Jeremia 21:10 - ŊWÀʼ NYÙY

¹⁰ M kù wày ne wayín ji m maʼ a ŋgeʼ e ŋkàlaʼ fèn, é la réŋ yòʼ a dzə fo. Suuy mo woo Nyùy Tàr. M lo, e way ŋkàlaʼ rə̀n e fòn woó Babilon kiwo, é wù laar e və́yí.»

Jeremia 21:10 Referans Kwoze

Jeremia 44:11

Bìʼ bey, Nyùy Tàr woo Taà Mànjòŋ, wun woo Nyùy wìr veé Isray nen sùúy jii, «Vèn leéy, e yèn, m yíi kìʼ ven e ŋgeʼ, e laàr rám Juda e dzə̀m.

Amos 9:4

Aàŋgaà vév vibàné koòrí áwune, e dù sho ji wír kibàm, aá fə̀m dù sho a dzə̀ feé, bo m kù yii, é rə́r sí nyoori áwune fó, e yùyrí. M kíy áwune, taáme ji m ku màʼ ŋgeʼ aáwuné kitu, a bó m yòʼ yíi rər mendzən mev gheéy.»

Jeremia 44:27

Vèn yuúrí, e yù, m kù yíi a kiyrí ven a dzə̀ ji ŋgeʼ si nəə́ ven, é la vijuŋ vi yòʼ a dzə. Wír vee rám Juda adzə̀m ve á dzə́ e Ejivi kù wíy kpu. Á wíy kpu yé rər, e kpu yé jiŋ, é la wìr yòʼ bèr.

Esiker 15:7

M tùytí sí yém aáwuné wùn, fə̀m mo vé‑eè bòyìn fó və̀y wúmóʼó, bo wúmóʼó kù wíy laàr áwune, aá nèn kìíy ji m dzə̀ á Nyùy Tàr.

Jeremia 52:13

e tòn lav cù Nyùy Tàr, e tòn ntoʼ wùn à lav se wìr ve kuʼkìn sí. Wù‑uù tàtí, e tònrì lav seé ŋkàlaʼ Jerusalem sidzə̀m.

Jeremia 39:8

Vé rər veé Babilone siíy é Jerusalem, e tòn ntoʼ, e kfə̀n tòn lav se wíri, e nèn bvə̀ʼə́y kay yeé ŋkàlaʼ.

Jeremia 38:18

Yii bèy, a fòn tèn fóo dù, e shwi kitú e vilìmbìy ve fòn woó Babilon vi, bo á yíi way a ŋkàlaʼ rə̀n e wír veé Babiloné kiwo, aá ton e və́yí, é la fòn yòʼ bòy sa a fo áwuné wo.»

Jeremia 38:3

Nyùy Tàr kfə́n a suúy jii, wun yíi way a ŋkàlaʼ rə̀n e vé rə́r fòn woó Babiloné kiwo, aá ton.

Jeremia 34:2

Nyùy Tàr, wun woo Nyùy wìr veé Isray‑iì sùúy e Jeremia jii, «Dù, e yèn Fòn Tsədekiya woó Juda, e yòŋ sho ji Nyùy Tàr suuy a jii, ‹Yuúri yù, m sí wáy ŋkàlaʼ rə̀n e fòn woó Babilon kiwo, é wù ton e və́yí.

2 Wòŋ 36:19

Vé rər vəə́‑əə̀ tòn lav cù, e kètì kay yeé ŋkàlaʼ Jerusalem, e tòn vimà vé lav vee fó vidzə̀m, e sə̀ʼsí kifá keé kilùm kidzə̀m.

Jeremia 38:23

«E ké ru kí, vé rər veé Babilone wíy koo a vikǐy ntoʼ wùn à wóné adzə̀m, e dù a sho. A fòn kitú kfə́ yòʼ wíy bòy a fo áwuné wo. Fòn woó Babilon kù wíy koo a wun, e dù a sho, aá kfə̀n wíy tòn a ŋkàlaʼ rə̀n e və́yí.»

Nsùyrì Nyùy 34:16

Wù yíi kòr sí fo wír ve á yii vinyo ve bi ví, é yír yéví lay fó kitu ke nsay.

