Jeremia 2:11 - ŊWÀʼ NYÙY

¹¹ Kitúm ki‑ii yií ne kùvsín anyùy və́ á? Fə̀m mo bó yòʼ dzəə̀n rú anyùy, vé‑ee yií ne kùvsín a? Yii bèy, wír vémé màʼày ne mo wo m kóʼor áwune, e dù, a ghvəm a dzə̀ mebvə̀m, kifá, a bó yòʼ dzə̀ kí sə̀ áwune.

Jeremia 2:11 Referans Kwoze

Ŋwàʼ woó Rom 1:23

Á nen shaà Nyùy woo Ŋgaà Vitaàví wo wù gòʼòn kàŋ mòʼón, a ghvəm a dzə̀ vifá ve á fèrìn férin, ví wáa shwinín wír wo dzəə̀n kifá, a kí wíy kpu, bo taaka a shwinín shinə́n, a shwinín nyám, a shwinín yó.

Aysaya 37:19

Áwune màʼ ne anyùy ve vitúm vìn vi‑iì ghvə́mé e və̀y, e laàr adzə̀m, bìʼ fo yì‑iì dzəə̀n vifá là mvə́m, vifá, a fér wír e kicí kí, kìn e tíyí.

Jeremia 16:20

A dzə̀ wíri fèr anyùy vév á? Àáy, aá fèr, bo yòʼ dzə̀ vee shooyi wàa dzə anyùy.»

Nsùyrì Nyùy 106:20

Á shaá Nyùy woo Ŋgaà Vitaàví Vidzə̀m, e nèn a cù a dzə̀ shibvə̀m shee nàʼ. Nàʼ, a dzə̀ kifá, a kí yii yí a dzə̀ vikwiíy.

Mayka 4:5

Mo wìr dzə̀m lo, wù kù a ghvəm a dzə̀ və́ə woo nyùy, yii bèy, fo késən kí, vèsən wíy a ghan a dzə̀ e Nyùy Tàr woo Nyùy wòsə́n mbòv, e kèʼ fo lèn, e dù, e jòʼsì.

1 Korin 8:4

Kee kùm yí ye wìr wáa yi nyám ye á cuùn anyùy sho ki dzə̀, a vèsən kì kijuŋ ji kifá ke á cu kìn ki yòʼ dzə̀ nyùy wùmòʼ gheéy. Nyùy kù mày e mòʼón, a bó wùmòʼ yòʼ dzə̀ shó.

Jeremia 2:8

Atàá cùu yòʼ‑oò ló a beè mo woo Nyùy Tàr. Wír ve á yoŋ nsəri yòʼ‑oò ló a kiíy mo, vilìmbìy vi‑iì ŋwày mo, aàŋgàa ntume tiísi ntum a dzə̀ ye *Baal, cu vifá, a yòʼ dzə̀ ví sə̀ áwune.»

Jeremia 2:5

Nyùy Tàr dzə́ti jii, «Atàr véné‑eè ghàn yèn, a m jáy ka? Áwune‑eè ter fo mǒ wùn ji ka? Áwune‑eè jùmrì a dzə̀ vinyo ve kisaŋ vi, e kfə̀n ji alàykìsáŋ ji ka?

Nsùyrì Nyùy 115:4

Anyùy véví dzə̀ kév kifá, a fèr wír. Wìr lo, wù fèr e *kisha ke mbàm ke baar kí, lo yímóʼó, wù fèr e ke fəvír kí.

Nsùyrì Nyùy 3:3

Yii bèy, Nyùy Tàr, à dzə̀ ŋkeè wom, à kù yii tíy wòsò, a kù nan wò mo.

Remrí 33:29

Yímóy Isray, vishí vi bòŋ ven é le ben? Bó kitúm kímóʼ kí yòʼ dzə̀ shó moo ven. Nyùy Tàr kitú kfə́ dzə̀ wun ŋkeè won, a dzə nyùy yen rə̀r. Wù kiŋ ven, yii, a vèn ton vitúm. Aŋgàa vibàn véné wíy a gbù e věn si, a yàʼ, é vèn wáa nyèŋrì áwune nyéŋrin.

1 Pita 1:18

Vèn kú a kuumé ji Nyùy‑iì yiì á kinyo ke ghaʼán kí, e bóo fəə́r ven fó mvə̀m liì kisaŋ wo atàr véné‑eè dànèn ven shó. Wù‑uù tìn ven fó lǒn liì woo shooy, a bó wù yòʼ‑oò tìn a dzə̀ e kifá kee moo mbàm se dzə̀ sí mày, a fə̀m dzə̀ *kisha ke mbàm ke baar kí, kìn ke fəvír kí.

