Jeremia 19:4 - ŊWÀʼ NYÙY

⁴ Kí dzə̀ bey, bìʼ fo wír vìne meŋen ne mo, e bìvír kirə́ʼ kin. Áwune sí ton kiláy fen, cu anyùy sho, cu bèy, a bó atàr vév wùn aàfon veé Judàa yòʼ fə̀m‑eè lo yì‑iì kìíy anyùy vìn. Aáwune kfə̀n‑eè yiì, mensə́ me wìr vee alànjò mè sə́ fen e dzə̀m.

Jeremia 19:4 Referans Kwoze

Jeremia 2:34

Ndzə̀y sén sí sì mensə́ mensə́, a dzə̀ mensə́ me aghéʼncey ve vèn yúyri là njò. Bó vèn yòʼ‑oò lo koò áwune, aá kív kirə́ʼ. Vinyo vìn vi yénsin bèn,

Aysaya 65:11

«Yii bèy, kee kùm ven ve á shwèyìn Nyùy Tàr, e tèn fó a sùyrì mo e mǒ gwan wo ranén, báʼti a dzə̀ ŋkǎʼ nyùy woo Gad woo nyùy vishi ve juŋ vi, kù njiir meluʼ e mbìʼ sí ji me nyùy woo Meni wo wù siysì dzəʼə̀m wìr,

2 Afòn 21:16

Nyùy‑iì yoŋ bèy, a Manasse‑eè yùyrí ne wír vee alàjay anín, Jerusalem wáa dzə mensə́ mensə́. Wù‑uù yiì kin, kí kfən tàtí ke wù‑uù dan wír veé Juda, aá ghvə́m anyùy kisaŋe, nèn yii vinyo ve ví wáa bir Nyùy Tàr.

Remrí 28:20

«A vèn wìy lò, a yiì liì kisaŋ, e ŋwày Nyùy Tàr, bo wù wíy màʼ lòn e věn kitu, e yiì, é vèn wáa tùʼtìn, a yen ŋgeʼ e kifa kidzə̀m ke vèn yii, e meé mo vèn wíy lò, e sàsìn, e rèŋ, e mày ŋkuuŋkùŋ.

Jeremia 7:9

A dzə̀ vèn wàa shoŋ vishóŋ, a yuyrí wíri, a jàŋ kinjàŋ, a kàn yír Nyùy kisáŋ, a tòn kiláy, a cù *Baal sho, a ghvəm anyùy, a bó vèn yòʼ kì fó fo,

Jeremia 17:13

Éè Nyùy Tàr, wò woo fo kwaʼtì Israyi tíyí, wír ve á méŋ wòo wíy woomé. Wír ve á bin ndzə̀m e wòo wíy a dzə moo kinyo ke á saŋen é kibvə̀r, bìʼ fo á meŋen ne Nyùy Tàr, wun wo dzəə̀n ntoò ndzə̀v ye yì fəər mendzə́v me mè fó dzəʼə̀m.

Jeremia 11:13

Éè Juda, anyùy véné dzə̀ nyanyày mo ŋkà se laʼ sén sí dzəə̀n, a kíy se cù see fo vèn ton kiláy, cu *Baal sho si dzə̀ sinín moo dzə́ə se sí ghanen é Jerusalem.

Jeremia 2:19

Yii yé ye bií yíi way wò e ŋgeʼ. Bin ye à bìnèn ndzə̀m e mòó yíi dìn kisáŋ ké. Kú a kiíy, a yen kinyo ke à yii ki. Maʼày ye à màʼàyìn Nyùy Tàrí bìr féyì, a kí kfə̀n kér nyár e ŋàŋ. À yòʼ yii fan mo gheéy. Suuy mo woo Nyùy Tàr woo Taà Ndzə, mo woo Taà Mànjòŋ.»

Jeremia 2:17

Yeè mbàʼ, bó yòʼ wìy wò e kinyo kìn ki e wò kitu à? Kí dzə̀ bìʼ méŋ ye wò‑oò meŋen Nyùy Tàr. Nyùy Tàr woo Nyùy wò, wo wù‑uù tsəə́ne wò.

Jeremia 2:13

Wír vémé jày ne vinyo e mò vibaà. Áwune bìn ne ndzə̀m e mò, mo woo ntòŋ ndzə̀v ye yì fó dzəʼə̀m. Áwune fèr ne a dzə̀ vév vee visə̀m, e lì ndzə́v, e wày shó, visə̀m, a ví káʼkír ne.»

Aysaya 59:7

Wír vìne kù sí yár jíŋ ji á yii kinyo ke bi kí, waʼrì gheéy, á yùy wír là njò. Á kù dzəʼə̀m, bá antaŋ a dzə̀ vé yìi kisaŋe, nəə e kirə̀ʼ, bo kí fòy ne, e kfə̀n é vifə̀m.

2 Afòn 24:4

jòkìnyàʼ wír vee alànjò ve wù‑uù yuyrin. Wù‑uù yiì, mensə́ me wìr vee alànjò mè wáa leŋ Jerusalem e dzə̀m, a bó yòʼ dzə̀ Nyùy Tàr làysìn jay və.

