Jeremia 2:8 - ŊWÀʼ NYÙY

⁸ Atàá cùu yòʼ‑oò ló a beè mo woo Nyùy Tàr. Wír ve á yoŋ nsəri yòʼ‑oò ló a kiíy mo, vilìmbìy vi‑iì ŋwày mo, aàŋgàa ntume tiísi ntum a dzə̀ ye *Baal, cu vifá, a yòʼ dzə̀ ví sə̀ áwune.»

Jeremia 2:8 Referans Kwoze

Habakuk 2:18

Seʼ shibvə̀m dzə̀ ka? Kifá, a bóm wír e wóo, kìn wù sèm sémén. Kí yéʼey a dzə̀ kimboʼtì, ke ŋgaà fèr tiir vifií shó. Kifá, a fér wun, a kí tíy e ŋkfə́né.

Jeremia 10:21

M bìnèr jii, «Vilìmbìy vesən ví dzə̀ viyúŋ. Á yòʼ lo, á wàa mbaà Nyùy Tàr. Á kinyo ke kí màʼàn áwune, wír vesəné nen tàʼrí taʼrín.

Jeremia 5:31

Aŋgàa ntume sí tiísi a dzə̀ ntum kimboʼtì, aàtàá cùu fó sáʼ a dzə̀ ye yí gheen áwune. Wír vémé nén a kòŋ a dzə̀ kee shoon. Bo kimaysì kév kí wíy a dzə ka?»

2 Korin 4:2

e shàʼnín dzə́ə sé kisaŋ si sidzə̀m. A bó vèr yòʼ lévti wíri lévtín, a bó yòʼ dzə̀ sá vèr tòyír ntum Nyùy rə̀n. Vèr kù rə́si fiʼtì a dzə̀ kíwun kee kinyo kimòʼón, kiiy ji dzə̀ á vèr à Nyùy, a wìr dzə̀m yú, bínsi ji dzə̀ á kinyo ke ru kí.

Joon 16:3

Aá wíy a yiì bèy, bìʼ fo bó á yòʼ kiìn mo, a bó á yòʼ kì sá Tàr wor.

Hosea 4:6

Wír vémé sí kpúkir bìʼ méŋ ye á meŋen wír wo dzəə̀n mo. Ven vee atàá cùu tèn ne fó kiíy wír wo dzəə̀n mo, bìʼ bey, m mèŋ ne ven fó atàá cù vém. Mo vèn tenen fó a sàmèr yéʼéy Nyùy won, bìʼ bèy, m yíi ten sa fo wón véné wáa dzə atàá cù.

Joon 8:55

Yii bèy, a bó vèn yòʼ kì wun gheéy. Kù kì mo. A m lò, a shaʼnín ji bó m yòʼ kì, bo m dzə̀ ŋgaà kimboʼtì sa moo ven. M kì wun feyì, a m yú kinyo kfə́, lemè.

Ŋwàʼ Luk 11:52

«Yìiy, ven ve á duŋrì nsər Nyùy, ŋgeʼ dzə̀ rú yéen. Vèn lìtì ne kimbàʼ ke kí mvəʼ shúu lav wo dzə̀ wìr shaà shó, e bóo kiíy kinyo ke dzəə̀n ké ru kí. Vèn tèn e wún wóné fó shaà sho, e nèn a shèm wír ve á taʼ ji á shaa shó.»

Matio 16:26

A wìr yì ndzə, yì may, wù bívír kitú kfə́, bo séʼ və dzə̀ ka? A wìr màʼày dzəʼə̀m rə́, wù wìy tìn, e fò ka?

Jeremia 16:19

Éè Nyùy Tàr, à dzə̀ vitaáví vém. À dzə̀ kóy wóm wo tavíné, aà kiŋsìn mo é ghan sé ŋgeʼ. Vitúm vi wíy a wìy buú se ndzə sidzə̀m, a yen wò, a yòŋ jii, «Atàr vérí yòʼ‑oò lo jùmrì dzə́ə yìmòʼ, e shaà anyùy kimboʼtì. Mebvə̀m fo mebvə̀m, a bó yòʼ dzə̀ mè sə̀ áwune.

Jeremia 12:10

Vé saʼ vee vitúme bìvír ne súm wóm vitiír vé *vayin. Á fòr ne kwáʼ wóm fórin. Á lòvtí ne e nsay yem ye juŋ lóvtín, yì kfə́n ji wóʼ.

Jeremia 7:8

« ‹Vèn leéy, e yèn mo vèn sí wáy shilív é ntir se kisaŋ si, a yòʼ dzə̀ sí bòyìr ven.

Jeremia 4:22

Wír vémé dzə̀ viyúŋ, aá yòʼ kì mo. Áwune dzə̀ vinjìŋ ve won, aá yòʼ kì vinyo. Áwune dzə̀ anjàn yiì ye bií, aá dzə̀ anjìʼ yiì ye juŋe.

Jeremia 2:11

Kitúm ki‑ii yií ne kùvsín anyùy və́ á? Fə̀m mo bó yòʼ dzəə̀n rú anyùy, vé‑ee yií ne kùvsín a? Yii bèy, wír vémé màʼày ne mo wo m kóʼor áwune, e dù, a ghvəm a dzə̀ mebvə̀m, kifá, a bó yòʼ dzə̀ kí sə̀ áwune.

