Jeremia 21:4 - ŊWÀʼ NYÙY

⁴ «Vèn du, á sùúy e Fòn Tsədekiya ji Nyùy Tàr woo Nyùy wìr veé Isray sùúy a jii, ‹Vèn leéy, e yèn mo fòn woó Babilon wùn à vé rər vəə́ gìŋèn ŋkàlaʼ yen, e kaàrí, e tàr. Vèn yíi fəə e vifá ve rər ví, taáme áwune shó, é m biner ji kifá kisáŋ. Rúrú, m yíi lì aŋgaà vén vibàn, e nəə́ sho e ntìntìn ŋkàlaʼ fèn.

Jeremia 21:4 Referans Kwoze

Jeremia 33:5

Yii bèy, a wír ve á búʼ ji á sə́ vitú vév víne kù yíi kpu rə́r, é fóo rún e dzə́n sé wíri sí. Á kù yíi kpu bìʼ dòʼshwíiy wom wo wù koʼon é ŋàŋ. M yíi rəʼ sí yém fó ŋkàlaʼ fèn, a dzə̀ bìʼ vinyo ve kisaŋ vi vidzə̀m ve áwune yii.

Jeremia 32:5

Fòn woó Babilon wíy lì Tsədekiya, e dù sho e Babilon. Wù du, é wù kú a dzə fo, e meé mo wún wómé wíy bòŋ. A Tsədekiya fə̀m lò, a fùnèn wír veé Babilon, bo wù yòʼ‑óò só áwune. Suuy a Nyùy Tàr.

Aysaya 13:4

Vèn yuúrí mo kiyor ki kóʼ fo agwan, a kí kóʼ mo ko màŋgòŋ wìr nyanyày, a wù ló fó vitum vinín, e kaàrí, a koʼór kiyor. Dzə̀ Nyùy Tàr woo Taà Mànjòŋ mo wù báʼti vé rər və́. Wù báʼti áwune é mfòn ji á du, e màʼ rə́r.

Aysaya 5:5

Ké lèn ki, vèn maʼti, é m suúy kinyo ke m lo, e yiì e súm wóm və́ne. M lo, e gwàr vinyáʼnyaʼ fó wǔn kày, gwarì, é m saʼ virə́v vé kày vidzə̀m, é nyám si fiʼ nə̀ə́ sho, e ndzə̀ə́y kifá kidzə̀m fo fo, ndzəəyì, é sí nyeŋ súm, é wú kfə́n é ŋgèŋgèr.

Sekariya 14:2

A dzə̀ ji Nyùy Tàr wíy baʼtí vitúm vidzə̀m, é ví nəə́ ŋkàlaʼ Jerusalem e rə́r sí, e faàsì. Faasì, aá shwíyrí lav si, e ghàtí vikìy. Á wíy koo wíri fó ŋkàlaʼ, e lì kintoʼnìn, e dù sho e kwaʼ nsàm, é kibér ki kú a dzə e ŋkàlaʼ.

Yòvdìy 2:7

Nyùy Tàr mèŋ ne kirə́ʼ ké kiy cù və́, e bìn ndzə̀m e kibàn kfə́ kee jeéy kí. Wù màʼtì ne, aŋgàa vibàné bvə́ʼə́y virə́v vé lav cù, ŋkèŋé kóʼ fo Nyùy Tǎr lav cù, kù moó ghan se á yí a dzə̀ ŋkàʼ fó.

Yòvdìy 2:5

Nyùy Tàr kfə̀n ne ji ŋgaà vibàn, e laàr Isray láarin. Wù‑uù kèr láʼ sév se kuʼkìn sí, e bvə̀ʼə́y virə́ʼ vév ve tavkín ví vidzə̀m. Wù yiì ne, wír veé Judàa wáa rəsí, a toŋ, a dìy a dzə̀ kpú ghán sidzə̀m.

Jeremia 39:3

Mo á sùmèn Jerusalem bèy, vé saʼ fòn woó Babilone nèn dù, e màʼ antaʼ vév é Shùu Kày Kintìntìne. A vé‑eè dzə̀ jii, Nergal‑Shareser, Samgar‑Nebo, Sarsekim woo kitú kév, à wùmòʼ woo Nergal‑Shareser woo kitú kév kímóʼ kí, e bóo lì vé saʼ ámóʼó.

