Jeremia 18:8 - ŊWÀʼ NYÙY

⁸ kitúm ke m yòŋèn shó ki kúvsín liì wov wo bi, bo m sí binèr sa kwaʼtì yém, e làa yòʼ dzə́ə yiì kinyo ke m kì wayin ji m yii aáwune.

Jeremia 18:8 Referans Kwoze

Esiker 18:21

«Yii bèy, a mbùʼtìvìnyò lò, e bìn ndzə̀m é vinyò ve wù bùʼtìn vidzə̀m, a yu sáʼ yém, a yiì vinyo vee tìítiy, a ker yii yee réŋ, bo wù kù yíi a dzə sho e tin, e làa yòʼ kpu.

Jeremia 26:13

Á bèy, vèn kúvsín liì won, e kùvsín yii yéné, a yunín Nyùy Tàr woo Nyùy won. A vèn kùvsín, bo Nyùy Tàr lo, e kuvsín sa kwaʼtì rə́, e làa yòʼ dzə́ə màʼ ŋgeʼ ye wù baʼtin, a kìʼ ven shó.

Hosea 11:8

«Éè Isray, a dzə̀ m shwèy ven fó wo e le? A dzə̀ m ghàn é le, e bóo màʼtì ven? A dzə̀ m ghàn é le, e bóo laàr ven, mo mò‑oò laàrìn Admaa? A dzə̀ m ghàn é le, e bó a lovtí e vèn, mo mò‑oò lovtin e Tsəboyiim? Bó yòʼ dzə̀ shilív shém shí biìmé. Koŋ ye m kòŋèn ven é ŋàŋé shàʼnín.

Jeremia 26:3

A tàm é ghanmóʼ, aáwune yuúrí, é wìr wáa kuvsín fo wun yiì kisaŋe. Á bèy, é m lo, e kùvsín kwaʼtì yém, e làa yòʼ dzə́ə màʼ ŋgeʼ ye m báʼti ji m wiy sho bìʼ vinyo ve kisaŋ ve áwune yii.

Atǎr Nsaʼ 2:18

Ghán sidzə̀m se Nyùy Tàr‑iì fó tàr nsaʼ e wír veé Israyi, wù kù a tom wun, wù wàa fəə́r wír veé Isray fo aŋgaà vév vibàné wo, á wàa dzə nyaáŋ, e meé mo tàr nsaʼ və̀n‑eè dzəə̀n shó. Nyùy Tàr‑iì lèéy ŋgeʼ se áwune‑eè yén e wír ve vé‑eè nyavrì aáwuneé sar, a rər mendzən mev.

Nsùyrì Nyùy 106:45

Wù kuúmé *mensaŋ me wù‑uù gwàrìn wun áwune, e siìr dòʼshwíiy və é bàm, bìʼ koŋ ye wù kér fo wír vəə́.

Nsùyrì Nyùy 135:14

Nyùy Tàr yíi bìn nsaʼ, e fo e wír vəə́. Wù yíi sham mendzən me aŋgàa lìm və́, e sə áwune.

Nsùyrì Nyùy 90:13

Éè Nyùy Tàr, à wíy shwiíy kilòŋ, e dù, e meé e le? Neèr dòʼshwiiy wò, e shàm mendzən me aŋgàa lìm vé mè.

2 Wòŋ 12:6

Fòn wùn à vilìmbìy vi nèn biìmé jay wov, a suúy jii, «Kinyo ke Nyùy Tàr yiìn kí dzə̀ tìítiy.»

Remrí 32:36

Fo ké wìr və́ veé Isray ki, Nyùy Tàr kù wíy bìn nsaʼ yev, e sham mendzən me aŋgàa lìm və́. Wù wíy yen, a bó wìr yòʼ dzəə́ kér kitar, yén, aá kpú ne, a mày, kìn dzə̀ kwàn, kìn wan nsay, é bo wù yii kinyo kìn.

Ŋwàʼ Fəə 32:12

A dzə̀ à wàa tàʼ rú ji wír veé Ejivi wìy sìíy, a nyè lám ji wò‑oò fəər wír vé fo Ejiv ji à laar áwune áàgwan, aá lay fó kitu ke nsay ŋkuuŋkùŋ à? Ku yàr kilòŋ ke shwiiyín kí, e kùvsín kwaʼtì yé yee ji à kù laar wír vée.

Jona 4:2

Wù nèn a bùnrì, a suúy e Nyùy Tàr jii, «Éè Nyùy Tàr, kí kúvsín fó kinyò ke mò‑oò suuyin, a m dzə̀ə́ fo laʼ a? Á kinyè ké kinyò ke kí‑iì yiìn, é bo m túmnín, a leʼ, a dù e Tarshish. Mò‑oò kì jii, à dzə̀ Nyùy wo wù rə́r mendzən me wíri, shám áwune, a bó à yòʼ táv shwiiy kilòŋ. À yòʼ yii yar fó dìn koŋ yé ye wiyí e wíri. À yòʼ yii koŋ, a màʼ ŋgeʼ e wìr kitu.»

