Jeremia 2:6 - ŊWÀʼ NYÙY

⁶ Áwune yòʼ‑oò ló a beè Nyùy Tàr é kinyò kímóʼ kí, Nyùy Tàr wo wù‑uù fəərin áwune fó nsay Ejiv. Nyùy wo wù‑uù tsəənen áwune é woʼ, woŋ siy, fo visóʼsóʼ ví dzəə̀n, woŋ kinjúm, a wú sə́n, e làŋsìn, woŋ, a bó wìr yòʼ yii shaa fo, woŋ, a wìr yòʼ yii dzə́ fo.

Jeremia 2:6 Referans Kwoze

Remrí 32:10

Nyùy Tàr kù‑uù yèn Isray, aá ghán, ján e tím woʼ. Wóʼ, a shwér wo tavíné shaa fo. Wù‑uù kìŋsìn áwune, e gèʼ shó, réŋréŋ mo wìr gèʼ e wàn si və,

Hosea 13:4

Nyùy Tàr suuy jii: «Dzə̀ mo Nyùy Tàr woo Nyùy won, e kèʼ mo mò‑oò fəərin ven fó wòŋ woo Ejiv. Vèn yòʼ kfə̀n kér Nyùy wùmòʼ, e shaà mo, kù jòʼ mo cáʼ wo dzəə̀n ŋgaà lùŋèr won.

Matio 4:16

wír vìn ve vé‑eè dzə́ e ndzə vitsə̀ʼə́ yèn ne rán ye ghaʼáné. Wír ve kpúu‑uù sùmèn, á wáa dzə e ndzə vitsə̀ʼ, shùy tò ne áwune.»

Hosea 12:13

Fo bàm, a wír veé Israyi dzə̀ é Ejiv, Nyùy Tàr tsə́nsí ŋgaà ntum və, wù fəə́r áwune fó vikwàn vee fó. Nyùy‑iì lùŋèr áwune, e shaà fo *ŋgaà ntum və və̀y.

Jeremia 5:2

Yii bèy, mo áwune fə̀m dzə́, kan yír Nyùy, yoŋ ji Nyùy Tàr dzə̀ shó e tin, á kan kisáŋ.»

Jeremia 2:8

Atàá cùu yòʼ‑oò ló a beè mo woo Nyùy Tàr. Wír ve á yoŋ nsəri yòʼ‑oò ló a kiíy mo, vilìmbìy vi‑iì ŋwày mo, aàŋgàa ntume tiísi ntum a dzə̀ ye *Baal, cu vifá, a yòʼ dzə̀ ví sə̀ áwune.»

Jeremia 2:2

«Dù, a tiisí, é wìr dzə̀m woó Jerusalem wáa yu ji mo woo Nyùy Tàr suuy a jii: « ‹Isray, m kuúme mo wò‑oò wayin shilív e mǒ wùn, aà dzə̀ə́ ji wánlè ŋgòn. Wò‑oò koŋ mo é ghan se wòsò‑oò tatin vijín. Wò‑oò jumrì mo é kirə̀ʼ ké woʼ kí, nsay, a bó kifá ki yòʼ kúy sho.

Aysaya 64:7

Nyùy Tàr, wìr wo wù kfə̀n bunrì wò yòʼ dzə̀, a wo wù kfə̀n yéʼti e wò wùn ji à sə́ wun yòʼ dzə̀. Bìʼ bey, à bìn ne ndzə̀m e vèr, e màʼtì ver, á wáa rèŋ vikwàn vé vinyò ve bi ví.

Aysaya 63:9

Vé‑eè lóo yen ŋgeʼ, a fə̀m dzə̀ rəné, wù kù a yen sa, e bóo lò, e tum nshìylav ye yì‑iì dzəə̀n e wun mentsə̀m, é yì fəə́r áwune fó fo. Kèʼ mo áwune‑eè kèʼèn, a dzə ji kitúm, wù kú a kòŋ áwune, a sham. Wù‑uù bòyìr áwune fo aŋgaà vév vibàné wo, kù mo wàn ghán, dórí, kitàr kí jàjàŋ.

Nsùyrì Nyùy 77:5

M lo, m wàa kuumé ghán sé mbìy si, a gwàrìr mo vinyo vi‑iì dzəə̀n fó ŋgùʼ.