Matio 22:7

Fòn və̀y yén bey, wún vəə́ kìn, wù fəə́r vé rərí, á dù, e teè sa wír ve á kì yuyrin aŋgaà və́ ntum vìy, e tòn ntèʼ yev.

Hosea 9:12

Aáwune fə̀m lìy wón, bo m kù yíi laàr adzə̀m. Rúrú, m yíi bìn ndzə̀m aáwune, é lòné nəə́ áwune.

Jeremia 52:18

Vé‑eè lì sá kíŋ sí wùn à visoó vi, à kfə́ə vimfar vímóʼ ví ve vé‑eè náŋsin akfə̀ə́ làm sho, à vighín ví, aàláŋé, e lì kifá kidzə̀m kee kisha kee brons ki, ke vé‑eè yii lim sho e lav cù.

Aysaya 10:4

Bó wìr yòʼ wíy a ker fóo dù, e shaà ji á kù wíy yuyrí wun yúyrín é shùu rər, kìn ji á koó wun, a sə̀ŋ, a dù sho moo vé sháŋé. Fə̀m mo ŋgeʼ sìn sidzə̀m si siìn e wír veé Israyí kitu, Nyùy Tàr kù dzəə́ shwiiy kilòŋ wùn áwune, a wù dzə̀ kibáʼtín ji wun lo, e shaà fo mbìy, a dzə̀sì ŋgeʼlàʼ aáwuné kitu.

Jeremia 20:4

A Nyùy Tàr shu bèy, suuy jii, ‹M wíy yiì kinyo e wò, a dzə̀ ke wúné wáa beemé wò, e kfə̀n yiì bèy e ŋkar sé si. À wíy yen mo aŋgaà vév vibàné wíy laàr áwune e nyùy rə̀r. M wíy way wír veé Juda adzə̀m e fòn woó Babilon kiwo, é wù li áwune, e dù sho e Babilon, kìn wù yúyri yùyrín.

Jeremia 21:3

Nyùy Tàr nèn sùŋnín e mò woo Jeremia, m bìnèr aáwune jii,

Jeremia 32:3

Fòn Tsədekiya woó Juda‑aà fin wun e lav, sáʼ jii, wù sà ghán, fiʼtì ntum Nyùy ye wù fiʼtì ji ka á? Wù fiʼtì ji Nyùy Tàr suuy a jii, wun sí wáy a ŋkàlaʼ rə̀n e fòn woó Babilon kiwo, é wù koó wíri, e fəə̀ shó.

Jeremia 32:24

«Leey, e yèn, wír veé Babilone yàvtí ne vikfə́r ve tiy, e kaàrí ŋkàlaʼ sho ji á nəə́, e sùm. Á bèy, a rə́r wùn à jiŋ, à kifə̀ʼ ki lo, e way áwune áàŋgàa vibàn ve á taáme áwuneé wo, aá sum. Kí à yén ji kinyo ke wò‑oò suuyin kidzə̀m ki sí kooyì.

Jeremia 35:17

Á bèy, mo woo Nyùy Tàr woo Taà Mànjòŋ, mo woo Nyùy wìr veé Isray nén a suúy jii, vèn yuúri yù, m lo, e màʼ ŋgeʼ ye mò‑oò yòŋèn e dzə̀m e wír veé Juda wùn à wìr dzə̀m woó Jerusalem kitu, a dzə̀ bìʼ fo m suŋnin aáwune, la á yòʼ yuùrí. M jáŋ áwune, á tén fó biimé.»

Yòvdìy 2:3

Wù shwìíy ne kilòŋ, e kìv kóy Isray wo tavíné. Wù rə̀ʼ ne wún fo áwuné wùn, e tèn fó sə, aàŋgàa vibàné sí ghíʼ áwune. Wù lòvtí ne e Isray moo ji á tòn a dzə̀ e və́yí, e lòvtí bèy, fóo sə́ʼsí e dzə̀m.

Esiker 39:3

M yii bèy, é m dzəv kinte fo wò kiwo ke ŋkoòvì ki, e yiì, é mvən si túmkír fo ké yìy kí.