Jeremia 2:16 - ŊWÀʼ NYÙY

¹⁶ Jòkìnyàʼ, kfə́n a dzə ké wìr veé Ejiv. Áwune wíy lò fo Memfis, à fó Tapanes, e wìy, e koo wò, e kwaày kitú ké.

Jeremia 2:16 Referans Kwoze

Jeremia 46:14

«Á wáa ghan, a fìʼtì Ejiv e dzə̀m, a sàmèr e Migdol, e kfə̀n a sàmèr e Memfis, wùn ǎ Tapanes. Á ku fìʼtì fo jii, ‹Vèn báʼtí vifá vén vé rər ví, a dzə kibáʼtín, rə́r sí sí nəə, e laàr kifá kidzə̀m fo věn wòŋ.

Jeremia 44:1

Nyùy Tàr kfən siì sùŋnín e Jeremia, e tiìsí ntum sho kùm wír veé Juda adzə̀m ve vé‑eè dzə́ e nsay Ejiv, aá dzə̀ é ŋkà se laʼ see ji Migdol, Tapanes, Memfis, e kfə̀n a dzə e mbìv wòŋ yee Patros.

Aysaya 19:13

Vé saʼ veé Tsoane yii kinyo kiyúŋsì kiyúŋsì. Kitan ke vifii kí koò ne veé Memfis. Visən ve wìr veé Ejiv vi dànèr ne kitúm, kí jáy dzə́ə.

Remrí 33:20

Ké rám Gad, wù yòŋ jii, «Waàwaá, rám Gad, vèn wáa burí Nyùy Tàr. Nyùy Tàr wíy a kòŋ ven, e dzə̀sì nsay yen. Vèn wíy a taa fo moo bvərə̀ʼ, a beʼtí kóy se aŋgaà vén vibàn, a sàʼtì ntáráʼ wov.

Esiker 30:16

M wíy bàʼrì və́y é Ejiv, é Pelusium wáa buʼ e mvə̀m nyar. M wíy sàʼtì ŋkàlaʼ yee Tebes, é ŋgaà vibàn ghíʼ Memfis tèéter, kù e shùy bèn.

Esiker 30:13

Ke suuy Nyùy Tàr woo Taà Ndzə ki dzə̀ jii: «M wíy laàr mebvə̀m meé Ejiv medzə̀m, e ndzəə̀r vibámmbó vé anyùy kisaŋe fó ŋkàlaʼ yee Memfis, a bó fòn yòʼ kfə̀n dzəə́ wìy a dzə e Ejiv, é kindzə́m kí wáa toʼnín wír vee fó.

Jeremia 46:19

Éè wìr veé Ejiv, vèn báʼtí, á sí lò, e koo ven, e fəə sho. Memfis yíi a dzə e saʼkìn, a dzə e bvə́ʼə́yín, là wír.»

Aysaya 8:8

Á wíy sùm Juda moo ndzə́v ye kuʼùn ye yí rún, sum virə́ʼ, kóʼ, mee e wìr kilòŋ.» Yii bèy, Nyùy dzə̀ vèsən áwune. Wù kù wíy a kìŋsìn wír veé Juda mo shinə́n shí kùʼtí wón é sar vàv.

2 Afòn 23:33

Farao Neko‑oò wày wun e sháŋ é Ribla e nsay yee Hamat, la wù yòʼ kfə̀n a dzə e Jerusalem yée a saʼ vifon. Farao nen kfə̀n yiì, wír veé Judàa wáa fo nshwì, *kisha ke mbàm ke fəvír kí akilu kishóv ghii kweè aànsə̀kìi ataár (3,400), ke baar kí akilu nshòv sikweè e mtaár.

2 Afòn 18:21

Kí à yèʼtí a dzə̀ e Ejiv wùn. Ejiv kù dzə̀ kinsàn ke mbàŋ ke a wìr yèʼtí sho, kí sòv kiwó kfə́. Á mo Farao woo fon woó Ejiv dzəə̀n é ghan se wìr yeʼtin e wun wùn.› »

Jeremia 48:45

«Wír ve á fəən nsàmé lèʼ ne, e dù ji á bee é Heshbon, la fó beè yòʼ a dzə. Və́yí sí dzəm, kóʼ fo Heshbon, wú kóʼ fo Fòn Sihon ntoʼ. Wú tàtí ne, e tòn Moav, e kèʼ fo bìíy, e dù, e màysì e mvə̀m wòŋ, e laàr aŋgàa melaà vìn láarin.

Hosea 9:6

A vèn fèn lèʼ, fo wír veé Assiriyàa laar ven, bo wír veé Ejivi kù‑úù báʼtí ven, e yùyrí. Yúyri, é wír veé Memfisi dzəəme. Vimbìn ví wíy fəə, e sətí bùʼ won, é vitiír vé njoŋ vi wáa tèʼ láʼ sén sidzə̀m.

Aysaya 59:13

Vèr tàv ne kitú, e mèŋ wò woo Nyùy Tàr. Vèr bìn ne ndzə̀m e wò woo Nyùy wor. Vèr nə̀ʼsì ne wír ámóʼó, e ŋwày kinyo ké. Vèr kù sí baʼrì a dzə̀ kimboʼtì e věr meliv, fəər a dzə̀ kíwun fo shuù.