Jeremia 2:6

Áwune yòʼ‑oò ló a beè Nyùy Tàr é kinyò kímóʼ kí, Nyùy Tàr wo wù‑uù fəərin áwune fó nsay Ejiv. Nyùy wo wù‑uù tsəənen áwune é woʼ, woŋ siy, fo visóʼsóʼ ví dzəə̀n, woŋ kinjúm, a wú sə́n, e làŋsìn, woŋ, a bó wìr yòʼ yii shaa fo, woŋ, a wìr yòʼ yii dzə́ fo.

Aysaya 30:5

bo, ven vee wír veé Juda adzə̀me wíy shoór a dzə̀ kitú. Vèn wíy shoór, bìʼ fo vèn wayin vifií é kitum, a bó yòʼ dzə̀ kí sə̀ ven. Kitúm, a bó noshìndzə̀v yòʼ dzə̀, e shaà ji kí yii, é vèn wáa woomé, e kfən ji wír ve wíri sí taʼ kinyè kév ntéŋ.»

Aysaya 29:10

Nyùy Tàr səə̀vì ne ven e mbuùné ye juŋ. Wù sə̀tí ne sí yén, ven vee aŋgàa ntum və́. Wù sə̀tí ne vifií vén, ven vee vé sii.

Aysaya 28:7

Kí foy kí dzə̀ jii, atàá cù wùn aàŋgàa ntum Nyùyi kù sí ghán, fénkir bìʼ meluʼ me á noon, mè wáa jivír vifií vév. Á sí ghán, tuŋkìr tùŋkìn, a kù sí caacà meluʼ áwune. Á yòʼ dzəə́ yén ntum ye Nyùy Tàr din aáwune é njà kinjeenjèm, a bó áwune yòʼ dzəə́ kiiy móo tinén, e shù kinyo kee tìítiy.

1 Afòn 18:40

Elija suúy e wíri jii, «Vèn koórí aŋgàa ntum Baali. Lá vèn yòʼ biìmé é wo mòʼón léʼ.» Á koórí, Elija sə́y shó e Kiwoóy ké Kishon, e yùyrí áwune fó.

1 Afòn 18:29

Ntìntìn shùy shaà, aáwune kù waáme, tóŋ, káykirì, e dù mèé mo shùy‑iì teemen, a yì‑iì sí méʼ ghán se á yii yii cu yee ŋkuùr. Yii bèy, bó á yoʼ yù kighiísí, bó á yoʼ yù binèr, bó á yoʼ yù kikum ke kifa.

1 Afòn 18:22

Elija nèn sùúy e wíri jii, «Kù jòʼsì ne mo wo m berin fo aŋgàa ntum Nyùy Tàrí, aàŋgàa ntum nyùy woo Baali dzə̀ kév kishóv mtàn e ghiì kweè.

1 Samuel 12:21

Lá vèn yòʼ bìn aànyùy kisaŋé bàm. A yòʼ dzə̀ á sə̀ ven, a bó yòʼ dzə̀ á lùŋèr ven, bìʼ fo á yòʼ ŋeʼè.

1 Samuel 2:12

A wón wun woo Elií‑iì dzə̀ wír kisaŋe, a bó á yòʼ‑oò kér shií fo Nyùy Tàr.

Remrí 33:10

Áwune yéʼey rám Jakov kinyo ke à tínenè, yéʼey wír veé Isray, aá lem nsər sé. Áwune kù wíy a tòn kiláy, é kí wáa rə̀ʼtìn wò. Áwune wíy a wìy, a yiì cu si e wò kiy cù.

Jeremia 9:14

Á bèy, áwune nén a jùmrì a dzə̀ liì kisaŋ wo melív mev mè tíy sho. Á sí léʼnin a dzə̀ e mebvə̀m me *Baal mè bàm, mo atàr véví‑iì dànèn áwune.

Jeremia 18:18

Wíri nèn lò yòŋ jii, «Vèsən báʼtí, e yèn ó ji á sà‑áà yée e Jeremia a? Bó atàá cù ve á yéʼey vèsəné yòʼ wíy buŋ, a bó akiíy vé a naàrì vèsəné yòʼ wíy a buŋ, a bó aŋgàa ntum Nyùy vé a tiisí ntum rəə́ yòʼ wíy buŋ sa. Vèsən bá menàŋ, e bìvír wun sho, e làa yòʼ dzə́ə a yuurí kinyo kfə́.»

Esiker 22:26

Atàá cù véví shòʼór ne nsər sém, e kfə̀n nyàvrì e vifá vém vee jeéy ví. Áwune yoʼ dìn jeéy jeéy fo kifá ke dzəə̀n ji ké Nyùy wùn à kee kiy ki, a bó áwune yoʼ yèʼéy ji á kiíy jeéy jeéy fó kifa ke *kifàn, à kee là kifàn kí. Jòkìnyàʼ, á nyávrí e kishiíy kém ké bam ki, la wír véví yòʼ dzə́ə a ghvəm mo.

Esiker 34:2

«Wàn wìr msòŋ, tiísí ntum yem, a roòmè vilìmbìy veé Isray vi. Ku roòmè áwune ve á shiy njiì womé, e sùúy ji ke Nyùy Tàr woo Taà Ndzə yoŋ aáwune kí dzə̀ á jii, ‹Ébéèy, anshìy veé Isray, lòné shòʼ ne ven, ven ve á yí vitú. Vèn yòʼ dzəə́ leey njiì wom a?

Ŋwàʼ Jov 35:10

Yii bèy, wìr yòʼ kfə̀n dzə́r ji Nyùy woo Ŋgaà Mbóm wom bèé? Wun woo Nyùy wo ŋgeʼ si nəə wír, wù wày luŋ e ŋgaàŋ shuù, wù wàa yòv.