Jeremia 21:7 - ŊWÀʼ NYÙY

⁷ M yii bèy, é m li Tsədekiya woo fon Juda wùn à vé saʼ vəə́, à wír veé ŋkàlaʼ ve á bòyìn fó kifə̀ʼ, kìn fó rər, kìn fó jiŋ, e way e Nebukadnessar woo fon woó Babilon kiwo, é wùn aàŋgàa vibàn véví lóvtí aáwune lóvtín. Wù kù wíy fo sáʼ ji á gwati áwune, aá kpúkír. Wù yòʼ wíy bavtí áwune, a wù yòʼ wíy rər mendzən mev, a wù yòʼ wíy sham áwune. Kù suuy mo woo Nyùy Tàr.› »

Jeremia 21:7 Referans Kwoze

Jeremia 37:17

Fòn Tsədekiya lò, e tòóy, á wìy e Jeremia, wùn wun bàr wún é faáy, fòn dzə́r shó bámbám jii, «À kér ntum ye yì loòn fo Nyùy Tàr á?» Jeremia bìnèr jii, «Nyàr, yì waà dzə̀. Vé rərí yíi koo a wun, e dù, e way a e fòn woó Babilon kiwo.»

Esiker 7:9

Bó m yòʼ yíi leéy ven, e bavtí, a bó m yòʼ yíi a rər mendzən men. M yíi làʼ ven e ŋgeʼ, é vèn yén seʼ liì kisaŋ wo wù dzəə̀n e věn mvəm. Kù bey, é vèn nèn kìíy ji m dzə̀ á Nyùy Tàr wo dzə̀ wù màʼ ŋgeʼ e wírí kitu.

Jeremia 13:14

Wun yíi a lì wír, a fòr a wùmòʼ shó, à ŋgàywìr, à wánlè, suuy a wun woo Nyùy Tàr. Yòʼ dzə̀ wun yiì rə̀r á mendzən mev, e shàm á áwune, e lèm a ji á goʼ atin.

Remrí 28:50

Wíy a dzə wíri, a dzə̀ vé tàkìŋàʼa, ve bó á yòʼ kiiy ŋgàywìr, e bó a rər mendzən me wánlè wo terí.

Esiker 9:10

Á bèy, kém kí nén a dzə sa jii, bó yòʼ dzə̀ m lèéy áwune, e bàvtí, a bó m yòʼ yíi rər mendzən mev. M yíi lovtí aáwune mo njiìn wov dzəə̀n.»

Esiker 8:18

Bìʼ bey, m lo, e dìn dòʼshwíiy wom aáwuné kitu. Bó m yòʼ lo, e leéy, e bavtí, a bó m yòʼ yíi a rər mendzən mev. Aáwune fèn tòŋ e mǒ vitùʼùr, a waamé waamén, bo bó m yòʼ yíi yuurí.»

Aysaya 47:6

Mò‑oò shwìíy kilòŋ é ŋàŋ vèr à wír vémé, e nə̀ʼsì áwune, kù moo ji bó yòʼ dzə̀ə́ a wír vém bey. Mò‑oò màʼtì, ven veé Babilone tón áwune é shùu rər, yii bèy, a bó vèn yòʼ‑oò lo shàm mendzən mev. Jòkìnyàʼ, vèn yií, wír vee ŋgày sé wìri wáa yen ŋgeʼ, yì wáa shaà vitaáví vév.

Aysaya 27:11

Sí sooyì, tám se vici sí yúm, béʼkirì, é vikìy wáa wìy, a siv ji meŋkaʼ. Rúrú, wír vìne ter fo vinyò e kúmé, a Nyùy Tàr wo wù‑uù bomen áwune yòʼ wíy sham áwune. Wun wo wù‑uù bomen áwune yòʼ wíy dìn shammèndzə̀n aáwune.

Jeremia 15:5

«Éè Jerusalem, wíy a sham la ven? Wíy a dìy la ven? Wíy lì la ghán sə́, a dzər ji vèn sà dzə̀ é le á?

Jeremia 15:9

Wiíy wo wù làyìn wón və́ vee saàmbà sí fénkir, fér kiyoy. Ndzə ye ranén kfə̀n ne fo wun ji vitsə́ʼə́. Á shòór ne wun, nyári wáa dzə e wun shiliv. Ké kiber ke wìr vév, m wíy màʼtì sa áàŋgàa vibàné yúyrí. Suuy mo woo Nyùy Tàr.»

