, a sə̀tì wun. Vèn kuúmé ji vèn‑eè dzə̀ sá viŋgwìy e wòŋ Ejiv.

Aysaya 58:6

«Vinyo ve m taʼ ji wír ve á lem jíŋe wáa yiì vi dzə̀ jii, M taʼ ji á bvəti asháŋ ve á gòvtìn wíri, e kùr shó, e bvə̀tì akfəə̀ ve á kurin fáŋ ye yí dzər, gháʼ áwune shó. M taʼ ji á ku sə̀ wír ve á nyavrì sho, aáwune boy, e laàr dzə́ə se wíri shaa sho, e bó a yiì ŋgeʼ aámóʼó.

Aysaya 58:7

M taʼ ji vèn wáa jàv vifá vén vé yi e wír ve á yòʼ kéríi, a səəsí aŋgàa kitàn vee alàlav, a fo áwune kirə́ʼ ké shiíy. Vèn yén wír, a wù ghán kinshóʼ, vèn kùr ndzə̀y é wùn wó. Lá vèn yòʼ a ten fó a sə afə́r vén.

Jeremia 7:23

Mò‑oò yòŋ aáwune a dzə̀ jii, ‹Vèn wáa yunín mo, é m nèn a dzə Nyùy won, é vèn wáa dzə wír vém.› M kfən yòŋ jii, ‹Vèn wáa ghan a dzə̀ e mǒ mbòv, é vinyo vén ví nèn a dù kijuŋ.›

Jeremia 19:4

Kí dzə̀ bey, bìʼ fo wír vìne meŋen ne mo, e bìvír kirə́ʼ kin. Áwune sí ton kiláy fen, cu anyùy sho, cu bèy, a bó atàr vév wùn aàfon veé Judàa yòʼ fə̀m‑eè lo yì‑iì kìíy anyùy vìn. Aáwune kfə̀n‑eè yiì, mensə́ me wìr vee alànjò mè sə́ fen e dzə̀m.

Yòvdìy 3:36

lóo bìn nsaʼ mbvə́nkíwó, la wúné yòʼ a bòŋ Nyùy Tàr gheéy.

Esiker 18:12

Wù lo, a nə̀ʼsì aŋgàa kitàn, a tay vé ŋgeʼe, a faàsì kimfaàsì. Wìr tiir kifá e wun, wù tàv shó, du, ghvə́m mebvə̀m, yii vinyo ve joònè ví.

Esiker 45:9

Nyùy Tàr woo Taà Ndzə yòŋ aàtǎr saʼ veé Israyi jii, «Kí gheén lèn. Vèn meeme ntáymé, e meèmè nə̀ʼsì. Vèn wáa yiì vinyo vi, é ví wáa dzə tìítiy, a dzə réŋ, e làa yòʼ dzə́ə a faàsì virə́ʼ vé wìr vém. Suuy mo woo Nyùy Tàr woo Taà Ndzə.

Amos 5:24

Vèn kú a tinén kinyo ki é nsànloŋ, a yiì a dzə̀ kinyo kee réŋ, e kù a yiì bèy ghán sidzə̀m, moo ndzə́v ye yí léŋ ghán sidzə̀m, a bó yí yòʼ yii yúmé.»

Remrí 24:17

Lá wìr yòʼ lòʼ kiŋgwìy, e bìn kinyo kév kintéŋ. Kìn dzə̀ wír woo là tàr. Lá á yòʼ koò ndzə̀y sé wiíy ŋkfə e kaa.

Nsùyrì Nyùy 82:4

Vèn kú a sə vé kitàne wùn aàghéʼnceyí, a bòyìr áwune fo wír ve á méŋ Nyùyí wo.

Esiker 18:7

Kfə́n a dzə sa wír, a bó wù yòʼ nəʼsì wír. Lo, wù kù a siìr kifá ke wìr tiirin e wun, e làa yòʼ a faàsì kimfaàsì, a wù yiir wír ve jìŋ yárí, kfə̀n kúr ndzə̀y e wír ve á ghán kinshóʼó wùn.

Amos 5:15

Vèn wáa bàn kinyo ke bi kí, a kòŋ a dzə̀ kee tìítiy. Vèn nəə e làv nsaʼ, vèn kù wày ji á wáa tinén kinyo ke wìr e nsànloŋ. Á bèy, tàm é ghan símóʼ sí, é Nyùy Tàr woo Taà Mànjòŋ wìy shàm mendzən me kibér ke rám Joosev.