Jeremia 20:4 - ŊWÀʼ NYÙY

⁴ A Nyùy Tàr shu bèy, suuy jii, ‹M wíy yiì kinyo e wò, a dzə̀ ke wúné wáa beemé wò, e kfə̀n yiì bèy e ŋkar sé si. À wíy yen mo aŋgaà vév vibàné wíy laàr áwune e nyùy rə̀r. M wíy way wír veé Juda adzə̀m e fòn woó Babilon kiwo, é wù li áwune, e dù sho e Babilon, kìn wù yúyri yùyrín.

Jeremia 20:4 Referans Kwoze

Jeremia 29:21

Mo woo Nyùy Tàr woo Taà Mànjòŋ, mo woo Nyùy wìr veé Isray, m suuy kùm Ahav woo wan Kolayia wùn Tsədekiya woo wan Ma‑Aseyia jii, áwune li mo, téʼ e si, bóʼti ven, a m yíi way áwune e Fòn Nebukadnessar woó Babilon kiwo, é wù wáa yuyrí áwune, a vèn yéné.

Jeremia 25:9

bo m yíi tsənsí vitúm veé mbìv yee kuy wùn à kilìmbìy kév kee Nebukadnessar, wo dzəə̀n fon woó Babilon, a wù dzə̀ ji ŋgaà lìm wom. M yíi tsənsí, aáwune wiy, e kìʼ woŋ wón e rə́r sí, e tatí wir dzə̀m wo wù dzə́ fo, à vitúm vidzə̀m ve ví kaarin fó vi. M yíi bvəʼə́y fó ŋkuuŋkùŋ, é fóo wáa beemé, wíri lóo leéy, aá wáa ndzəə, é vèn wáa dzə kifá ke nshéʼmé ki, e wìy dù, e mày. Suuy mo woo Nyùy Tàr.

Jeremia 52:27

Fòn nèn fò sáʼ, á dzə̀v áwune, e yùyrí e Ribla foo fèy e nsay Hamat. Á mo vé‑eè kuuyin wír veé Juda bèn, e fəə̀ woŋ wóv shó, e dù sho e wòŋ wo səné.

Jeremia 19:15

Nyùy Tàr woo Taà Mànjòŋ, wun woo Nyùy wìr veé Isray suuy jii, «Vèn leéy, e yèn, m sí lo, e màʼ ŋgeʼ ye tavín é ŋkàlaʼ fèn, e màʼ e ntèʼ see fó ghaŋ réŋréŋ mo mò‑oò sí suuyì, a kù dzə̀ bìʼ fo vèn tavin kitú, e tèn fó a yu kinyo ke m suuyì.»

Jeremia 6:25

Lá wìr dzəə dù e kwaʼ. Lá wìr fəə̀, fə̀m ǎ dzəə shó. Ŋgaà vibàn kér nyùy rə̀r, a virə́ʼ vidzə̀m vi sí beéme beèmén.

Nsùyrì Nyùy 73:19

Yén ri, mo áwune lo, á gbù fó tèr, lòné koò áwune, á kpù kpú mensəə.

2 Afòn 25:7

Á kfə̀n‑eè yùyrí wón Tsədekiya, a wù yéné, e nèn fə̀tí sí sə́, e kùr wun aàsháŋé, e lì, e dù sho e Babilon.

1 Samuel 2:33

Ké wìr fo vèn wo wù wíy ber, a lìm fo mò ji taà cù, ndzə kù wíy sən wun, e làŋsìn, é shilív sə́ shí seem. Wón vé adzə̀me kù wíy a kuy, a shèrkìr shèrkìn.

Jeremia 13:10

Wír liì kisaŋ vìn, á tèn ne fó a yu kinyo kém, a tav a dzə̀ kitú, a yiì kinyo a dzə̀ ke melív mev mè tíy sho, jumrì anyùy vitum, ghvə́mé, kfə̀n cu. Áwune kù wíy lày sa kisáŋ moo bàtàrí və̀n.

Jeremia 13:19

Rə́r sí gìm ne ŋkà se laʼ seé Negev, a bó wìr yòʼ dzə̀ wóo tosín fó, e sə áwune. Á koòrí ne wír veé Juda adzə̀m, e dù sho e kwaʼ nsàm. Á kùúy ne áwune adzə̀m, e dù sho ŋkuuŋkùŋ.»

Jeremia 20:6

Fo ké ki, wò woo Pashur, á yíi koorí vèn à wír vee wò laʼa adzə̀m, e dù sho e wòŋ woo Babilon, é vèn kpúkír fó, aá dzəəme ven fó, e dzəə̀mè vèn à ŋkar sé si sidzə̀m, a kù dzə̀ se wò‑oò tiisin ntum kimboʼtì aáwune.› »

Jeremia 46:5

«Óò mbaà, m yén kin a dzə̀ ka? Áwune fàn ne, áwune sí kfə́n e bàm. Á ghàʼ ne vintav vév vé wìr, ví sí kfə́n e bàm e kinyeŋ ke tavín kí, a bó wìr yòʼ kfə̀n leey bám. Virə́ʼ vidzə̀m vi kù sí beéme áwune beemén. Suuy Nyùy Tàr.

Jeremia 52:24

Nebusaradan woo mfòómé‑eè koò Serayia woo kitú ke atàá cù, e koò sá Tsəfaniya woo taà cù wo wù tóm wun, à wír vee ataár ve á yii tíy e shùu lav cùu.