Jeremia 22:25

M yíi fo wò e wír ve á wooy dzəʼə̀m yée, áwune ve à fanè. M yíi way wò e Fòn Nebukadnessar woó Babilon wùn à vé rər vəə́ kiwo.

Jeremia 27:6

Lèn və̀n, m fò ne vitúm vidzə̀m e ŋgaà lìm wom woo Fòn Nebukadnessar woó Babilon, e kfə̀n fò nyám se kwaʼ sho, sí wáa lìm sa fo wun.

Jeremia 34:3

À yòʼ yíi bòy fo wun kiwo. Á kù yíi koo wò, e dù, e fo sho. À yíi yen fon woó Babilon e sí yée, é vèn wun wáa suŋnín, é wìr wáa yen wùmòʼ, aá nèn lì wò, e dù sho e Babilon.

Esiker 23:28

«Ke mo woo Nyùy Tàr woo Taà Ndzə suuy ki dzə̀ jii, m sí lo, e way wò e wír ve à banèé wo. Wír, a dzə̀ ve à bànèn, e tèʼ kikáŋ.

Jeremia 14:12

Aáwune fə̀m lò, a lèm jíŋ, bo m yòʼ yíi yu tóŋ yév. Aá fə̀m yiì a dzə̀ cu ye tonèné, kìn yé vifa ve yi, bo m yòʼ yíi səəsí. M kù yíi laàr áwune a dzə̀ e rə́r sí, e laàr e jiŋ, e laàr e kifə̀ʼ ki.»

Jeremia 19:7

«A kí dzə̀ jii, kirə́ʼ kin ki dzə̀ fo m wíy bvəə́r antaŋ wìr veé Juda wùn à veé Jerusaleme. M wíy yiì, áàŋgaà vév vibàné yúyrí áwune fen e shùu rər. Wír ve á dzə wuú yéví kù wíy səʼsí áwune sə́ʼsín, é m fó dzə́n sév ji viyíkìr ve menə̀n wùn à vé nyàm se kwaʼ vi.

Jeremia 20:4

A Nyùy Tàr shu bèy, suuy jii, ‹M wíy yiì kinyo e wò, a dzə̀ ke wúné wáa beemé wò, e kfə̀n yiì bèy e ŋkar sé si. À wíy yen mo aŋgaà vév vibàné wíy laàr áwune e nyùy rə̀r. M wíy way wír veé Juda adzə̀m e fòn woó Babilon kiwo, é wù li áwune, e dù sho e Babilon, kìn wù yúyri yùyrín.

Jeremia 32:4

A bó Fòn Tsədekiya woó Juda yòʼ wíy bòy saa fo wír veé Babiloné kiwo. E ké ru kí, á kù wíy way wun e fòn woó Babilon kiwo, é wùn wun wáa suŋnín, é wìr wáa yen wùmòʼ.

Jeremia 36:29

Sáŋé, à yòŋ ké wun woo Fòn Jehoyiakim woó Juda ji Nyùy Tàr suuy a ji wù‑uù ton ŋwàʼ və̀n, fáŋnin a ji Jeremia sà yèe, e bó a saŋ ji fòn woó Babilon yíi wìy, e bvəʼə́y ŋkàlaʼ rə̀n, e yuyrí wíri wùn à nyám si á?

Jeremia 50:17

Nyùy Tàr suuy jii: «Wír veé Israyi dzə̀ moo njiì wo abvərə̀ʼə́ jùmèn, wù táʼrí. Wìr mbìy wóo kèʼ, a laàr áwune‑eè dzə̀ fon woó Assiriya. Fòn Nebukadnessar woó Babilon nèn màysì, e bvə̀ʼə́y.

Yòvdìy 2:20

Jerusalem wáa yòŋ jii, «Éè Nyùy Tàr, ku lèéy, e yèn. Wò‑oo yií ne lòvtí e wìr wùmòʼ ben a? A dzə̀ kí kòóy ji vikìy lo, a kfər wón vév á, wón, a dzə̀ ve dzəən áwune, e lìy à? A dzə̀ á wàa yuyrí atàá cù, a yuyrí aŋgàa ntum Nyùy a? A dzə̀ á wàa yuyrí e lav cù bèn à?

Yòvdìy 2:22

«Nyùy Tàr, wò‑oò bì aŋgàa vibàn, á wìy, e taàmé mo mbìv sidzə̀m, kù mo á bì wíri ŋkàʼ. Dòʼshwiíy wò‑oò kòʼ, la wìr wóo leʼ, e bòy yòʼ a dzə. Aŋgàa vibàné‑eè yùyrí wón vém, wón, a mò‑oò liy, géʼsin sho.»