Cù 26:17

M yíi shwivír ven, áàŋgaà vén vibàné wáa ghaʼ ven. Wír ve á ban vené yíi a fo sáʼ e vèn. Vèn wíy a leʼ, a bó wìr yòʼ jum ven.

Cù 17:10

«Kí kfə̀n dzə̀ sá jii, a wìr woó Isray, kìn kiŋgwìy ke kí dzə́ aáwuné mvəm kí yì nyám e mensə́ mè sho, bo m yíi shwivír ŋgaàŋ, e fəə́r wun fo wír vəə́ mvəm.

Sekariya 1:6

Yii bèy, kinyo kidzə̀m ke mò‑oò yiìn aŋgàa ntum vémé yíysí, e kàntì atàr vén shó, kí kù‑uù ghèén aáwuné kitu. Áwune nèn bìnèr melív mev, e sùúy jii, ‹Nyùy Tàr woo Taà Mànjòŋ lòvtí e vèr mo wù‑uù kàʼàn, réŋréŋ mo liì wor kisaŋ wùn à njiìn wor wo bi‑iì dzəə̀n.› »

Jeremia 34:22

Vèn yuúri yù, m wíy fo sáʼ, é vé rər veé Babilone kfə́n, e nə̀ə́ ŋkàlaʼ rə̀n e rə́r sí, e sùm fó, e tòn e və́yí. M wíy laàr sa ŋkà se laʼ seé Juda, é fóo du é vifə̀m, é la kiŋkwir ke wìr ki yòʼ a kùm fo. Suuy mo woo Nyùy Tàr.»

Jeremia 26:6

bo m lo, e lovtí e lav cù rə̀n mo mò‑oò lovtin e Shilo, é vitúm veé kitu ke nsay vi wáa lì yír ŋkàlaʼ rə̀n ji liy ye á kuu wíri shó.› »

Jeremia 17:27

« ‹Yii bèy, a vèn lò a dzə, e làa yòʼ a yunín mo, a lèm kishiíy ké bam jeéy, e làa yòʼ màʼtì vifá vé a beʼ, a tosín shuu se kày Jerusalem sho e kishiíy ké bam, bo m yíi sə̀ʼ və́y é shuù se kày, é wú bvə́ʼə́y ntoʼ seé Jerusalem, a bó yòʼ dzə̀ á ndzə̀mér.› »

Jeremia 33:5

Yii bèy, a wír ve á búʼ ji á sə́ vitú vév víne kù yíi kpu rə́r, é fóo rún e dzə́n sé wíri sí. Á kù yíi kpu bìʼ dòʼshwíiy wom wo wù koʼon é ŋàŋ. M yíi rəʼ sí yém fó ŋkàlaʼ fèn, a dzə̀ bìʼ vinyo ve kisaŋ vi vidzə̀m ve áwune yii.

Jeremia 39:16

«Dù, e sùúy e Ebed‑Melek woo wir Etiopia ji Nyùy Tàr woo Taà Mànjòŋ, wun woo Nyùy wìr veé Isray suuy a jii, ‹Leéy, e yèn, m wíy yiì kinyo ke mò‑oò yòŋèn ji m wíy yiì e ŋkàlaʼ rə̀n. A dzə̀ m kù màʼ a dzə̀ ŋgeʼ fo, é la vijuŋ vi yòʼ a dzə fo. Vinyo vìn vi wíy a koóy e kishiíy fó, áà wáa yen e sí yée.

Esiker 24:11

Á maʼti kíŋ é kay və̀y, é yí baŋ, é nyàŋ shwí, é lóm si may, é yí rán.

Amos 2:5

Á bèy, m kù‑úù tsə́nsí və́y, e laàr Juda, e tòn virə́ʼ vév ve tavkín veé Jerusalem.»

Jeremia 38:17

Jeremia nèn yòŋ e Tsədekiya ji Nyùy Tàr woo Taà Mànjòŋ, wun woo Nyùy wìr veé Isray yoŋ a jii, «A fòn lòo dzə, e lì kitú kfə́, e dù, e shwì vilìmbìy ve fòn woó Babilon sho, bo fòn yíi lùŋ, é la á yòʼ dzəə yiì tòn a ŋkàlaʼ rə̀n e və́yí. Bo fòn wùn à kfə́ə rəə́ wàa yíi gòʼ atin.