Jeremia 21:6 - ŊWÀʼ NYÙY

⁶ M yíi bvəʼə́y kifá kidzə̀m ke kí dzəə̀n é mvə̀mlaʼ fèn. Kifə̀ʼ ke tavín kí yíi tatí, e teè wíri wùn à nyám si.

Jeremia 21:6 Referans Kwoze

Tsəfaniya 1:3

M wíy laàr wíri, e laàr nyám si. M wíy laàr menə́n, e laàr sə́ si. M wíy laàr wír ve á méŋ mo, e səʼsí wíri fó kitu ke nsay sə́ʼsín. Suuy mo woo Nyùy Tàr.

Hosea 4:3

Bìʼ bey, nsay yùm ne, a dzə e nsòv, a kifá kidzə̀m ke kí dzəə̀n shó ki wèʼ ne wéʼen. Nyám sidzə̀m wùn à menə́n mè, à sə́ si ló kpukír.»

Esiker 14:21

«Á bèy, ke Nyùy Tàr woo Taà Ndzə suuy ki dzə̀ jii, bo ké Jerusalem ki wíy fòy fòyìn, e shaàsìn, a m tátí ne virom ve ŋgeʼ vee vikweè vìn, e màʼ aáwuné kitu. Ŋgeʼ see jii, rə́r, jíŋ, nyám see koosàʼ, bóo lì kifə̀ʼ. M maʼà, é wìr msòŋ wùn à nyám si may fó fo.

Esiker 14:19

«Kí kfə́n a dzə jii, a dòʼshwíiy wom kòʼ, m tsə́nsí kifə̀ʼ ke dzə̀ kí teè wíri wùn à nyám si nyanyày e wòŋ foo fèy,

Esiker 14:17

«Kí kfə́n a dzə sa jii, a m kì lò, e tsə̀nsí rə́r é kitum, e wàm ji sí tee wíri wùn à nyám si fó fo,

Esiker 14:13

«Wàn wìr msòŋ, a kitúm ki lò, e bùʼtì vinyo ve bi ví é ŋàŋ, a meŋ mo, bo m lo, e màʼ kiwó aáwuné kitu, e fàr vifá vév vé yi, é jìŋ koó, e laàr, à wìr, à nyàm fo fo.

Jeremia 33:12

Kinyo ke Nyùy Tàr woo Taà Mànjòŋ yoŋ ki dzə̀ jii, «Kirə́ʼ kin ke kí duùn ne e vifə̀m, a bó wíri, kìn nyám si yòʼ dzə̀ fó ki dzə̀, a vibìn vé nyàm vi kfə̀n wíy a dzə fo, áànshìyi wáa lèm nyám sév fó. A kí kù wíy a dzə bèy ŋkà se laʼ see fó sidzə̀m.

Jeremia 32:24

«Leey, e yèn, wír veé Babilone yàvtí ne vikfə́r ve tiy, e kaàrí ŋkàlaʼ sho ji á nəə́, e sùm. Á bèy, a rə́r wùn à jiŋ, à kifə̀ʼ ki lo, e way áwune áàŋgàa vibàn ve á taáme áwuneé wo, aá sum. Kí à yén ji kinyo ke wò‑oò suuyin kidzə̀m ki sí kooyì.

Aysaya 6:11

M nen dzə̀r e Nyùy Tàr jii, «Nyùy Tàr, kí wíy koóy bèy, e dù, e meé e le?» Nyùy Tàr bínér e mò jii: «Kí kù wíy a dzə bèy, e meé mo ŋkà se laʼ seé Isray si wíy dù e vifə̀m, a tiynín kisáŋ, a wìr yòʼ dzəə́ kum fo, e meé mo lav sév sí wíy kwiíy, a wìr yòʼ dzəə́ shiiy sho, a nsay sí tíy kisáŋ ji ŋkfə̀ŋkìkì.

Ŋwàʼ Luk 21:24

Á wíy gwàtì ámóʼó gwátin, e tayrí ámóʼó ji akwàn, a jàvtì vitúm vidzə̀m. Á mo vitúm ve bó ví yòʼ kiìn Nyùy vi wíy tòn Jerusalem, a koʼrí e kitu wo, e dù, e meé mo ghán sév sí wíy mày.

Mayka 3:12

Kí nén a dzə jii, bìʼ liì won kisaŋ, á yíi lìm Sion e njà sùm, é Jerusalem və̀n kfə́n é vifə̀m, é gwan woo fo lav cù Nyùy Tàr dzəə̀n kwiíy, e rə̀ŋsìn.

Esiker 33:29

M siir woŋ wóv, wú buy, dù e vifə̀m bìʼ joonè wóv e dzə̀m wo áwune yiìn, aá nèn kìíy ji m dzə̀ á Nyùy Tàr.

