Jeremia 2:3 - ŊWÀʼ NYÙY

³ Rúrú, Isray‑iì dzə̀ kitúm kee jeéy kí ji ké Nyùy Tàr. Wù dzə̀ ji ŋgòn sə́ sé vifa ve wù kavin. Wìr lúʼ e shuù, Nyùy màʼ ŋgeʼ e wun, lòné jùmrì ŋgaàŋ. Suuy mo woo Nyùy Tàr.› »

Jeremia 2:3 Referans Kwoze

Ŋgaà Yen 14:4

Mo áwune ghvə́m a dzə̀ Wan Njiì Nyùy, á nén a dzə là shilóm moo wánlè lùmèn wo bó yòʼ dzə̀ wù kùm wiíy, kù dzə́, shiy a dzə̀ və́ə. Áwune ku nèn a jùmrì a dzə̀ wun woo Wan Njiì Nyùy, wùn áwune wáa dù fo wù du. A Nyùy‑iì shòʼtí ne áwune, e fə̀ə́r fo wìr msǒŋ mvəm, wáa dzə wír mbìyi ve kér wun woo Nyùy wùn Wan və wo á yoŋ ji Wan Njiì.

Jeem 1:18

Kù‑uù sìysì wun, bo vèsən wáa dzə wón və́. Wù‑uù tsə̀nsí vèsən jí rə ye dzəə̀n kinyo ke ru kí ji á fiʼ kìíy wun, a dzə ji kifá ke mbìy ki ke wù tayin, e siìr ji kfə́ fó vifa ve wù‑uù bomen vidzə̀m.

Aysaya 41:11

Vèn yuúrí, e yù, m yíi shoór wír ve á tsə́y kóy vèn áwune, aá wáa woomé. M yíi dìn kisáŋ ke wìr ve á funèn ven, e yiì, aá kpúkír.

Ŋwàʼ woó Rom 11:16

Vèn kì sá jii, a wìr bèʼ kibán, e màʼ Nyùy sho, bo kíŋ kibane kù dzə̀ yé Nyùy e dzə̀m. A wìr bìy kicí ji kicí ké Nyùy, kí kúy, bo kù kér Nyùy gháŋ, a kér wun tám si.

Sekariya 2:8

Nyùy Tàr woo Taà Mànjòŋ‑eè tùm mo e vitaáví və́ ve ghaʼán ví ji m kanti vitúm ve ví‑iì faàsìn vifá ve wìr və́. Wù‑uù lo yòŋ jii, «Wìr wo wù tínsin wír vém, kù sí sov mo a dzə̀ fó tim.»

Jeremia 50:7

Wìr bvə́y sho, wù nèn a laàr laàrìn. Aŋgàa vibàn véví yoŋ jii, ‹Bó vèr yoʼ jày kinyo, bùʼtì áwune vinyo e Nyùy Tàr, wo wù kér áwune. Dzə̀ Nyùy Tàr wo atàr véví‑iì yoy, tiir e wùn wó.›

1 Pita 2:9

Yii bèy, fo kén kí, vèn dzə̀ kén rám, a shòʼ Nyùy ven. A vèn dzə̀ atàá cù, lim a dzə̀ fo wun woo Fon. Wù‑uù nàŋsín ven ji kitúm kee jeéy kí, vèn wáa dzə və́ vee wír ji vèn wáa fìʼtì vijuŋ ve vinyò ve wù rə́si yii e vèn, ven ve wù‑uù fəərin fó ndzə vitsə̀ʼ, e wày e wùn mvə̀m ran ye ghaʼáné.

Efesor 1:4

Bo wù fə́m a bom ndzə, a wù‑uù yiì ne shòʼ vèsən ji á wíy tatí vèsən à Jesus Kristu, a dzə a wír wun woo Nyùy, a tiy e wùn si là shilóm.

Jeremia 12:14

Nyùy Tàr suuy jii, «Mò‑oò sùŋnín kùm vitúm ve ví dzəə̀n e Juda ghaŋ, aá giŋ wír vém e shilív she bi shí ji á sə́ nsay ye mò‑oò foon aáwune ji vitsə́ʼ vév. Vèn leéy, e yèn, m yíi shoʼóy aŋgàa vibàn vén vin fo áwuné nsay mo á shòʼóy kitiír ké kifa fo nsay, e bòyìr wír veé Juda fo áwuné wo.

Remrí 14:2

Lá vèn yòʼ yiì bèy. Vèn dzə̀ kén wír vee jeéyí ji vé Nyùy Tàr woo Nyùy won, a wù shòʼ ne ven fo vitúm veé kitu ke nsay vidzə̀m ví mvəm ji və́ vee wír.

