Jeremia 22:2 - ŊWÀʼ NYÙY

² ‹Wò woo fon woó Juda, ku yuùrí kinyo ke Nyùy Tàr suuy ki. Wò woo rám Fòn Davir, vèn à vé saʼ vée, à wír ve á yii tósin kishém kìn adzə̀me ku yuùrí.

Jeremia 22:2 Referans Kwoze

Ŋwàʼ Luk 1:32

Wù wíy a dzə wír wo kuʼùn, aá wáa yòŋ ji Wan Nyùy woo Taà Vitu. Nyùy Tàr, wun woo Nyùy wíy dzə̀ʼə̀r wun e Fòn Davir woo tàr à ràm yév kàvàʼ,

Jeremia 22:4

A vèn lòo dzə a yunín vinyo vìn, bo wìr woo Fòn Davir ram yòʼ wíy buŋ fó a saʼ vifon. Afone kù wíy a tosín vishém veé ntoʼ wùn à vé lìm véví, a shaà e vitu ve vitentén ve səŋ nyám si, a shaà e vitu ve nyàm se ŋkoʼ.

Aysaya 9:7

Sáʼ rəə́ kù wíy a kuy, a dù duùn fó mbìy, a kitúm kfə́ kí kù wíy a neŋ e mvə̀m vikùʼùy ji dèʼ. Wù wíy a saʼ ji njìlaʼ Fòn Davir, e kù a tiy a dzə̀ é kinyò kee réŋ kí, a saʼ vifon və́ tìítiy, là kiloʼ, a bó sáʼ rəə́ yòʼ wíy mày. Nyùy Tàr woo Taà Mànjòŋ kù wíy yiì kinyo kìn bìʼ shíi və.

Aysaya 1:10

Ven vee atǎr saʼ ve á noon fo atǎr saʼ veé Sodomé loŋ, vèn yuúrí kinyo ke Nyùy Tàr suuy ki. Ven vee anjiì vinyò ve bi ví moo wír veé Gomorra, vèn fó vituʼùr ví, e yuùrí ntir se Nyùy wòsən sí kijuŋ.

Amos 7:16

«Ké lèn ki, Amatsiya, yuúrí kinyo ke Nyùy Tàr suuy ki. À lò ne ké, a shèm fo m wáa fìʼtì kinyo ke kí wíy koóy wír veé Isray, e kfə̀n a shaʼnín fo m wáa nyàysì liì kisaŋ wo rám Aysìi kérí.

Esiker 34:7

«Kí nén a dzə jii, ven vee anshìy, vèn yú kinyo ke Nyùy Tàr suuy ki.

Jeremia 36:30

Bo kinyo ke Nyùy Tàr suuy kùm wun woo Fòn Jehoyiakim woó Juda ki dzə̀ á jii, ‹Bó wìr woo bvəm rə́ yòʼ wíy a saʼ a vifon vee Davir ram. A ké wun woo fon ki dzə̀, aá wíy sàŋ dzə́n rə́, é yí wáa rəsí e shùy, a shaà, a shiíy e kintòn.

Jeremia 29:20

Ven adzə̀m ve mò‑oò fəərin fó Jerusalem, á dú é Babilon, vèn yuúrí kinyo ke mo woo Nyùy Tàr suuy ki.

Jeremia 19:3

M yií du, m yòŋ á jii, éè afon veé Juda wùn à wír veé Jerusaleme, á yuúrí á kinyo ke Nyùy Tàr woo Taà Mànjòŋ, wun woo Nyùy wìr veé Isray suuy ki. Wù suuy jii, «Vèn yuúrí e yù, m yíi màʼ ŋgeʼ ye tavín é kirə̀ʼ fen, wìr wíy yú, é wúné kuúsí wun.

Jeremia 13:18

Nyùy Tàr yòŋ e mo jii, m suúy á e fòn wùn yaà yeèfòn jii, «Vèn sə́ʼə́y fó kàvàʼ. Vijuŋ ve ntáráʼ won ví mày ne. Ví keèsí ne fo věn kitu.

Jeremia 7:2

«Tiím é shùu kày wo wú du e Nyùy Tǎr lav, a fìʼtì sáʼ yémé fó jii, á yuúrí á ntum Nyùy Tàr. Wìr dzə̀m woó Juda wo wù nəə kay ji wun cu Nyùy Tàr ku waà yuùrí.

Aysaya 28:14

Á bèy, ven vee vilìmbìy veé Juda ve vèn dzəə̀n é Jerusalem fèn, ven ve vèn shéʼ mo shéʼén, vèn yuúrí ntum Nyùy Tàr, a yì dzə̀ jii:

1 Afòn 22:19

Mikayia nèn kfə̀n a suúy jii, «Fòn ku yuùrí a kinyo ke Nyùy Tàr. M kì yèn á Nyùy Tàr, a wù dzə́ e wun kàvàʼ, a nsheèlav sə́ sí tíy e wun ghaŋ, à fó koy ŋkoòvìi, à fo wó yìyí,

Jeremia 22:1

Nyùy Tàr yòŋ e mò jii, «Dù é ntoʼ Juda, e fìʼtì fo jii,

Jeremia 34:2

Nyùy Tàr, wun woo Nyùy wìr veé Isray‑iì sùúy e Jeremia jii, «Dù, e yèn Fòn Tsədekiya woó Juda, e yòŋ sho ji Nyùy Tàr suuy a jii, ‹Yuúri yù, m sí wáy ŋkàlaʼ rə̀n e fòn woó Babilon kiwo, é wù ton e və́yí.