Jeremia 21:9 - ŊWÀʼ NYÙY

⁹ Wír wo wù yíi gòʼ e ŋkàlaʼ fèn, yíi kpu rə́r, aámóʼó kpú jíŋ, aámóʼó kpú kév a dzə̀ kifə̀ʼ. Yii bèy, a wìr wo wù yíi fo shiŋkfəŋ e wír veé Babilon ve á gìŋèn vené yíi bòy, e leʼ e kitú kfə́ kí, é dzəʼə̀m rəə́ goʼ.

Jeremia 21:9 Referans Kwoze

Jeremia 38:2

Wù‑uù yoŋ ji Nyùy Tàr suuy a ji wír ve á goʼ e Jerusaleme wíy kpu yé rər, kìn yé jiŋ, kìn yé kifə̀ʼ. Yii bèy, a wìr wo wù du, e shwi kitú e wír veé Babiloné wo wíy bòy. Séʼ və wíy a dzə dzəʼə̀m, é wù goʼ e tin.

Jeremia 45:5

A dzə̀ rú à wàa kwàʼ ji ké ki yíi a dzə jeéy á? Lá à yòʼ a kwàʼtì bèy. Leéy, e yèn, m lo, e màʼ ŋgeʼ e wìr msòŋ e dzə̀m kitu. Á bèy, a m yíi a kìŋsìn dzəʼə̀m yé e kirə̀ʼ kidzə̀m ke à yíi a dù sho. Suuy mo woo Nyùy Tàr.› »

Jeremia 39:18

E ké ru kí, m wíy lùŋèr wò, é la á yòʼ yùy wò, é vilaámé vé vi wáa dzə dzəʼə̀m yé, bìʼ fo à wayin shilív e mǒ wùn. Suuy mo woo Nyùy Tàr.› »

Jeremia 14:12

Aáwune fə̀m lò, a lèm jíŋ, bo m yòʼ yíi yu tóŋ yév. Aá fə̀m yiì a dzə̀ cu ye tonèné, kìn yé vifa ve yi, bo m yòʼ yíi səəsí. M kù yíi laàr áwune a dzə̀ e rə́r sí, e laàr e jiŋ, e laàr e kifə̀ʼ ki.»

Jeremia 27:13

Fòn sà màʼtì ji wùn à wíri kpú rə́r, e kpù jíŋ, e kpù kifə̀ʼ, bìʼ ka á? Á kinyo ke Nyùy Tàr yòŋèn ji kí wíy koóy a kitúm ke kí tenen fó a yunín fon woó Babilon.

Jeremia 21:7

M yii bèy, é m li Tsədekiya woo fon Juda wùn à vé saʼ vəə́, à wír veé ŋkàlaʼ ve á bòyìn fó kifə̀ʼ, kìn fó rər, kìn fó jiŋ, e way e Nebukadnessar woo fon woó Babilon kiwo, é wùn aàŋgàa vibàn véví lóvtí aáwune lóvtín. Wù kù wíy fo sáʼ ji á gwati áwune, aá kpúkír. Wù yòʼ wíy bavtí áwune, a wù yòʼ wíy rər mendzən mev, a wù yòʼ wíy sham áwune. Kù suuy mo woo Nyùy Tàr.› »

Jeremia 24:10

M kù wíy tsənsí rə́r wùn à jiŋ, à kifə̀ʼ ki, é kí tee áwune, e meé mo áwune wíy səʼsí, e mày fo nsay ye mò‑oò foon e wùn aàtàr véví.»

Jeremia 27:11

Yii bèy, a kitúm ke kí wíy a yunín fon woó Babilon, a lìm fo wun, m wíy màʼtì, é kí wáa dzə e rə́ə yee nsay, a lìm fó.› » Á kinyo ke Nyùy Tàr suuyin.

Esiker 5:12

Kintóʼ ke wìr fo vintóʼ vee vitaár ki wíy kpu yé kifə̀ʼ, kìn yé jiŋ, e věn mvə̀m ŋkàlaʼ, é kintóʼ kímóʼ kí kpú é shùu rər, se sí maʼ, e kaàrí ŋkàlaʼ, e tàr. M wíy màysì kibér, e taʼár vitóŋtóŋ vidzə̀m, e shoʼ aáwuné bàm e nyùy rə̀r.

Jeremia 27:12

Kù dzə̀ sáʼka wo mò‑oò fèrìn sá e Fòn Tsədekiya woó Juda. Mò‑oò sùúy shó jii, «Fòn wùn à kitúm kfə́ kí wáa yunín a fon woó Babilon, a lìm a fo wùn à wír vəə́, é wùn à kitúm kfə́ kí nèn waà wìy lùŋ.

Jeremia 38:3

Nyùy Tàr kfə́n a suúy jii, wun yíi way a ŋkàlaʼ rə̀n e vé rə́r fòn woó Babiloné kiwo, aá ton.