Jeremia 2:5 - ŊWÀʼ NYÙY

⁵ Nyùy Tàr dzə́ti jii, «Atàr véné‑eè ghàn yèn, a m jáy ka? Áwune‑eè ter fo mǒ wùn ji ka? Áwune‑eè jùmrì a dzə̀ vinyo ve kisaŋ vi, e kfə̀n ji alàykìsáŋ ji ka?

Jeremia 2:5 Referans Kwoze

2 Afòn 17:15

Áwune‑eè tèn sáʼ rə́, e màʼày *mensaŋ me wù‑uù gwàrìn wùn aàtàr véví, e ŋwày kantì ye wù‑uù kantì áwune. Áwune nèn a jùmrì a dzə̀ anyùy kisaŋe, e nèn a dzə wír kisaŋe. Vé‑eè bìʼnìn vitúm ve ví kaarin áwune, a Nyùy Tàr‑iì lo yòŋ aáwune jii, «Lá vèn yòʼ a yiì moo áwune.» Áwune kú a yiì vinyo ve Nyùy Tàr‑iì shaʼnin.

Ŋwàʼ woó Rom 1:21

Mo áwune fə̀m kiìn Nyùy kijuŋ, bó á yòʼ koŋ a ghvəm mo dzə̀ wíri wàa ghvəm Nyùy, a bó á yòʼ koŋ sa, a beèrì wun fo vinyò ve wù rə́si yii aáwune vidzə̀m. Á ló fó fo, e bùŋ vifií vé a səə̀m vinyo ve dzəə̀n ve ru ví, e nèn a jìŋ jìŋèn, a kwàʼtì a dzə̀ vinyo ve kisaŋ vi.

Jona 2:8

Wír ve á ghvə́m anyùy, a dzə̀ kifá kisáŋ, á màʼày ne mbùʼmé wov, mbùʼmé wo dzəə̀n koŋ ye à kì yíi a kòŋ áwune shó.

Nsùyrì Nyùy 115:8

Wír ve á fer mebvə̀me kù yíi kfən, a dzə moo mebvə̀m mee shooy, a wìr dzə̀m wo wù tiir vifií shó kù yíi kfən, a dzə bèy.

Aysaya 44:9

Wír ve á fer mebvə̀m adzə̀me dzə̀ viyúŋ, a bó kinyè kí yòʼ dzə̀ aáwune. Mebvə̀m me áwune yú vijuŋ sho mè yòʼ dzə̀ mè sə̀ wír gheéy. Wír ve á cu mebvə̀me dzə̀ amfìr, aá yòʼ kì fo kí binè. Áwune kù wíy a yiì kinyo a dzə̀ kée shoór kitú sho.

1 Samuel 12:21

Lá vèn yòʼ bìn aànyùy kisaŋé bàm. A yòʼ dzə̀ á sə̀ ven, a bó yòʼ dzə̀ á lùŋèr ven, bìʼ fo á yòʼ ŋeʼè.

Remrí 32:21

Vèn tìnsín ne mo e mebvə̀m men mè. Kifá kisáŋ, a vèn yoŋ ji nyùy, a bó kinyè kí yòʼ dzə̀ shó. Á bèy, m wíy bùʼ wír ve á yoʼ mèé e kitum, é vèn wáa yu nyár yév. M wíy koʼór ambuʼŋgàŋ, é vèn wáa shwiíy kilòŋ.

Lim Aŋgàa Ntum 14:15

«Wír vìn, vèn yii kin a dzə̀ ka? Vèr kù dzə̀ kér cáʼ ji wíri réŋréŋ moo ven. A vèr wìy fèn ji á fiʼti ven sáʼka Nyùy wo juŋ, é vèn fiʼ màʼtì anyùy kisaŋ vìn, e kfə̀n fo Nyùy wo wù dzəə̀n e tin. A dzə̀ Nyùy woo shooy wo wù‑uù bomen yúv wùn à nsay, à ndzə́ví, à vifá ve ví dzəə̀n shó vi vidzə̀m.