Esiker 33:27

Yòŋ aáwune ji ke suuy mo woo Nyùy Tàr woo Taà Ndzə ki dzə̀ á jii, ‹Mo m dzəə̀n shó e tin, e ké ru kí, wír ve á dzə́ e vimgbù ve laʼa wíy kpu yé rər. Ké wìr ve á dzəə̀n é kwaʼ e ŋgèŋgèr, é m fó, é koosàʼ saʼ, é ve á duùn áàŋkoŋ, a lìr e mbvə̀ʼ sií kpú yé kifə̀ʼ.

Esiker 12:16

Yii bèy, a m wíy yiì, áàshàr wìr fo áwuné mvəm boy fó rər, e bòy fo jiŋ, e kfə̀n bòy fo ayàsí. Á boy bèy, aá nèn lò, a tuuné liì virìm wov e dzə̀m, aá dzə̀ é vitum fo á dùkìn, e nèn kiíy rú ji m dzə̀ á Nyùy Tàr.› »

Esiker 7:15

Rə́r sí yíi a teè wíri é ghaŋ se ŋkàlaʼ, é kifə̀ʼ wùn à jìŋ wáa yuyrí e mvə̀m ŋkàlaʼ. Wìr lóo dzə e ndzə, é wù kpú yé rər, wìr lóo dzə e mvə̀mlaʼ, e wù kpú yé jiŋ, kìn yé kifə̀ʼ.

Jeremia 42:22

Ké lèn ki, vèn wáa kiíy ji vèn wíy kpu a yé rər, kìn yé jiŋ, kìn yé kifə̀ʼ, e kirə̀ʼ kee fo vèn shoʼon ji á du, a dzə.»

Jeremia 36:29

Sáŋé, à yòŋ ké wun woo Fòn Jehoyiakim woó Juda ji Nyùy Tàr suuy a ji wù‑uù ton ŋwàʼ və̀n, fáŋnin a ji Jeremia sà yèe, e bó a saŋ ji fòn woó Babilon yíi wìy, e bvəʼə́y ŋkàlaʼ rə̀n, e yuyrí wíri wùn à nyám si á?

Jeremia 34:17

Á bèy, Nyùy Tàr suuy jii, «Mo vèn yòʼ‑oò lo yùnín mo, e yiì kinyo ke vèn‑eè lìʼìn ji wìr yíi a màʼtì a fə́r və, é wù wáa bòy fo vikwàn, vèn yuúrí, m lo, e màʼtì sa ven, é rə́r wùn à jiŋ, à kifə̀ʼ ki nəə́ ven. Vitúm veé kitu ke nsay vidzə̀m vi lóo leéy ven, é wúné wáa beemé áwune. Suuy mo woo Nyùy Tàr.

Jeremia 14:12

Aáwune fə̀m lò, a lèm jíŋ, bo m yòʼ yíi yu tóŋ yév. Aá fə̀m yiì a dzə̀ cu ye tonèné, kìn yé vifa ve yi, bo m yòʼ yíi səəsí. M kù yíi laàr áwune a dzə̀ e rə́r sí, e laàr e jiŋ, e laàr e kifə̀ʼ ki.»

Jeremia 7:20

Á bèy, mo woo Nyùy Tàr woo Taà Ndzə nén a yòŋ jii, dòʼshwíiy wom yíi koʼ bìʼ kirə́ʼ kin, é m maʼ ŋgeʼ e wìr msǒŋ kitu, e màʼ e nyám si, e màʼ e vicí vee fó vi, e màʼ e vifá ve ví kúy e nsay foo fèy vi. Dòʼshwíiy wom wíy a shwi moo və́y wo bó yòʼ dzə̀ wú ndzə̀mén.»

Kèʼlo 6:7

Bìʼ bey, Nyùy Tàr nèn sùúy jii, «M yíi laàr wír wo mò‑oò bomen é kitu ke nsay, e tatí wùn à nyám si, à vifá ve ŋaŋrìn ví, à menə́n mè. M kér mendzən ji mò‑oò bòm vifá vìn.»

Jeremia 16:4

áwune wíy a jòy ayàsí ve bií, a kpukír. Bó wìr wó a dìy áwune yòʼ wíy a dzə, kìn wo wù dzəəme. Dzə́n sév sí wíy a neŋnín e virə̀ʼ moo jáŋ. Áwune wíy kpu rə́r, e kpu jíŋ, é menə́n wùn à nyám si kfə́r dzə́n sév.»

Jeremia 20:4

A Nyùy Tàr shu bèy, suuy jii, ‹M wíy yiì kinyo e wò, a dzə̀ ke wúné wáa beemé wò, e kfə̀n yiì bèy e ŋkar sé si. À wíy yen mo aŋgaà vév vibàné wíy laàr áwune e nyùy rə̀r. M wíy way wír veé Juda adzə̀m e fòn woó Babilon kiwo, é wù li áwune, e dù sho e Babilon, kìn wù yúyri yùyrín.