Nsùyrì Nyùy 23:4

Áà Nyùy Tàr, a m fèn shaa e kiwoóy, a kí sə́n, beéme e le, la m yòʼ a fàn kileémé, bìʼ fo à dzəə̀n wòsò. À kiŋsìn mo e kibur ké ki, danèr mo e mbàŋ yè, a m yú vijuŋ.

Ŋwàʼ Jov 35:10

Yii bèy, wìr yòʼ kfə̀n dzə́r ji Nyùy woo Ŋgaà Mbóm wom bèé? Wun woo Nyùy wo ŋgeʼ si nəə wír, wù wày luŋ e ŋgaàŋ shuù, wù wàa yòv.

Ŋwàʼ Jov 3:5

«Nyùy ku yiì, é kí kfə́n ji kishiíy ké mendzə̀n, a sən ji cùm, e yiì, é mbàʼ sum súmen, sumè, é kí wáa sən, a beemé.

2 Afòn 2:14

e dzə̀v ndzə́v shó, dzəv bèy, suuy jii, «Nyùy Tàr woo Nyùy Elija bèé?» Wù dzə̀v bèy, yí nèn jàvsìn mbìv sibaà, wù túm.

Atǎr Nsaʼ 6:13

Gidiyon bìnèr sho jii, «Éè tàr wor, a Nyùy Tàr kì dzə̀ rú vèr áwune, bo vinyo vìn vi ghàn é le, e bó a koóy ver? Bo viŋgaʼnìn ve vinyò ve atàr vérí‑iì fiʼtì e vèr ví bèé lèn? Vé‑eè lo, á kù gòʼ ji bó yòʼ‑oò fə̀ə́r Nyùy Tàr ver fó wòŋ Ejiv à? Ké lèn ki, Nyùy Tàr bìn ne ndzə̀m e vèr, e wày ver e wír veé Midiané wo.»

Ŋwàʼ Fəə 20:2

«M dzə̀ Nyùy Tàr woo Nyùy won, wo wù‑uù fəərin ven fó Ejiv fo vèn‑eè reŋ vikwàn.

Remrí 1:19

«Nyùy Tàr wìy lò, e yòŋ, vèsən ŋáʼáy fó Gwan Horev, e ghàn, e tòsín kirə́ʼ ké woʼ kí, a kí dzə̀ kiwíy, kfə̀n beéme. Vèsən‑eè tòsín, e dù e wír veé Amorí wòŋ, a fóo dzə̀ agwan agwan, e dù bèy, e bàʼ e Kadesh‑Barnea.

Jeremia 13:16

Vèn wáa sùyrì Nyùy Tàr woo Nyùy won, é bo wù yiì a wìy e ndzə ye sənér, é vèn wáa bàyrìn, a bàyrìn aàgwan ve á səə́ne, a bó vèn yòʼ yén rán fo. Vèn wáa sùyrì wun, é bo wù biner ndzə ji ye vitsə̀ʼ, é wáa dzə tím vitsəʼə́.

Jeremia 51:43

Ntèʼ see fó si wíy dù e vifə̀m, a beemé. Sí wíy lò, e dù ji woŋ kinjúme, e dù ji wóʼ. Kirə́ʼ, a bó wìr yòʼ wíy a dzə fo, a bó yòʼ fə̀m dzə̀ wìr wìy a shaà fo.

Remrí 8:2

Vèn ku wìy a kuumé mo Nyùy Tàr‑iì tsəənen ven é kiya kee mkweè kìn, e tòsín wóʼ shó. Wù‑uù tsəə́ne bèy, soyrì ven e ŋgeʼ si, e fíʼ sə̀r ven, e kiíy shilív shén ji sà dzə̀ vèn lèm nsər sə́, mo bó yòʼ dzə̀ á lèm á.

Jeremia 5:12

«Áwune bòʼtí ne kimboʼtì e mò woo Nyùy Tǎr bàm. Á yoŋ jii, ‹Yòʼ dzə̀ Nyùy Tàr yiì kinyo e vèr, yòʼ dzə̀ kinyo ke bi kí kòóy ver, a bó yòʼ dzə̀ rə́r sí nə̀ə́ ver, kìn jíŋ.

Amos 2:10

Kù dzə̀ mo və̀n wo mò‑oò fəərin ven fó wòŋ woo Ejiv, e tsəə̀né ven, vèn ghán, e tòsín wóʼ kiyá mkweè. M fó nsay wìr veé Amor ji vitsə́ʼ vén.