Jeremia 21:2 - ŊWÀʼ NYÙY

² m ku bùʼ á wó e Nyùy Tàr, bìʼ rə́r se Nebukadnessar woo fon woó Babilon sí nəə áwune shó. M ku lòn á ji kìn Nyùy Tàr‑íì yii viŋgaʼnìn və́ vé vinyò mo wù yii yii, e kiír Nebukadnessar fo áwuné wùn.

Jeremia 21:2 Referans Kwoze

Jeremia 37:3

Fòn Tsədekiya nèn lò, e tùm Jehukal woo wan Shelemia, wùn taà cù Tsəfaniya woo wan Ma‑Aseyia, ji á du, e yèn á Jeremia woo *ŋgaà ntum Nyùy, e yòŋ sho a ji kii wun, wù kú a bùnrì a Nyùy Tàr woo Nyùy wov, ji wù sə́ á áwune.

Jeremia 37:7

Nyùy Tàr woo Nyùy wìr veé Isray‑iì sùúy shó jii, «Mo fòn woó Juda tumen wò ji à wáa buʼ wó e mò, dù sùúy sho ji vé rə́r Farao ve vé‑eè wìyìn ji á sə́ wune sí lo, a kfən a bàm é Ejiv, aáwuné nsay.

1 Samuel 28:15

Samuel dzə́r e Saul jii, «À jívir mo bìʼ ka? À jaŋ mo fo aŋkfəə́ wòŋ bìʼ ka?» Saul bìnèr jii, «M dzə̀ é ŋgeʼ ye tavín. Wír veé Filistiàa taáme mo e rə́r sí, a Nyùy Tàr bín ne ndzə̀m e mò. Bó wù yòʼ dzəə́ binèr kinyo kém, fə̀m à shishàr sho, kìn wù shaa fo *ŋgaà ntum və, kìn é njèm. Á kinyo ke kí yiìn, bo m waá jàŋ wò ji à ku sùúy a kinyo ke a dzə̀ m yiì.»

1 Samuel 28:6

Wù beè Nyùy Tàr shó, la Nyùy Tàr yòʼ fə̀m bìnèr wun e njèm, kìn e Urim wùn Tumim, kìn ji wù shaa fo aŋgàa ntum vəə́.

Jeremia 32:24

«Leey, e yèn, wír veé Babilone yàvtí ne vikfə́r ve tiy, e kaàrí ŋkàlaʼ sho ji á nəə́, e sùm. Á bèy, a rə́r wùn à jiŋ, à kifə̀ʼ ki lo, e way áwune áàŋgàa vibàn ve á taáme áwuneé wo, aá sum. Kí à yén ji kinyo ke wò‑oò suuyin kidzə̀m ki sí kooyì.

Jeremia 32:17

«Àshè, Nyùy Tàr woo Taà Ndzə, dzə̀ wò wo wò‑oò bomen yúv wùn à nsay e vitaáví vé ve ghaʼán ví, wò wo à dzəə̀n e gháʼtín. Kinyo ke a dzə̀ kí ghàʼ wò ki yòʼ dzə̀.

2 Wòŋ 32:21

Nyùy Tàr nèn tsə̀nsí nshìylav rə, yì wìy, e yùyrí wir dzə̀m wo wù‑uù dzəə̀n e wír veé Assiriyàá kilaʼáy. Wù‑uù yùyrí vé rərí wùn aàmfòómeé, à vitú vév vé rər ví. Fòn Sennakeriv nèn kfə̀n é bàm e woomé sí si. Wù yiì lò, e nə̀ə́ e nyùy və́ lav ji wun wàa cu, wón və́ ámóʼó yúyrí wun e nyùy yev rə̀r.

2 Afòn 1:3

Nshìylav Nyùy Tàr nèn wìy, e yèn Elija woo wír woó Tishbe, e sùúy sho jii, «Dùu, e yèn aŋgàa ntum fòn woó Samariàa. Ku dzə̀r aáwune ji sà dzə̀ ji bó Nyùy yòʼ dzə̀ é Isray a, é bo áwune du ji á tar kinyo fo Baal‑Sebuv woo nyùy woó Ekron?