Ŋgaà Yen 16:6

Wír vìne‑eè yúyri wír vé wùn aàŋgàa ntum vée, a mensə́ mè léŋé. Aà siìr ne ŋkfə́tír a dzə̀ mensə́, á wáa no. A dzə̀ mo dzə̀ á kù lòvtí aáwune.»

Ŋwàʼ Luk 11:50

A Nyùy wíy a dzər dzə́n sé aŋgaà və́ ntum ve vé‑eè yúyri, e kèʼ mo ndzə‑əə̀ kèʼèn, a dzə̀ fo ŋgwàʼ yee lèn.

Yòvdìy 4:13

Kí‑iì kòóy bey, bìʼ jay aŋgàa ntum Nyùy vee fó, e kòóy, bìʼ vinyo ve atàá cùu‑uù buʼtì. Áwune‑eè yúyri alànjò aáwuné mvəm, wíri, a dzə̀ vee Nyùy mbòv.

Jeremia 26:23

á dù, e ghàn, e tàʼ Uria, e wìy sho, e fò e Fòn Jehoyiakim. Wù nèn sùúy, á gwàr e nyùy, wù kpú, á lì dzə́n rə́, e dù màʼ fo vé‑eè dzəəmè wír vee fó tèr.

Jeremia 26:15

Yii bèy, vèn kú a kiíy e ké ru kí ji a vèn yùyrí mo, bo vèn jaŋ a dzə̀ lòn e věn kitu, bìʼ lànjò wo vèn yuyrin, e kfə̀n jàŋ sa e ŋkàlaʼ rə̀n wùn à e wìr dzə̀m woo fen kitu. Dzə̀ suuyrú ji Nyùy Tàr dzə̀ a túm á mo ji m tiísí á vinyo vìn, é vèn yú.»

Jeremia 22:17

Yii bèy, à tìír ké sí wùn à shilív shí, a kù dzə̀ é kinyò ke kù‑úù luŋ wò fo fo. À yúyri alànjò, nyavrì, kfə̀n nəʼsì wíri.

Jeremia 18:15

Yii bèy, a wír vémé ŋwày ne mo. Á sí ton kiláy, cu anyùy kisaŋe shó. Anyùyi yií, áwune wáa bàyrìn e dzəə ye á kì ghán sho, dzə́ə, ye dzəə̀n kimvə́mvə ké dzəə, e nèn lò, e bìn a dzə̀ é dzəə ye toʼrìn, dzə́ə, aá yoʼ nàŋsín, yì táʼám.

Jeremia 16:11

à nèn bìnèr aáwune ji Nyùy Tàr suuy a jii, ‹Dzə̀ bìʼ fo atàr véné‑eè ŋwayin mo, a jùmrì a dzə̀ anyùy, a lìm fo fo, e kfə̀n a cù, e nèn mèŋ mo, e tèn fó a yunín nsər sém.›

Jeremia 15:6

Vèn mèŋ ne mo, e bìn ndzə̀m e mò. M wíy màʼ kiwó kém, e ghar ven shó, e laàr. M dòr ne, yòʼ dzə̀ m dzə́ə a ker mendzən fo vèn. Kù suuy mo woo Nyùy Tàr.

Jeremia 5:6

Á bèy, bvərə̀ʼ yíi fəə fo kòv, e koo áwune, é koosàʼ wiy fó woʼ, e sàʼ áwune. Baá yíi a neŋ aáwuné ghaa ŋkà se laʼ, a shweʼ virə́ʼ. Wù yíi sàtì wír wo wù bàŋrìn, e fəə̀ fó fo, e vinsàr vinsàr. A dzə̀ bìʼ fo ajay véví kùʼùn ne e ŋàŋ. Áwune bìn ne ndzə̀m e Nyùy, e tònén.

Jeremia 2:30

M màʼ ne ŋgeʼ e vèn à wón véné kitu, la vèn yoʼ yèʼéy kinyo fo fo, yì láy kisáŋ. Vèn ló fó fo, e yùyrí aŋgàa ntum vém yuyrín, kù moo bvərə̀ʼ wo wù nyárninè.»

Remrí 28:64

«Nyùy Tàr wíy taʼár ven e vitúm vidzə̀m ví mvəm, e kèʼ fo buu ndzə wúmóʼó, e dù, e bàʼ e wúmóʼó, a vèn wíy dù, a ghvəm anyùy ámóʼó ve á fèrìn e kicí kí, wùn à vé á fèrìn e tíyí. Dzə̀ anyùy ve vèn yòʼ‑oò yiì ne kìíy. Fə̀m atàr vén, bó áwune yòʼ‑oò lo kìíy sa.

Remrí 28:36

«Nyùy Tàr wíy tatí vèn à fòn wo vèn lèmèn, e tsənsí e kitum ke vèn yòʼ‑oò yiì ne kìíy, a fə̀m dzə̀ atàr vén, bo á yòʼ‑oò lo kìíy. Vèn du fo, aá wáa ghvəm anyùy ve á fèrìn e kicí kí wùn à ve á fèrìn e tíyí.

