Jeremia 19:3 - ŊWÀʼ NYÙY

³ M yií du, m yòŋ á jii, éè afon veé Juda wùn à wír veé Jerusaleme, á yuúrí á kinyo ke Nyùy Tàr woo Taà Mànjòŋ, wun woo Nyùy wìr veé Isray suuy ki. Wù suuy jii, «Vèn yuúrí e yù, m yíi màʼ ŋgeʼ ye tavín é kirə̀ʼ fen, wìr wíy yú, é wúné kuúsí wun.

Jeremia 19:3 Referans Kwoze

1 Samuel 3:11

Nyùy Tàr nèn sùúy e Samuel jii, «Leéy, e yèn, m wíy yiì kinyo ke tavín kí é Isray ke shúu wíy ma wir dzə̀m wo wù wíy yu kinyo kìn.

Jeremia 17:20

Suúy e wír vee fóo jii, ‹Vèn yuúrí kinyo ke Nyùy Tàr kí, ven vee afon veé Juda wùn à wìr dzə̀m woó Juda, à wìr dzə̀m wo wù dzə́ e Jerusalem, tósin shuu se kày sìn.

Jeremia 6:19

Àshè nsay, yuúrí e yù. M sí wiy e ŋgeʼ ye tavín e wír vìné kitu. Dzə̀ seʼ antaŋ ve áwune‑eè bá. Áwune yòʼ yú kinyo kém, aá tèn ne yéʼéy ye m lèmèn aáwune.

Aysaya 28:19

Kúŋ wíy a fəə, a fə̀m dzə̀ é ghàn ka, é wù kú a leér ven. Ke kí dzəə̀n kí dzə̀ jii, wù wíy a fəə mo kijàvndzə ki dzəə̀n, a fəə e shùy, a fəə vitsə́ʼə́.» A vèn yù ntum rə̀n, e kìíy nsàv, bo tímé kù‑úù kpú fo věn bvə̀m.

Ŋgaà Yen 2:29

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi.»

Matio 10:18

Á wíy a toy vinyo e věn bàm, bìʼ fo vèn dzəə̀n wír vém, a lì, a dù sho fo vitú vé bàràʼ vi wùn aàfoné si. A wíy yiì Nyùy bèy ji vèn lóo tiy fo, é vèn fíʼ a fìʼtì a dzə̀ kinyo kfə́, é vitúm wùn à vé wòŋe wáa yu adzə̀m.

Jeremia 13:18

Nyùy Tàr yòŋ e mo jii, m suúy á e fòn wùn yaà yeèfòn jii, «Vèn sə́ʼə́y fó kàvàʼ. Vijuŋ ve ntáráʼ won ví mày ne. Ví keèsí ne fo věn kitu.

Nsùyrì Nyùy 110:5

Nyùy Tàr kù dzə̀ e wò koy yìyí. Dòʼshwiíy wíy kiv wun e kishiíy fó, é wù ton afon.

Nsùyrì Nyùy 102:15

Vitúm vi wíy a ghvəm yír Nyùy Tàr, áàfon veé kitu ke nsay adzə̀me wáa leéy vikuʼùy və́, a fàn,

Nsùyrì Nyùy 2:10

Éè afon, vèn wáa dzə atòŋ lèn. Éè atǎr saʼ veé nsay, vèn sə́ʼə́m.

Jeremia 19:15

Nyùy Tàr woo Taà Mànjòŋ, wun woo Nyùy wìr veé Isray suuy jii, «Vèn leéy, e yèn, m sí lo, e màʼ ŋgeʼ ye tavín é ŋkàlaʼ fèn, e màʼ e ntèʼ see fó ghaŋ réŋréŋ mo mò‑oò sí suuyì, a kù dzə̀ bìʼ fo vèn tavin kitú, e tèn fó a yu kinyo ke m suuyì.»

Jeremia 35:17

Á bèy, mo woo Nyùy Tàr woo Taà Mànjòŋ, mo woo Nyùy wìr veé Isray nén a suúy jii, vèn yuúri yù, m lo, e màʼ ŋgeʼ ye mò‑oò yòŋèn e dzə̀m e wír veé Juda wùn à wìr dzə̀m woó Jerusalem kitu, a dzə̀ bìʼ fo m suŋnin aáwune, la á yòʼ yuùrí. M jáŋ áwune, á tén fó biimé.»

Jeremia 18:11

Á bèy Jeremia, bo dzə̀ lèn ji à yoŋ e wír veé Juda wùn à ve á dzə́ e Jerusaleme ji Nyùy Tàr suuy a jii, ‹Vèn leéy, e yèn, m sí siysì ŋgeʼ ye m lo, e kìʼ ven shó, báʼti mo m lo, e nəə́ ven shó. Wìr mòʼón mòʼón kú a kuvsín liì və, a màʼtì liì və wo bi, e màʼtì yíi kisaŋe.›

Jeremia 25:29

Vèn leéy, e yèn, m sí keʼ, a màʼ ŋgeʼ a dzə̀ fo mǒ ŋkàlaʼ, bo dzə̀ vèn yiì bòy moó le? Yòʼ dzə̀ vèn yiì bòy fo ŋgeʼ, bìʼ fo m sí lo, e tsənsí rə́r, é sí nəə́ wir dzə̀m woó kitu ke nsay. Suuy mo woo Nyùy Tàr woo Taà Mànjòŋ.›

Jeremia 44:3

a kù dzə̀ bìʼ vinyo ve kisaŋ vi ve áwune‑eè yiìn. Vé‑eè ŋàʼár dòʼshwíiy wom e kiláy ke áwune ton, cu anyùy sho ki. Anyùy ve bó áwune yòʼ‑oò lò ghàn sìíy e kìíy, a bó vèn yòʼ kì sá, aàtàr véné yòʼ kì.

Esiker 7:5

Nyùy Tàr woo Taà Ndzə yoŋ jii, «Rìʼí lo, e gbù e věn kitu. Ké ru kí, a wú kù‑úù gbu.