Jeremia 20:2 - ŊWÀʼ NYÙY

² Mo wù yuun bey, e nèn yòŋ, á dzə́v Jeremia woo *ŋgaà ntum Nyùy, e wày é kibuʼ ke kí‑iì dzəə̀n é shùu kibùʼ wo á yoŋ ji wó Benjamin, a wú dzə̀ é kirəv ké lav cù kee kuy.

Jeremia 20:2 Referans Kwoze

Jeremia 37:13

Wù dù, e mèé e shùu kày wo wú nəə e nsay Benjamin, wìr wo yì‑iì dzəə̀n kitú ke wìr ve á leey kay, a yír rəə́ dzə̀ Irija, a dzə̀ wan Shelemia woo wan Hananiya nèn ghàr wun, a yòŋ jii, «Á kfən e bàm, à sí léʼ, e dù, e tatí ŋgoo rə̀r yeé Babilon.»

Sekariya 14:10

Woŋe wíy kfən e mboʼ e dzə̀m, e kèʼ fo Geba, e dù, e meé e Rimmon, e mbìv Jerusalem yee tsə́n. Yii bèy, a Jerusalem kù wíy gòʼ, a nyaʼ e wun kirə̀ʼ. Ŋkàlaʼ wíy neèm, e kèʼ fo Shùu Kày Benjamin, e dù, e meé e Shùu Kày woó Kor, a dzə̀ fo shuu wúmóʼó‑oò dzəə̀n fó mbìy, e kfə̀n kèʼ fo Kirùmèn ke Hananel, e dù, e bàʼ e bii wo á yii nyeŋ meluʼ meé ntoʼ sho.

2 Wòŋ 16:10

Hanani suúy bey, Fòn Asa yú kfə́ a dzə̀ nyár ye tavíné, e nèn wày wun e sháŋ. Wáa dzə e ghan sin, Asa kfən nyàvrì sa e wír ámóʼó é dzəə ye biibí.

Jeremia 36:26

Fòn lò bèy, e nèn tùm wan ntoʼ woo Jeraameel wùn à Serayia woo wan Asriel, à Shelemia woo wan Abdeel ji á koó á ŋgaà saŋ woo Baruk wùn *ŋgaà ntum Nyùy woo Jeremia. Yii bèy, a Nyùy Tàr kì lìtì ne áwune.

Jeremia 29:26

‹Nyùy Tàr lèm ne wò ji taà cù, e Jehoyiada woo taà cù ntaʼ ji à wáa leéy a lav Nyùy Tàr. Aà yén wír wo wù baá, yoŋ ji wun tiísi ntum Nyùy, à wày kibúʼ e wun shwin, e kfə̀n wày fáŋ kishàa é kilòŋ wó.

2 Wòŋ 24:21

Wù súŋnín bey, wíri nèn kùr menàŋ e wun bàm, fòn nèn fò vitaáví, á tsə́mrí wun, e yùyrí e maàndzə yeé lav cù.

1 Afòn 22:27

Vèn du, vèn sùúy ji m yoŋ a jii, ‹Áwune wáy á jwè woo shoon e sháŋ, a fo kibán, é wù wáa lumrí lumrín, a no a dzə̀ mendzə́v é kitu wo, e dù meé mo mo‑óò kfə́n é bàm là kinyo.› »

Ŋgaà Yen 17:6

M yén, a wiíy və̀y baá mo koò meluʼ, a koó mensə́ me wìr Nyùy ve wù‑uù rə́si yúyri, a mè shaa e si wo, bìʼ fo á kù‑uù tíy kév a dzə̀ wùn à Jesus. M ku nèn a leéy wiíy və̀y bèy, a jaáy.

Ŋgaà Yen 2:10

Vèn wáa kiíy ji ŋgeʼ símóʼ sí kù dzəə́ yiì a koóy a ven. Yii bèy, sí lóo koóy, lá vèn yòʼ a fàn. Satan sí yiì a mùm ven, aá wáa koorí wír ámóʼó fo věn mvəm, a way e sháŋ. A vèn wíy yen ŋgeʼ see shooy bèy, e meé kishiíy e ghvə̀m. M nén a tir ven jii, vèn kú a yu a dzə̀ fo mò, a fə̀m dzə̀ kpú, é m wìy nə̀ŋsí ven e dzəʼə̀m yee là mayi.