Remrí 13:13

wír tàkìŋàʼ ámóʼó lò ne, e fəə̀, a bìnèr vifií vé wíri aáwuné ŋkàlaʼ, a levtí ji á du, a ghvəm a anyùy ve bó vèn yòʼ‑oò yiìn ne, a ghvəm,

Remrí 13:6

«A tàm wìy lò fər wò woo wan yè won, kìn wan wò woo lumèn, kìn woo wiíy, kìn wiiy wò woó mbuùy kikùn, kìn ŋkar yè tìm, a levtí wò bámbám, a suúy ji vèn wun du, a ghvəm anyùy ámóʼó ve bó vèn aàtàr véné yòʼ‑oò ló ne kìíy.

2 Afòn 23:10

Fòn Josia‑aà bvə̀ʼə́y sá kirə́ʼ ké cù kee Tofet ke kí‑iì dzəə̀n é Kiwoóy ké Ben Hinnom. A wù‑uù bvə́ʼəy ji lá wìr yòʼ kfə̀n a lì a wán və woo wiíy, kìn woo lumèn, a tòn fo ji wun cu a nyùy woo Molek.

Jeremia 1:16

M yíi way wír vém é ŋgeʼ, bìʼ kitú ke áwune tavin, e bìn ndzə̀m e mò, a tòn kiláy, a cù a dzə̀ anyùy sho, a ghvəm vifá ve áwune fèrìn e wó yéví.

Jeremia 7:6

e làa yòʼ a nə̀ʼsì viŋgwìy wùn à wón tsə̀ə́, à vikǐy ŋkfəə, e làa yòʼ a yuyrí alànjò é wòŋàn, e làa yòʼ a jùmrì sa anyùy, e lor vitú vén,

Jeremia 17:20

Suúy e wír vee fóo jii, ‹Vèn yuúrí kinyo ke Nyùy Tàr kí, ven vee afon veé Juda wùn à wìr dzə̀m woó Juda, à wìr dzə̀m wo wù dzə́ e Jerusalem, tósin shuu se kày sìn.

Jeremia 22:3

Nyùy Tàr suuy jii: Vèn wáa tinén vinyo là kiloʼ, a yiì vinyo tìítiy. Vèn wáa sə wír wo á bóʼó fo ŋgaà mbóʼmé wo. Lá á yòʼ a ker nə̀ʼsì. Lá á yòʼ a nyàvrì e viŋgwìy vi, kìn e wón tsə̀ə́, kìn e vikǐy ŋkfəə. Lá á yòʼ a yuyrí sa alànjò é nsay fèn.

Jeremia 44:3

a kù dzə̀ bìʼ vinyo ve kisaŋ vi ve áwune‑eè yiìn. Vé‑eè ŋàʼár dòʼshwíiy wom e kiláy ke áwune ton, cu anyùy sho ki. Anyùy ve bó áwune yòʼ‑oò lò ghàn sìíy e kìíy, a bó vèn yòʼ kì sá, aàtàr véné yòʼ kì.

Esiker 7:22

Vitúm vi wíy nəə́ e kirə̀ʼ kee fo dzəə̀n ji tím yém, é la m yòʼ a ghay. Wír tàkìŋàʼa wíy nəə́ fo, e bìnèr fó ji kirə́ʼ ké kifàn kí.

Esiker 20:26

M yiì, áwune lór vitú vév e cu se vé‑eè yii si, lì wón vév mbìyi, e yiì cu ye tonèné shó. Mò‑oò yiì bey, ji m sen áwune sénen, aá fiʼ kìíy ji m dzə̀ á Nyùy Tàr.›

Daniel 11:31

Wù wíy fəə́r vé rər və́, aá nəə́ é kirə̀ʼ ke tavín kí ke dzəə̀n lav cù, e bivír fó. Wù wíy màyìr cu ye vé‑eè yii fo kishiíy kidzə̀m, é wù nèn tìír kifá e mbìv lav cù yìmòʼ, a dzə̀ ke kí kóʼoy, bívir virə́ʼ.

Atǎr Nsaʼ 5:8

Wír veé Israyi‑iì lò ne, a ghvəm anyùy kisaŋe, rə́r sí nen nə̀ə́ aáwuné wòŋ, a bó wìr woó Isray yòʼ kér ŋkeè, kìn kòŋ, a fə̀m dzə̀ wír e mòʼón fo wíri nsə̀kì mkweè.

Nsùyrì Nyùy 106:38

Áwune‑eè yúyri wón vév, yúyri, a bó wóné yòʼ kér njò, li áwune, cu mebvə̀m meé Kanan sho. Á bèy, kinjuyrìwìr kìn ki yií, nsay bír.

Esiker 8:11

Vilìmbìy veé Isray vi‑iì dzə̀ fó msaàmbà, tíy e vifá vìn ví si, a Jaasania woo wan Shafan tíy aáwuné mvəm. Wìr mòʼón mòʼón‑eè tíy, kér kikáŋ ke kilay é kiwo, a kindzə́ʼ ke kilay kí dzəm, kóʼ fo fo.