Jeremia 2:2 - ŊWÀʼ NYÙY

² «Dù, a tiisí, é wìr dzə̀m woó Jerusalem wáa yu ji mo woo Nyùy Tàr suuy a jii: « ‹Isray, m kuúme mo wò‑oò wayin shilív e mǒ wùn, aà dzə̀ə́ ji wánlè ŋgòn. Wò‑oò koŋ mo é ghan se wòsò‑oò tatin vijín. Wò‑oò jumrì mo é kirə̀ʼ ké woʼ kí, nsay, a bó kifá ki yòʼ kúy sho.

Jeremia 2:2 Referans Kwoze

Esiker 16:60

Yii bèy, fo kém kí, m wíy kuumé mensaŋ me mò‑oò gwàrìn wòsò e ghan se wò‑oò kúyí, e kù a yùŋrì ji mensaŋ me mè gòʼòn là may.

Esiker 16:8

«M kfən lòo shaà, e ké ru kí, e yèn, aà kúy ne, e mèé e viya ve viŋgòn, m nèn bvə̀r shúu ndzə̀y, e sùm wò sho, e sə̀tí kinshóʼ ké. Rúrú, m nen yiì kilìʼ wòsò, e suùsín e kitu ke *mensàŋ, à nén a dzə ji wóom woo wír. Suuy mo woo Nyùy Tàr woo Taà Ndzə.

Jeremia 11:6

Nyùy Tàr kfən yòŋ e mò jii, «Dù, a fìʼtì kinyo kém kí é ŋkà se laʼ seé Juda, e kfə̀n a fìʼtì sa e dzəə seé Jerusalem, aá fiʼ yuùrí ntò se mensàŋ mem, a yiì mo sí dzəə̀n.

Jeremia 7:2

«Tiím é shùu kày wo wú du e Nyùy Tǎr lav, a fìʼtì sáʼ yémé fó jii, á yuúrí á ntum Nyùy Tàr. Wìr dzə̀m woó Juda wo wù nəə kay ji wun cu Nyùy Tàr ku waà yuùrí.

Remrí 2:7

A dzə̀ vèn kù yiì bèy, bìʼ fo Nyùy Tàr woo Nyùy won‑eè səə̀vìn vinyo vidzə̀m ve vèn‑eè yii. Wù‑uù leey fo vèn, a vèn ghán, tósin nsay wòʼ ye wiy rə̀n. E viya vee mkweè vìn ve Nyùy Tàr woo Nyùy won‑eè dzəə̀n vèn áwune, vèn yòʼ‑oò tan kifá.›

Hosea 2:15

M wíy siìr súm və́ vitiír vé vayin e wun, e bìnèr Kiwoóy ké Ŋgeʼ, é kí kfə́n ji dzə́ə ye yì du fo wù yoy, tiirì. Dzə̀ fó, fo m wíy yòŋrì wun, é wù biímé, a jùmrì mo, réŋréŋ mo wù‑uù jumrì e ghan sə́ sé viŋgòn, ghán, se mò‑oò fəər wun fo wòŋ woo Ejiv.

Jeremia 2:6

Áwune yòʼ‑oò ló a beè Nyùy Tàr é kinyò kímóʼ kí, Nyùy Tàr wo wù‑uù fəərin áwune fó nsay Ejiv. Nyùy wo wù‑uù tsəənen áwune é woʼ, woŋ siy, fo visóʼsóʼ ví dzəə̀n, woŋ kinjúm, a wú sə́n, e làŋsìn, woŋ, a bó wìr yòʼ yii shaa fo, woŋ, a wìr yòʼ yii dzə́ fo.

Remrí 8:2

Vèn ku wìy a kuumé mo Nyùy Tàr‑iì tsəənen ven é kiya kee mkweè kìn, e tòsín wóʼ shó. Wù‑uù tsəə́ne bèy, soyrì ven e ŋgeʼ si, e fíʼ sə̀r ven, e kiíy shilív shén ji sà dzə̀ vèn lèm nsər sə́, mo bó yòʼ dzə̀ á lèm á.

