Jeremia 19:9 - ŊWÀʼ NYÙY

⁹ M wíy yiì, áàŋgàa vibàn véví gim ŋkàlaʼ yev. Wír ve á taʼ e laàr áwune víne wíy sətí fen sə́tín, é ŋgeʼ ye tavín nəə́. A yì wíy nəə́ e dzəə ye biibí, ye áwune wáa kfər wón vév, e kfə̀n a kfər sa afə́r vév kfərín.»

Jeremia 19:9 Referans Kwoze

Aysaya 9:20

Áwune lo, wìr wàa leʼnín, a koʼ, a səy ji wun faasi kifá kée yi, yí, a bvə́me yòʼ kúrí, a jìŋ kù yúy yuyín. Kí maysì foyì, wìr wàa kfər wón və́.

Yòvdìy 4:10

Vikìy ló, a naá wón vév ji vifá ve yi, áwune, aá yii rə́r mendzən me wìr e ŋàŋ. Á sí kfə́r wón vév ji á fiʼ bòy fo jiŋ, jíŋ, ye yì sùmèn ŋkàlaʼ.

Cù 26:29

Mentaàshì mè wíy ghaʼtí, é vèn wáa kfər wón vén vee vilum, à vee vikìyí.

Esiker 5:10

Bo dzə̀ jii, atàrí wíy lò, a kfər wón, é wóné wáa kfər atàr e věn mvəm. M wíy màʼ ŋgeʼ e věn kitu, maʼà, é m táʼár wír wo wù berin, vitóŋtóŋ vidzə̀m.

Yòvdìy 2:20

Jerusalem wáa yòŋ jii, «Éè Nyùy Tàr, ku lèéy, e yèn. Wò‑oo yií ne lòvtí e wìr wùmòʼ ben a? A dzə̀ kí kòóy ji vikìy lo, a kfər wón vév á, wón, a dzə̀ ve dzəən áwune, e lìy à? A dzə̀ á wàa yuyrí atàá cù, a yuyrí aŋgàa ntum Nyùy a? A dzə̀ á wàa yuyrí e lav cù bèn à?

Jeremia 13:14

Wun yíi a lì wír, a fòr a wùmòʼ shó, à ŋgàywìr, à wánlè, suuy a wun woo Nyùy Tàr. Yòʼ dzə̀ wun yiì rə̀r á mendzən mev, e shàm á áwune, e lèm a ji á goʼ atin.

2 Afòn 25:3

Wáa dzə e kishiíy kee bvə̀ʼə̀ fo ŋwee woo kweè, e kiya foo fèy, a jìŋ sì é ŋkàlaʼ e távín, a wír vee fóo yòʼ dzəə́ kér kifá kée luʼ e shuù,

Jeremia 38:9

«Nyàr, wír vìne jày á ne e kinyò ke á yiìn e Jeremia woo *ŋgaà ntum Nyùy. Á wày á ne wun e mbǐʼ mendzə̀v, a wù yíi kpu a jíŋ fo. Bó kifá ke yi ki yòʼ dzəə́ kum a e mvə̀mlaʼ, é bo wù wáa ker a kfə́.»