Jeremia 2:31

«Éè ŋgwàʼ yeé Isray, vèn yuúrí, e yù jí Nyùy Tàr. Mò‑oò ló a ker ven a dzə̀ e wó ŋgeʼe á? Mò‑oò lo màʼày ven é woʼ, kìn é ndzə vitsə̀ʼ á? Yiì ka, é bo wír vémé wáa suúy jii, ‹Vèr fəə̀ ne fo wo ŋgeʼe lèn, a bó vèr yòʼ dzəə́ yìi kfən e Nyùy sar saʼ?›

Matio 15:8

« ‹Wír vìne ghvə́m mo a dzə̀ fó shuù, a bó melív mev mè yòʼ tíy e mǒ wùn.

Esiker 11:15

«Wàn wìr msòŋ, wír ve á dzə́ e Jerusaleme súŋnin kùm ven ve á dzəə̀n é kwaʼ nsàm, yoŋ jii, ‹Vèn dzə̀ kén kwaʼda fo Nyùy Tǎr ghaŋ. Nyùy Tàr fò ne nsay rə̀n a dzə̀ aáwune lèn ji vitsə́ʼ. Á kù say ven ben adzə̀m, say afə́r vé, say wír vee věn kfəə, e lì wír woo rám Isray e dzə̀m.›

Jeremia 14:22

A dzə̀ anyùy kisaŋ veé vitum vìn, á sə̀ʼə́r wuú á? A dzə̀ mbàʼ, yì joʼsi ji mbàʼ, yì wìy e wuú á? Aày, kù jòʼsì wò, éè Nyùy Tàr woo Nyùy wor. Vèr kù tiir vifií vér a dzə̀ e wò wùn, bìʼ fo kù yii yii wò vinyo vìn vidzə̀m.

Jeremia 12:2

Kí yii wò, é bo gháŋ yéví wáa tuúy, aáwune wáa kuy, a koóm. Áwune yòʼ shóʼ wò fo shuù, yii bèy, melív mev mè yòʼ tíy e wò wùn.

Jeremia 10:8

Áwune adzə̀me dzə̀ viyúŋ, aá kfə̀n jiŋè. A dzə̀ áwune yèʼéy ka fo mebvə̀m mè, aá sém a dzə̀ kicí?

Aysaya 29:13

Nyùy Tàr woo Tàr wor suuy jii, «Wír vìne wiy ji á cu mo, a kù dzə̀ fó shuù, áwune ghvə́m mo a dzə̀ e shúu. Yii bèy, a melív mev mè dzə̀ a dzə̀ fó səné. Áwune cu mo kisáŋ, bìʼ fo á jumrì nsər a dzə̀ se bomen wír, a yeʼéy.

Aysaya 46:12

«Ven ve á yuun kinyo ke m suuyin, e tàv kitú, e tèn, vèn yuúrí. Ven ve á leey yii yém yee réŋ kwaʼda kwaʼda, vèn yuúrí.

Jeremia 2:4

Rám Jakov, vèn yuúrí jí se Nyùy Tàr sí, ven adzə̀m vee rám seé Isray.

Jeremia 8:19

Á ku yù, tóŋ wìr vérí ghamnìn nsay e dzə̀m. Á tóŋ jii, «Nyùy Tàr yòʼ dzə̀ə́ e Sion à? Dzə̀ ji Fòn Sion yòʼ dzə̀ə́ à?» Nyùy Tàr súŋnín jii, «Áwune wáy nyár e mǒ shiliv ji ka? Áwune fèr mebvə̀m, a ghvəm anyùy vitum.»

Esiker 14:5

M yii bèy ji m fíʼ bìnèr melív me wìr veé Isray ve á bàyìn wún fo mǒ wùn, a cù mebvə̀m, e siìr áwune e mǒ wùn.›