Lim Aŋgàa Ntum 7:52

Ŋgaà ntum Nyùy wùmòʼ dzə̀ shó wo atàr véné yòʼ‑oò ló a ròn wúu rə́ á? Áwune kù‑uù yúyri aŋgàa ntum Nyùy yúyrín, a vé‑eè fiʼtì ji Ŋgaà Lìm Nyùy woo rú waà wíy wìy. A dzə̀ wùwun woo shooy mo wù‑uù wìyìn ne, vèn sháʼnín, e yùyrí.

Lim Aŋgàa Ntum 5:40

Vé wòŋe yú ntir Gamalia rə̀n, e nèn biìmé, e jàŋ aŋgàa ntum Jesus vìy. Áwune wìy, á tám, e kàntì ji áwune wáa yen a fó kfə̀n a suúy kinyo kímóʼ kí e wìr ji Jesus, e nèn màʼtì, á wáa dù.

Lim Aŋgàa Ntum 5:18

e nèn tùm wíri, á dù, e koò aŋgàa ntum Jesus, e fìn e lav.

Lim Aŋgàa Ntum 4:3

Á nèn bàm áwune, a dù sho. Mo yì‑iì siìn e ŋkuùr, a ghán sí báŋrín ne, á nèn fìn e lav ji á bvəə́shi, a yen a kibvəə́shí.

Matio 21:35

Á dù, wír vee shooyi nèn koò áwune, e dzə̀v wùmòʼ, e yùyrí wùmòʼ, e tsə̀mrí wùmòʼ e tíyí, wù kpú.

Jeremia 26:8

Jeremia màysì kinyo ke Nyùy Tàr‑iì yòŋèn e wun, e fìʼtì e wìr dzə̀m, atàá cù wùn aàŋgàa ntum Nyùy vìyi, à wìr dzə̀m nèn bàm wun, a yòŋ sho jii, «À kù kér fó kpu.

Ŋwàʼ Jov 13:27

À wày ne kibur e mǒ wuù. À kù shwéʼ mo ghán yémé dzəə̀n, m du fèé, à kù a dzə̀ kiwuú kém.

2 Wòŋ 18:23

Tsədekiya woo wan Kenaana və̀y nèn kòʼtí, e wìy, e sàn kindzəv e Mikayia bubúʼ, e dzə̀r shó jii, «Kiyoy ke Nyùy Tàr kí màʼtì mo a dzə̀ é ghàn ka, e bó a suŋnín e wò?»

Ŋwàʼ Jov 33:11

Wù wày á ne kibur e wò wuù, a shweʼ a mo ghán yée dzəə̀n.

1 Afòn 13:4

Fòn Jeroboam yú beemè ye ŋgaà ntum Nyùy beèmèn kíy cù, a wù kù tíy e ghaa kiy cù fèy, e nèn nàn kiwó, e roòmè ŋgaà ntum Nyùy sho, e yòŋ jii, «Vèn bám jwè və̀y.» Wù roòmè bèy, kóyi nèn tàvtí, là wù yòʼ dzəə yù fóo siìr e bàm.

Jeremia 26:10

Atǎr ntoʼ veé Judàa yú kinyo kìn, e nèn lò fo ntoʼ, e kòʼ é shùu lav cù, e dzə̀ʼə̀m aáwuné kirə̀ʼ, e shùu kibùʼ wo á yoŋ ji Wo Fíyi.

Jeremia 37:21

Fòn Tsədekiya nèn fò sáʼ, á lí Jeremia, e dù, e fìn e kibùʼ ke nsheèlav, a sə ntuʼ kiban fo vé fèri kishiíy kidzə̀m, a fo sho, e meé mo kibán ki‑iì màyìn kidzə̀m fo ŋkàlaʼ. Jeremia ku nèn a dzə e kibùʼ ke nsheèlav.