1 Samuel 10:22

Á dzə́r e Nyùy Tàr ji ŋwèrín sà kù sì á? Nyùy Tàr bìnèr jii, «Wù sì, a wù lir e nsàn vibàm.»

Atǎr Nsaʼ 20:27

A wìr wo wù‑uù leey fo ŋkùv mensàŋ‑eè dzə̀ Finehas woo wan Eleasar woo wan wàn Aaron. Wír veé Israyi nèn dzə̀r e Nyùy Tàr jii, «Vèr kfən dù, e ghìʼ afə́r vér vee wír veé Benjamin e rə́r sí moo ŋgáŋ á?» Nyùy Tàr bìnèr jii, «Vèn du, bìʼ fo m bvəə́shi, e koo áwune, e fo e vèn.»

Kèʼlo 10:10

Virə́ʼ ve Nimrod‑iì tòmbìy kèʼ, a saʼ vi‑iì dzə̀ Babel, Erek wùn à Akkad. Virə́ʼ vin vidzə̀m vi‑iì dzə̀ é wòŋ Shinar.

Ŋwàʼ Fəə 9:28

Ku lòn Nyùy Tàr, bìʼ fo kishèv wùn à mentíy me biibí mèn mè siìn é ŋàŋ. M lo, e màʼtì ven, é vèn wáa dù, vèn yòʼ kfə̀n dzəə́ goʼ fèn.»

2 Afòn 17:24

Mo vé‑eè liìn wír vée Isray, e dù sho e kwaʼ nsàm bey, fòn woó Assiriya nèn wìy e wír ve səné, e dzə̀ʼə̀r e ntèʼ seé Samaria ji á li á kirə́ʼ ké wìr veé Isray. Wù‑uù wìy e wíri fó Babilon, Kuta, Avva, Hamat wùn à fó Sefarvayim, áwune yòv vifá veé Samaria, e nèn a dzə e ntèʼ see fó.

Aysaya 48:2

Vèn yoŋ vitú vén ji wír veé ŋkàlaʼ ye dzəə̀n ye Nyùy, yoŋ ji vèn kù yoy, tiir a dzə̀ e Nyùy wìr veé Isray wùn. Wun wo yír rəə́ dzəə̀n ji Nyùy Tàr woo Taà Mànjòŋ.

Jeremia 15:11

Nyùy Tàr bìnèr e mo jii, «E ké ru kí, m yíi lùŋèr wò, áà wáa dzə e shií, ŋgeʼ si lóo nəə́, vinyo vi lóo ghaʼ, é m kú a yiì, áàŋgaà vé vibàné wáa wìy, a mbaà a dzə̀ wò.

Jeremia 21:3

Nyùy Tàr nèn sùŋnín e mò woo Jeremia, m bìnèr aáwune jii,

Jeremia 37:17

Fòn Tsədekiya lò, e tòóy, á wìy e Jeremia, wùn wun bàr wún é faáy, fòn dzə́r shó bámbám jii, «À kér ntum ye yì loòn fo Nyùy Tàr á?» Jeremia bìnèr jii, «Nyàr, yì waà dzə̀. Vé rərí yíi koo a wun, e dù, e way a e fòn woó Babilon kiwo.»

Esiker 7:26

Ŋgeʼ wíy a nyoòrì yìmòʼ, é sáʼka wo bi wáa ruvtí e wùmǒʼ kitu. Vèn wíy a tàʼ *ŋgaà ntum Nyùy wo wù wáa toʼtí vinyo, e làa yòʼ a yen. Bó taà cù yòʼ wíy a ker kinyo kée yeʼéy wír sho, a bó ŋgày sé wìr si yòʼ wíy a ker ntir yée tir wír sho.

Jeremia 34:1

Yì‑iì dzə̀, a Fòn Nebukadnessar woó Babilon wùn à vé rər vəə́, à vitúm veé kitu ke nsay ve ví dzəə̀n e wun sar saʼ vi tátí, a fùnèn wír veé Jerusalem wùn à ntèʼ seé ghaŋ wo si, Nyùy Tàr súŋnín e Jeremia.