Galatia 4:8

Vèn wáa kuumé mo vèn‑eè dzəə̀n fó mbìy, a bó vèn yóʼ ne kìíy Nyùy və̀n. Vèn‑eè dzə̀ akwǎn anyùy kisaŋe, a bó vee shooyi yòʼ dzə̀ anyùy gheéy.

1 Samuel 4:21

Wù shù yír wan ji Ikabod, shu bèy, suuy jii, «Viwìr veé Isray vi dù ne.» A wù‑uù shu bèy, bìʼ fo vé‑eè faàsìn ne ŋkùv mensàŋ Nyùy, tàr à lum və kpú, á kfən yùyrí lúm və.

2 Wòŋ 13:9

Vèn‑eè jùm atàá cù, áwune vee wón Aaron, e jùm wír veé ram Levi, e nèn shòʼtí vén vee atàá cù, kù mo vitúm vee věn ghaŋ vi yii. Wìr wiy ji á yóʼ wun, a fə̀m dzə̀ la, a wù kér nyam cù yee nàʼ woo lumèn, kìn viyáʼ saàmbà, vèn nèn kù lèm wun ji taà cù anyùy kisaŋ vìn.

Jeremia 5:7

Nyùy Tàr suuy jii: «A dzə̀ m làysìn ajay vén é le? Wón véné màʼtì ne mo. Á sí kan a dzə̀ anyùy kisaŋe. M yìír áwune, á kúr, e kù cì kwán a dzə̀ é kinjàŋ, du, dzə́ a dzə̀ wùn aàsàkìi.

Jeremia 18:13

Nyùy Tàr nèn kfə̀n sùúy jii, «Dzə́r e vitúm vi vidzə̀m jii, wìr sà‑aà ghàn ne yù kinyo kee ben a? Ŋgònjuù yee Isray mùm ne kinyo ke ghaʼán kí.

Esiker 5:7

Á bèy, ke Nyùy Tàr woo Taà Ndzə suuy e wír veé Jerusalem ki dzə̀ jii, «Vèn wìy ne e ŋgeʼ si, sí shaá sé wìr ve á kaarin ven, e tàr, bìʼ fo vèn yoʼ yùnín ntir sém, e kù ŋwày sáʼ yém ŋwayín. Vèn kòytí ne a dzə̀ liì wìr ve á kaarin ven, e tàr.

Esiker 14:5

M yii bèy ji m fíʼ bìnèr melív me wìr veé Isray ve á bàyìn wún fo mǒ wùn, a cù mebvə̀m, e siìr áwune e mǒ wùn.›

Remrí 32:16

Áwune‑eè tìnsín Nyùy aànyùy vitum ve vé‑eè ghvə́mée, joonè wóví yiì, kilòŋ kfə́ kí shwiíy, koŋ ye wù‑uù koŋ áwuneé máy.

Remrí 32:21

Vèn tìnsín ne mo e mebvə̀m men mè. Kifá kisáŋ, a vèn yoŋ ji nyùy, a bó kinyè kí yòʼ dzə̀ shó. Á bèy, m wíy bùʼ wír ve á yoʼ mèé e kitum, é vèn wáa yu nyár yév. M wíy koʼór ambuʼŋgàŋ, é vèn wáa shwiíy kilòŋ.

1 Afòn 11:33

M yíi yiì bèy, bìʼ fo Solomon wùn à wír vəə́ bìnèn ne ndzə̀m e mò, e nèn a cù a dzə̀ Ashtoret woo nyùy woo wiíy woó Sidon wùn à Kemosh woo nyùy woó Moav, à Molek woo nyùy woó Ammon. Áwune yòʼ ghán e mǒ mbòv. Áwune yòʼ dzəə́ yii kinyo ke kí wáa gheén mo, aá yòʼ dzəə́ yú sáʼ yém, a bó á yòʼ dzəə́ jumrì vinyo ve m tínen mo Davir woo tàr à Solomon‑eè jumrì.

2 Afòn 1:3

Nshìylav Nyùy Tàr nèn wìy, e yèn Elija woo wír woó Tishbe, e sùúy sho jii, «Dùu, e yèn aŋgàa ntum fòn woó Samariàa. Ku dzə̀r aáwune ji sà dzə̀ ji bó Nyùy yòʼ dzə̀ é Isray a, é bo áwune du ji á tar kinyo fo Baal‑Sebuv woo nyùy woó Ekron?