Jeremia 21:1 - ŊWÀʼ NYÙY

¹ Nyùy Tàr kfən lò, e tiìsí ntum rə e mò, a ghán sin si‑iì dzə̀, a Fòn Tsədekiya woó Juda tsə́nsí ne Pashur woo wan Malkia, wùn taà cù Tsəfaniya woo wan Ma‑Aseyia ji á wiy, e yèn á mo woo Jeremia ji

Jeremia 21:1 Referans Kwoze

Jeremia 37:3

Fòn Tsədekiya nèn lò, e tùm Jehukal woo wan Shelemia, wùn taà cù Tsəfaniya woo wan Ma‑Aseyia, ji á du, e yèn á Jeremia woo *ŋgaà ntum Nyùy, e yòŋ sho a ji kii wun, wù kú a bùnrì a Nyùy Tàr woo Nyùy wov, ji wù sə́ á áwune.

Jeremia 29:25

Nyùy Tàr woo Taà Mànjòŋ, wun woo Nyùy wìr veé Isray suuy a jii, «À sàŋ ne aŋwàʼ e wò yir, e tsə̀nsí e wìr dzə̀m wo wù dzəə̀n é Jerusalem, e sàŋ sá wó Tsəfaniya woo wan taà cù woo Ma‑Aseyia, a ŋwàʼ və̀ne kfə̀n dzə̀ sá wó atàá cù adzə̀m. Wò‑oò sàŋ bey, a yòŋ e Tsəfaniya jii,

Jeremia 52:24

Nebusaradan woo mfòómé‑eè koò Serayia woo kitú ke atàá cù, e koò sá Tsəfaniya woo taà cù wo wù tóm wun, à wír vee ataár ve á yii tíy e shùu lav cùu.

Jeremia 38:1

Mo Jeremia kù‑uù tiísi ntum rə, Shefatia woo wan Mattan wùn à Gedalia woo wan Pashur, à Jukal woo wan Shelemia, à Pashur woo wan Malkia nèn yù vinyo ve wù rə́si yoŋ e wíri.

Jeremia 37:1

Fòn Nebukadnessar woó Babilon‑eè kòʼór Tsədekiya woo wan Josia ji fon Juda, e lèm ji wù wáa saʼ a e Fòn Jehoyiacin woo wan Jehoyiakim ntaʼ.

1 Wòŋ 9:12

e bóo lì Adaya woo wan Jeroham, Jeroham woo wan Pashur, Pashur woo wan Malkija wùn à Maasay woo wan Adi‑el, Adi‑el woo wan Jaasera, Jaasera woo wan Meshullam, Meshullam woo wan Meshillemit, Meshillemit woo wan Immer,

Nehemia 11:12

Aá kù dzə̀ wùn aàfə́r vév ve vé‑eè yii vinyo e lav cùu, wìr dzə̀m wáa dzə wír nshòv sibaà e mbaà é ghiì waamé (822). Taà cù wùmòʼ wáa dzə Adaya woo wan Jeroham, wo yì‑iì dzəə̀n wan Pelalia, a Pelalia‑aà dzə̀ wan Amsi woo wan Sekariya, wo yì‑iì dzəə̀n wan Pashur woo wan Malkija.

1 Wòŋ 3:15

Josia‑aà kér wón akweè, aá dzə̀ jii, Johanan, Jehoyiakim, Tsədekiya wùn à Shallum.

2 Wòŋ 36:17

Á bèy, Nyùy Tàr nèn tsə̀nsí fon woó Babilon, wù wìy, e nə̀ə́ áwune e rə́r sí, sí teè vilum, e dù, e mèé e lav cù. Fòn woó Babilon yòʼ‑oò lo rə̀r mendzən me wìr, kìn wánlè ŋgòn, kìn wánlè nsùm, kìn ŋgàywìr, e lì taàta wìr. Nyùy‑iì wày áwune adzə̀m e fòn woó Babilon kiwo.

Jeremia 29:29

Kí nen lò, e kòóy ji taà cù woo Tsəfaniya sə́ ŋwàʼ woo shooy, a yòŋ, a ŋgaà ntum Nyùy woo Jeremia yuúri.

Jeremia 37:7

Nyùy Tàr woo Nyùy wìr veé Isray‑iì sùúy shó jii, «Mo fòn woó Juda tumen wò ji à wáa buʼ wó e mò, dù sùúy sho ji vé rə́r Farao ve vé‑eè wìyìn ji á sə́ wune sí lo, a kfən a bàm é Ejiv, aáwuné nsay.

Jeremia 37:17

Fòn Tsədekiya lò, e tòóy, á wìy e Jeremia, wùn wun bàr wún é faáy, fòn dzə́r shó bámbám jii, «À kér ntum ye yì loòn fo Nyùy Tàr á?» Jeremia bìnèr jii, «Nyàr, yì waà dzə̀. Vé rərí yíi koo a wun, e dù, e way a e fòn woó Babilon kiwo.»

Jeremia 38:14

Fòn Tsədekiya nèn lò, e tòóy Jeremia woo ŋgaà ntum Nyùy, á wìy sho e shùu ràŋ fo fòn yii shaa, e bó a nəə́ e lav cù. Fòn nèn yòŋ e Jeremia jii, «M dzə́r kinyo ke m dzə́r e wò, lá à yòʼ lìtì kinyo fo mò.»

2 Afòn 22:13

«Vèn du, e tàr fo Nyùy Tàr kùm kinyo ke á saŋen é ŋwàʼ fèn. Vèn tar, e fò e vèr à wíri, à woŋ Judàa e dzə̀m. Nyùy Tàr shwiiy kilòŋ vèsən áwune é dzəə ye bi, bìʼ fo atàr vesəné yòʼ‑oò lo yùnín jí seé ŋwàʼ fèn. Áwune yòʼ‑oò lo yiì vinyo ve á saŋen shó kùm vèsən.»

Jeremia 35:4

e nèn lì áwune, e wìy sho e lav cù, e nə̀ə́ sho e wón Hanané wàn lav. Hanan və̀n dzə̀ wan Igdalia woo *ŋgaà ntum Nyùy. Wàn lav və̀n‑eè dzə̀ é ghaa wàn lav wo dzəə̀n wo atǎr saʼ, a wù‑uù dzə̀ e Ma‑Aseyia woo wan Shallum kitu ke wàn lav. Shallum və̀n dzə̀ wo yì‑iì leey wun shuu se kày seé lav cù.