Esiker 33:13

A m lòo dzə, e sùúy e wìr woo réŋ ji wù kù yíi a dzə e tin, wù kú a koʼór wún bìʼ vinyo vee réŋ ve wù‑uù rə́si yii, e nèn lò, a bùʼtì vinyo, bo m yòʼ kfə̀n dzəə́ yiì a kuumé njiìn və woo réŋ. Wù kù yíi kpu bìʼ vinyo ve wù buʼtì.

Esiker 33:11

Ku sùúy aáwune ji mo woo Nyùy Tàr woo Taà Ndzə, mo m dzəə̀n shó e tin, bó m yòʼ diy ji wìr liì kisaŋ kpú á kpuún. Ke m diy ki dzə̀ ji wù bin á ndzə̀m é vinyò ve wù buʼtì, e lùŋ. Abaày, wír veé Isray, vèn kóŋ e kpu bèn ji ka? Vèn maʼti liì kisaŋ, vèn ku màʼtì.

Jeremia 42:10

‹A vèn lòo dzə, e gòʼ e wòŋàn, bo m yíi bàʼrì ven, e làa yòʼ sàʼtì. Bo m yíi tuúy ven, e làa yòʼ shoʼóy shoʼoyín. M kér mendzən feyì bìʼ ŋgeʼ ye tavín ye mò‑oò nəən ven shó.

Jeremia 36:3

Sáŋ ó, e ghanmóʼ, é wír veé ram Judàa yú ŋgeʼ ye m báʼti ji m maʼ aáwuné kitu, é wìr dzə̀m maʼti yii rə́ ye bií, é m laysin ajay vév wùn à vinyo vév ve bi ví.»

Jeremia 26:19

«Mayka‑aà lo tiìsí bèy, Fòn Hesekiya woó Juda yúyrí wun a? Wìr woó Juda‑aà lo yùyrí a? Bó Hesekiya yòʼ‑oò fàn Nyùy Tàr, a mùm ji wun yii, é kí boŋ Nyùy à? Bó Nyùy Tàr yòʼ‑oò kùvsín kwaʼtì rə́, e làa yoʼ dzə́ə màʼ ŋgeʼ se wù‑uù kàʼàn áwune shó à? A vèsən dzə̀ là fó a yen, bo á bèn sí jaŋ a dzə̀ ŋgeʼ ye tavín e vèsə́n kitu.»

Jeremia 15:6

Vèn mèŋ ne mo, e bìn ndzə̀m e mò. M wíy màʼ kiwó kém, e ghar ven shó, e laàr. M dòr ne, yòʼ dzə̀ m dzə́ə a ker mendzən fo vèn. Kù suuy mo woo Nyùy Tàr.

Jeremia 12:16

Vitúm vìn vi dzə̀, a ví‑iì dànèr wír vém, á wáa kàn a dzə̀ nyùy woo *Baal. Yii bèy, aáwune kùvsín lèn, a jùmrì liì wìr vém, a yiì mo wù dzəə̀n, a kàn a dzə̀ yír yém ji Nyùy Tàr dzə̀ shó e tin, bo áwune sí yìi tuúy e wír vémé mvəm.

Esiker 33:14

Kí nen kfə̀n a dzə jii, a m lò, e yòŋ e wìr liì kisaŋ ji wù waà kù yíi kpu, wù bin ndzə̀m é vinyò ve bi ví, a yiì vinyo vee tìítiy, a ker yii yee réŋ, a dzə̀ jii,

Ŋwàʼ Fəə 32:14

Á bèy, Nyùy Tàr nèn kùvsín kwaʼtì ye wù kì sí kérí ji wun laar a wír və́, e làa yòʼ dzə́ə laàr áwune.

Esiker 33:12

Á bèy, wàn wìr msòŋ, ku sùúy e wír vée jii, ‹Wìr woo réŋ binkìr, lóo yiì vinyo ve kisaŋ vi, bo yii yee réŋ ye wù‑uù yíi yòʼ wíy sə wun. Kù dzə̀ sá réŋréŋ mo a wìr liì kisaŋ bìn ndzə̀m é liì kisaŋ, bo vinyo ve kisaŋ ve wù‑uù yii vi yòʼ wíy yuyrí wun. Wìr woo réŋ wo wù loòn, a yiì vinyo ve bi ví yòʼ wíy gòʼ bìʼ vinyo vee réŋ ve wù‑uù rə́si yii.

Amos 5:15

Vèn wáa bàn kinyo ke bi kí, a kòŋ a dzə̀ kee tìítiy. Vèn nəə e làv nsaʼ, vèn kù wày ji á wáa tinén kinyo ke wìr e nsànloŋ. Á bèy, tàm é ghan símóʼ sí, é Nyùy Tàr woo Taà Mànjòŋ wìy shàm mendzən me kibér ke rám Joosev.