Jeremia 2:10 - ŊWÀʼ NYÙY

¹⁰ Vèn líysín é wòŋ woo Saypur, woó mvə̀m ndzə̀v, e lèéy. Vèn túm wír e Kedar, é wù leéy fó kijuŋ. Vèn kù yíi yen ji bó kinyo kee ben ki yòʼ‑oò yiì ne kòóy.

Jeremia 2:10 Referans Kwoze

Nsùyrì Nyùy 120:5

Éè mò, m ján e wír ve bií wòŋ, a m kù sí dzə́ dzəə́n vèr áwune.

1 Korin 5:1

M kér gháʼ feyì fó yu ji wìr wùmòʼ lò ne, e kèʼ joonè e věn mvəm, a bó yòʼ dzə̀ wo dzə̀ wìr wo bó wù yòʼ fə̀m kiìn Nyùy wàa mùm. M yú ji wìr wùmòʼ shìíy a e wiiy tàr wov.

Daniel 11:30

Kí yòʼ wíy a dzə bèy, bìʼ fo wíri wíy wìy fo mbìv à Saypur e vikoŋ, e tay wun, é wù wáa fàn, a leʼ. Wù lóo kfən e bàm é kilòŋ ke shwiiyín kí, é wù nèn dù, a tay wír ve wùn à Nyùy gwàrìn mensaŋ ji wun fiʼ bvə̀ə́r vinyo vév. Wù du bèy, é wù wáa nàn kóy wìr ve á bìnèn ndzə̀m é mensàŋ mee shooy.

Esiker 27:6

Vé‑eè lì vicí vee oak fo Bashan, e fèr mbàŋ se á kiy kikóŋ sho, e fèr mvəm kikoŋ e kicí ké *payin keé Saypur ki, e nàŋsín, e làʼtí sóŋ kitàm e wùn wó.

Aysaya 21:16

Nyùy Tàr kfə̀n‑eè shaà fó mbìy, a suúy e mò woo Aysaya jii, «Wíy a dzə e bǎm kiya, kù mo wìr lìm yii táŋ vishiíy və́ vé lìm, aá laar kifá kidzə̀m ke wír veé Kedari kóʼor wún shó.

1 Wòŋ 23:12

Kohat‑iì kér wón akweè, aá dzə̀ ji Amram, Ishar, Hebron, wùn à Ussiel.

1 Wòŋ 23:1

Fòn Davir wìy dzə̀n, e kòŋrí, e nèn kòʼór Solomon woo wán və ji fon woó Isray.

1 Wòŋ 1:7

A ve ví‑iì sanen fo Javan vi dzə̀ jii, Elisha wùn à Tarshish, à Kittim, à Rodanim.

Atǎr Nsaʼ 19:30

Á bèy, wìr dzə̀m wo wù‑uù yenen kinyo ke vé kiŋàʼa‑aà yiìn wáa suúy jii, «Kfə́ə kinyò kee ben, ki yòʼ‑oò ghàn ne a e kòóy. A bó wìr yòʼ‑oò ghàn ne yèn á rə́mrə́m kinyò kee bèn, e kèʼ mo wír veé Israyi‑iì fəən á fo Ejiv, e meé e kishiíy fóo fèy. Á kwaʼti á kinyo ke a dzə̀ á yiì kí, e sùúy.»

Kintaŋ 24:24

Vikóŋ vi wíy a wìy fo Kittim, a wìy, a shwivír Asshur wùn Eber, é wun woo ŋgaà laàr, é wù ku mày sa.»

Kèʼlo 25:13

Yír sé wón Ishmael mo vé‑eè dzəə áwune sí síne. Wan mbìy‑iì dzə̀ Nebayiot, bám sə́ sí wáa dzə Kedar wùn à Adbeel, à Mibsam,

1 Afòn 9:9

Bo binèri kù yíi a dzə jii, ‹Nyùy Tàr lòvtí aáwune ben, bìʼ fo áwune bìnèn ne ndzə̀m e Nyùy Tàr woo Nyùy wov wo wù‑uù fəərin atàr vév fó Ejiv, e ghàr anyùy kisaŋe, a ghvəm, a cù áwune. Á kinyo ke kí‑iì yiìn, é bo Nyùy Tàr lóvtí aáwune ben.› »

Aysaya 23:12

Nyùy Tàr suuy jii, «Wír veé Sidon, vèn yòʼ dzəə́ yiì a yu vijuŋ ve vèn‑ee yú. Á sí nəʼsì a dzə̀ ven lèn. Vèn koŋ, á lìysín, e dù e Saypur, fə̀m fó, bó vèn yòʼ yíi yu vijuŋ aàŋgaà vén vibàné wo.»

Jeremia 49:28

Ntum yee kùm Kedar wùn Hasor rə̀ne, e lì virə́ʼ ve ví‑iì yú sáʼ fo Hasor, é bo Fòn Nebukadnessar woó Babilon wìy tòn fó. Nyùy Tàr suuy jii: «Á ŋáʼáy, e nə̀ə́ Kedar e rə́r sí. Á laar á wír veé mbìv yee fo shùy yii tó.

Esiker 5:7

Á bèy, ke Nyùy Tàr woo Taà Ndzə suuy e wír veé Jerusalem ki dzə̀ jii, «Vèn wìy ne e ŋgeʼ si, sí shaá sé wìr ve á kaarin ven, e tàr, bìʼ fo vèn yoʼ yùnín ntir sém, e kù ŋwày sáʼ yém ŋwayín. Vèn kòytí ne a dzə̀ liì wìr ve á kaarin ven, e tàr.

Daniel 11:18

Fo bàm, é fòn woó Siiria və̀n nèn bìnkìr, e kìʼ vitúm ve ví dzəə̀n é ŋguùŋè rìbà ndzə̀v, e koorí wíri é mfòn. Yii bèy, mfòómé wùmòʼ wíy sə̀r kiŋkoʼòrwùn kfə́, e siìr vinyo və́, a kù dzə̀ e wun kitu.

Aysaya 23:1

Sáʼ Nyùy yee kùm wír veé Tayàa rə̀ne. Yí dzə̀ jii: Ven vee ansə̀ŋkìkoŋ ve á kfə́n fo Tarshish, vèn wáa toŋ, a jeetí. Á laàr ne Taya, e tàtí lav sidzə̀m wùn à virə́ʼ ve á tsəər vikóŋ fo vi. Sáʼka wo vèn‑ee meen é Saypur, e yù və̀y dzə̀ rú.

Esiker 16:16

À ló fó fo, e lì ndzə̀y sé símóʼ sí, e tàm kiláʼáy ké ke à naŋsin, e bàʼrì, a yiì visàkì vé fo, kfə́ə ve bó ví yòʼ‑oò siìn, e kèʼ fo ŋgwàrìn wòŋ, a bó ví yòʼ wíy siíy a dzə.

Esiker 27:21

Wír veé Arabia wùn aàŋgàa saʼ veé Kedari‑iì dzə̀ aŋgàa way vé, aá wiy, kér njiì, kér viyáʼ wùn à bvə́y se loŋ si ji vèn áwune wáa kavnín wáy shó.