Jeremia 2:12 - ŊWÀʼ NYÙY

¹² Yúví ku sə̀ʼsì bìʼ kinyo kìn, é fane wáa dzə, é virə́ʼ ví beémé. Suuy mo woo Nyùy Tàr.

Jeremia 2:12 Referans Kwoze

Aysaya 1:2

Éè yùv, yuúrí. Éè nsay, yuúrí, e yù. Nyùy Tàr suuy jii, «M lìy wón, e gèʼ shó, á kúykír, e nèn bìnkìr, a tsəy kóy vèr áwune.

Mayka 6:2

Virùmèn, vèn yuúrí mo Nyùy Tàr sáʼ nsaʼ rə. Vinsə̀ŋ ve nsay, ven ve vèn‑eè siìn fó yàŋgùʼ, vèn yuúrí. Nyùy Tàr kér nsaʼ wùn à wír vəə́. Wù yíi tiír wír veé Isray e kibàʼ ke nsaʼ.

Jeremia 22:29

Éè nsay Juda, nsay Juda, nsay Juda, yuúrí kinyo ke Nyùy Tàr suuy ki.

Jeremia 6:19

Àshè nsay, yuúrí e yù. M sí wiy e ŋgeʼ ye tavín e wír vìné kitu. Dzə̀ seʼ antaŋ ve áwune‑eè bá. Áwune yòʼ yú kinyo kém, aá tèn ne yéʼéy ye m lèmèn aáwune.

Remrí 32:1

Aà yùv, aà nsay, vèn yuúrí kinyo ke m yoŋ ki. Vèn yuúrí kijuŋ.

Matio 27:45

Yiì lòo dzə e ntìntìn shùy, woŋe sàsìn, e sə̀n e dzə̀m, e meé shúy sitaár.

Jeremia 4:23

M lèéy ne kitú ke nsay, e yèn a kí dzə̀ kilàsir, a dzə ji nə̀ʼkìkì, e lèéy yúv, e yèn a wú sə́n sənén ji cùm.

Aysaya 29:9

Éè wìr veé Juda, vèn ku shaà fo mbìy, a yuŋsí, a dù duùn fó mbìy. Vèn shaa fó mbìy, a yiì moo wír wo wù fìrìn ne ŋkuuŋkùŋ. Vèn baákirì, a bó á yoʼ nò a dzə̀ meluʼ, fénkirì, a bó á yoʼ kùmrì abàr.

Jeremia 18:13

Nyùy Tàr nèn kfə̀n sùúy jii, «Dzə́r e vitúm vi vidzə̀m jii, wìr sà‑aà ghàn ne yù kinyo kee ben a? Ŋgònjuù yee Isray mùm ne kinyo ke ghaʼán kí.