Remrí 7:6

«Vèn wáa yiì bèy, bìʼ fo vèn dzəə̀n kén wír vee jeéyí ji vé Nyùy Tàr woo Nyùy won. Wù shòʼ ne ven fo vitúm veé kitu ke nsay ví mvəm, e yòv ji və́ vee wír.

Kintaŋ 18:12

«M kfə̀n fò ne wò ŋgòn se vifa se wír veé Israyi táy a dzə̀ ve juujùŋ vi, fó e Nyùy Tàr, ŋgòn se vifa veé sum wùn à meŋgvə́r me fíy mè, à meluʼ mee koy mbìyi.

Ŋwàʼ woó Rom 16:5

Vèn lóo shàʼtì, á shàʼtì sá kintatì ke kí dzəʼə̀m aáwuné lav. Vèn shaʼti ŋkar yem tìm yee Epanetur e fò e mò. Dzə̀ wun wir mbìy wo wù‑uù wayin shilív e Jesus Kristu wùn é wòŋ Asia.

Sekariya 1:15

Yii bèy, a m shwiiy kilòŋ féyì vèr à vitúm ve ví sí yú vijuŋ ji vinyo vév ví néŋ e mboʼ vi. Mò‑oò lòo shwiíy kilòŋ vèr à wír vémé, a tàʼ ji m shwívír áwune, wír veé vitum vee shooyi ló kév, e laàr wír vém láarin ŋkuuŋkùŋ.

Joel 1:3

Vèn fiʼti sáʼka və̀n e wón véné, é wón véné fiʼti sá e vév vee wóné. Fiʼtì, é wón won véné samer e ŋgwàʼ ye yì dzəə́ wìy a koʼ.

Jeremia 30:16

«Yii bèy, a wír ve á bivirin vené dzə̀, aá kù wíy bivír sa áwune bey. Á wíy koorí aŋgaà vén vibàn adzə̀m, e dù sho ji vé sháŋé. Á wíy faàsì vifá ve wìr ve á faàsìn vén, a wír ve á nə̀ʼsìn vené wíy a dzə sa e nə̀ʼsì.

Aysaya 47:6

Mò‑oò shwìíy kilòŋ é ŋàŋ vèr à wír vémé, e nə̀ʼsì áwune, kù moo ji bó yòʼ dzə̀ə́ a wír vém bey. Mò‑oò màʼtì, ven veé Babilone tón áwune é shùu rər, yii bèy, a bó vèn yòʼ‑oò lo shàm mendzən mev. Jòkìnyàʼ, vèn yií, wír vee ŋgày sé wìri wáa yen ŋgeʼ, yì wáa shaà vitaáví vév.

Remrí 26:19

A kí kfə̀n dzə̀ jii, wù wíy koʼór ven, e bùʼ, e shaà vitúm ve wù‑uù bomen vidzə̀m, aá wáa burí ven, a ghvəm ven, é leŋ wóné wáa dù. Vèn wíy a dzə kén wír vee jeéyí ji vé Nyùy Tàr woo Nyùy won, mo wù‑uù kàʼàn.»

Ŋwàʼ Fəə 23:16

Vèn wáa yiì *Ŋkǎʼ Vifa ve Kavín ví, e ŋgòn se vifa ve vèn lìmèn e věn sum ví. Vèn wáa yiì sa *Ŋkàʼ wo dzəə̀n wó Màysì Ŋkavìn, a kiyá ki sí mayì, a vèn máysí ne, e bàʼtí vifá ve vèn‑eè lìmèn e věn sum.

Ŋwàʼ Fəə 22:29

«Lá vèn yòʼ a laatí fó a tay vifá ve vèn káv fo sum, moo meŋgvə́r, à meluʼ mè, a cù mo shó. «Vèn yíi a fo wón vén vee dzəə́ mbìyi vee vilum e mò.

Amos 6:1

Lòné dzə̀ wó wìr veé Sion, áwune ve á yén ji vinyo vév ví ghán e mboʼ. Lòné dzə̀ wó wìr ve á dzə́ e Gwan Samaria, áwune ve á yén ji á dzə̀ akiŋsìn, atǎr saʼ veé kitum ke mbìy ki féyì feyì, áwune ve wír veé Israyi yoy, tiir a dzə̀ aáwuné wùn.

Jeremia 2:4

Rám Jakov, vèn yuúrí jí se Nyùy Tàr sí, ven adzə̀m vee rám seé Isray.

Habakuk 1:11

Á kù wiy moo kinsəm, nèn shaa, du fomóʼó. Á li vitaáví vév ji nyùy wov, aá ghán bèy, kù túr a dzə̀ njò.»