Ŋwàʼ Fəə 14:31

Mo wír veé Israyi‑iì yenen kiŋgaʼnìn ke kinyò ke Nyùy Tàr yiìn, e laàr wír veé Ejiv bèy, á nèn a fàn Nyùy Tàr, e wày shilív e wun wùn, e kfə̀n wày sá e Mooser woo ŋgaà lìm və́ wùn.

Matio 11:15

Vituʼùr ví dzə̀ vibaà, kímóʼ kí tén fó yu, kímóʼ kí yù.»

Ŋwàʼ Luk 12:13

Jesus wáa tir wón və́ bey, wìr wùmòʼ nèn lò, e sàyín fo màŋgòŋ mvəm jii, «Ŋgaà Yèʼey, suúy e fər wom, é vèr wun jav vitsə́ʼ vé tàr wor wun.»

Jona 1:2

«Lò fó fèn, e dù e ŋkàlaʼ ye kuʼùn yeé Nineve rə̀y, a ghan, a fuŋ jii, lòné shòv ne a áwune. M kìíy a ne liì wov kisaŋ.»

Hosea 8:1

Nyùy Tàr suuy jii: «Tóŋ sóŋé, aŋgàa vibàné sí ghíʼ nsay Nyùy Tàr, ghíʼ moo lùŋ wo wiy wo wù féŋ, giimè kifá. Dzə̀ bìʼ fo wír vémé bivirin ne *mensaŋ mem, e tèn fó a yunín yéʼéy yém.

Esiker 23:19

Yii bèy, visàkì və́ ví ló fó fo, e tìŋ tìŋèn. Wù nèn bùy sho búyin, kù kuúme a dzə̀ viyá və́ vé viŋgòn ve wù‑uù yii visàkì e wòŋ woo Ejiv.

Esiker 23:8

Bó wù yòʼ‑oò lo màʼtì visàkì ve wù‑uù kèʼèn é Ejiv fo wù‑uù kiiyin vilum, á wáa tay wun e wo, a wù dzə̀ə́ wánlè, a shiíy wùn áwune.

Esiker 23:3

Á nèn lò, a yiì visàkì e wòŋ woo Ejiv, fo vé‑eè dzə́, aá dzə̀ə́ wónlè, e nèn màʼtì vilum wáa tay vín yév, a yí rúnkír ne.

Esiker 16:22

À lóo shoʼ virom, a kfər virim e visàkì vé vi bey, e làa yòʼ dzə́ə a kuumé vishiíy ve wò‑oò dzəə̀n e bór, búʼ e wò mvə̀m mensə kinshóʼ, là kifá.

Jeremia 19:2

é vèr áwune du á e Kiwoóy ké Ben Hinnom, dzə́ə fó shùu kày wo á yoŋ ji wó Vimbvə́ʼ ve Vifa. Á mee fo, é m fiʼti á kinyo ke wun suuy e mò aáwune.

Aysaya 58:1

Nyùy Tàr suuy jii: «Vèn fúŋ kitávín, e tiìsí ntum rə̀n. Vèn nan jí si, é sí wáa koo mo á tóŋ a dzə̀ sóŋ. Vèn tóʼ ajay ve wír vémé jáyíi, e sàr vinyo ve bi ve áwune vee rám Jakovi yii vi, aáwune yú.

Yòv Viŋgér 3:11

Óò vikìy veé Jerusalem, vèn ku fəə̀kír, e yèn Fòn Solomon. Wù sòv ne ntáráʼ wo yè wov‑iì bùʼùn wun sho, ntáráʼ wo wù‑uù bùʼùn wun sho e kishiíy kfə́ ké vijin, kishiíy kfə́ ké kisheʼrì.

Ŋgàn 1:20

Vifií ví fúŋ jí se ntir, nan jí e mentàrnín, fúŋ moo wiíy wo wù tóŋ, táŋ kinyo e wáynjáŋ.

