Jeremia 19:2 - ŊWÀʼ NYÙY

² é vèr áwune du á e Kiwoóy ké Ben Hinnom, dzə́ə fó shùu kày wo á yoŋ ji wó Vimbvə́ʼ ve Vifa. Á mee fo, é m fiʼti á kinyo ke wun suuy e mò aáwune.

Jeremia 19:2 Referans Kwoze

Joshua 15:8

Kù bey, bìíy nèn kù kòʼ é Kiwoóy ké Ben Hinnom, e dù a gwàmrì a shaà tsə́n tsə́n e babá sé ŋkàlaʼ wìr veé Jebus, a dzə̀ ji Jerusalem. Yì nen shaà, e kòʼ é kitu ke gwan wo wù neèmèn é mbìv kùy Kiwòóy ké Hinnom, e mbìv yee fo shùy yii nəə mo Kiwoóy ké Refayim ki duùn a ndzə̀y fo kùy.

2 Afòn 23:10

Fòn Josia‑aà bvə̀ʼə́y sá kirə́ʼ ké cù kee Tofet ke kí‑iì dzəə̀n é Kiwoóy ké Ben Hinnom. A wù‑uù bvə́ʼəy ji lá wìr yòʼ kfə̀n a lì a wán və woo wiíy, kìn woo lumèn, a tòn fo ji wun cu a nyùy woo Molek.

Jeremia 32:35

Áwune kfə̀n‑eè bòm kirə́ʼ ké cù ke nyùy woo Baal e Kiwoóy ké Ben Hinnom, a lì wón vév vee vilum wùn à vee vikìyí, a yiì cu sho e nyùy woo *Molek, a bó m yòʼ‑oò yiì yòŋ kinyo kee bey, a bó kí yòʼ fə̀m‑eè yiì ne a dzə e mǒ kwàʼtì ji áwune yii kfə́ə joònè woo ben, e yiì, é Juda jáy.»

2 Wòŋ 33:6

Wù‑uù lì wón və́, e tòn ji cu, e Kiwoóy ké Ben Hinnom. Wù‑uù shwéŋ fú, du ŋgám, bee vé səme wùn à vé ŋgàŋe, bee wír ve á mbaa aŋkfə. Wù‑uù yii vinyo ve bi ví é ŋàŋ, a Nyùy Tàr yú bír.

2 Wòŋ 28:3

e kfə̀n lò, a tòn kiláy é Kiwoóy ké Ben Hinnom. Wù kfə̀n‑eè bìʼnìn viŋkoʼòy ve vinyò ve vitúm ve Nyùy Tàr‑iì jùmèn fo wír veé Isray mbìy vi‑iì yii. Wù‑uù lì wón və́, e tòn, e cù anyùy sho.

Lim Aŋgàa Ntum 20:27

Mò‑oò ló a fìʼtì ven vinyo vidzə̀m ve Nyùy sìysìn ji wun wíy yiì, e làa yòʼ lìtì kímóʼ kí gheéy.

Lim Aŋgàa Ntum 5:20

«Vèn du é lav cù, a fìʼtì dzəʼə̀m ye fíy rə̀ne e wíri.»

Matio 10:27

Kinyo ke m tír ven shó lèn e bǎm lav, vèn wáa fìʼtì a dzə̀ é maàndzə. Ke m səmrì e vèn sə́mrin, vèn wáa ghan, a jàŋ jàŋèn.

Jona 3:2

«Lò fó fèn, e dù e ŋkàlaʼ ye kuʼùn yee Nineve rə̀y, e fìʼtì kinyo ke m suuy e wò ki.»

Jeremia 26:2

Wù‑uù sùúy jii, «Dù tìím e maàndzə yeé shùu lav cù Nyùy Tàr, e sùŋnín e wìr dzə̀m wo wù wìyìn fó ŋkà se laʼ seé Juda ji wun yii cu e Nyùy Tǎr lav. Tiísí kinyo kidzə̀m ke m suuyin e wò ki aáwune, é la kfəʼ yòʼ tùm fó fo.

Jeremia 11:6

Nyùy Tàr kfən yòŋ e mò jii, «Dù, a fìʼtì kinyo kém kí é ŋkà se laʼ seé Juda, e kfə̀n a fìʼtì sa e dzəə seé Jerusalem, aá fiʼ yuùrí ntò se mensàŋ mem, a yiì mo sí dzəə̀n.

Jeremia 7:2

«Tiím é shùu kày wo wú du e Nyùy Tǎr lav, a fìʼtì sáʼ yémé fó jii, á yuúrí á ntum Nyùy Tàr. Wìr dzə̀m woó Juda wo wù nəə kay ji wun cu Nyùy Tàr ku waà yuùrí.

Jeremia 3:12

Dù ri, a fìʼtì ntum yem e Isray, kitúm, a dzə̀ keé mbìv yee kuy ji m suuy a jii: « ‹Isray, wò wo à ŋwayin mo, ku kfə̀n é bàm, e mǒ wùn. Suuy mo woo Nyùy Tàr. M yòʼ dzəə́ yiì a shwiíy kilòŋ wòsò, mo m dzəə̀n ŋgaà nshámmé. Kù suuy mo woo Nyùy Tàr. Bó m yòʼ kù wíy gòʼ, a shwiíy kilòŋ wòsò.

Jeremia 1:7

Yii bèy, Nyùy Tàr suúy e mò jii, «Lá à yòʼ a yòŋ kitú ké ji wánlè. À kù yíi dù, e yen wir dzə̀m wo m yíi tum wò ji à yén, yéné, áà fiʼti kinyo kidzə̀m ke m yíi a suúy e wò.

Nehemia 3:29

Aáwuné bàm, Tsadok woo wan Immer nèn nàŋsín ke kí kiʼ lav rə. E wun bàm, Shemayia wo wù‑uù leey Shúu Kày woó mbìv yee fo shùy yii tó, nèn nàŋsín kímóʼ kí. Wù‑uù dzə̀ wan Shekania.

Jeremia 18:2

«Lò, e sə̀y e wìr wo wù bóm kíŋ sí laʼ. M yíi suŋnín e wò a dzə̀ fó.»