Ŋwàʼ Fəə 16:8

Mooser wáa dzə̀sì, a suúy jii, «Nyùy Tàr yù ne mo vèn ghvəvrì wun. Wù yíi fo ven nyám e ŋkuùr, e kfə̀n fo kibán kijàvndzə, é vèn yí, é ví gháʼ. Vèn ghvəvrì a dzə̀ wun, vèn yòʼ ghvəvrì ver. Vèr yòʼ siì dzə̀ kér ji ala?»

Jeem 4:4

Vèn màʼày ne Nyùy, e kfə̀n moo wiíy wo wù ghán viŋkar. Bó vèn yòʼ kì jii, a wìr koò viŋkar wùn à vinyo veé ndzə fèn vi, bo wù sí ban Nyùy bánen a? Kí nén a dzə jii, wìr wo wù koŋ, a dzə ŋkar vinyò veé ndzə fèn, ŋgaàŋ lì ne kitú kfə́ á ji ŋgaà vibàn Nyùy.

Ŋgaà Yen 2:4

Yii bèy, a kímóʼ kí dzə̀ shó ke vèn yii lèn, la kí yòʼ a gheén mo gheéy. Vèn yòʼ dzəə́ koŋ mo mo vèn‑eè koŋ fo mbìy.

Nsùyrì Nyùy 129:1

Wír veé Isray, vèn fer mo vé‑eè nyavrì e vèn, nyavrì, a vèn kù sì ji kitúm.

Jeremia 2:1

Nyùy Tàr nèn sùŋnín e mò jii,

Jeremia 3:4

Kfə̀n lò ne wò lèn, a yòŋ mo jii, ‹Tàr wor, à dzə̀ ŋkar yem yee kèʼ fo mǒ ghan sé viŋgòn.

Hosea 2:7

Wù wíy a leʼnín aàŋgàa ŋkòŋmé vəə́ bàm, a bó wù yòʼ wíy yen. Wù wíy a tàʼ áwune e waá shuù, a bó wù yòʼ wíy shov e si. Kí kooy bèy, é wù nèn sùúy jii, ‹Mo‑óò kfə́n ri e bàm fo lum wóm wùn. Mò‑oò dzə́ fo, yú vijuŋ, e shaà dzə́ ye m dzə́ rə̀n.›

Remrí 33:3

Rúrú, Nyùy Tàr koŋ wír və́. Wù kiŋsìn wír və́ adzə̀m, áwune vee wír vee jeéyí. Bìʼ bey, áwune nén a tsəm e wun si, wìr wáa yuurí ntir se wù fó.

Yòv Viŋgér 3:6

Yímóy, kóʼ ka fó wòŋ woʼó? Kóʼ moo kikfə́m ke kindzəʼ, rəm, rəʼtìn moo kiláy kee *mer, à kee *frankinsen ki. Rəm bèn rəʼtìn moo pavda wónlě way.

Hosea 2:17

Rúrú, m lo, e màyìr yír yee Baal fo wun shuù, é la wù yòʼ dzəə wìy a kàn yír rən, fə̀m mo á yoŋ virə́ʼ shó jeéy jeéy.

Hosea 9:10

Nyùy Tàr suuy jii: «Wír veé Isray, kishiíy ké mbìy ke mò‑oò yenen ven, yì‑iì dzə̀ mo m tò é kitiír ké *vayin, a kí koóm é kirə̀ʼ ké woʼ. Mò‑oò yèn atàr vén fó kàŋ wo mbìy, á wáa dzə moo báŋ se kici ké *fig ke kí bàʼàrìn, e bàŋ e kici. Yii bèy, áwune wìy e Gwan Peor, e kirə̀ʼ ké nyùy woo *Baal, e nèn shwì kitú e nyùy nshoórmé və̀n. Àbaày, vèn ló ben, e kfə̀n ji kifá ke koʼoyín kí moo nyùy woo shooy.

Hosea 11:1

Nyùy Tàr gháy wún, suuy jii, «Yì‑iì dzə̀ é ghan se Isray‑iì dzəə̀n moo wán wo bór, mò‑oò kòŋ wun feyì ji wán wom, e lò, e fə̀ə́r fo wòŋ Ejiv.