Jeremia 17:5 - ŊWÀʼ NYÙY

⁵ Nyùy Tàr wáa suúy jii: «Lòné dzə̀ wó ŋgaà wo wù wáy shilív a dzə̀ e wìr wùn, yén vitaáví a dzə̀ ve ví lo fo wìr msòŋ, wír, a wù bín ne ndzə̀m e Nyùy Tàr.

Jeremia 17:5 Referans Kwoze

Aysaya 2:22

Vèn kù yàr rì fó a way vifií a dzə̀ e wìr msǒŋ wùn. Wír, a là kiyoy, bo wù kù sì é ŋòròʼ. Bo kinyè kí dzə̀ ka e wun?

2 Wòŋ 32:8

Wù maʼ kfə́ rə́r a dzə̀ e vitaáví vé wìr msòŋ ví. Yii bèy, fo késən kí, yíi a màʼ Nyùy Tàr woo Nyùy wòsən rə́r, a fo e vèsən.» Kisúŋnìn ke Fòn Hesekiya woó Juda kìn ki‑iì lùmèr melív me wíri, á wáa wàrkìr.

Aysaya 36:6

Kí à yèʼtí a dzə̀ e Ejiv wùn. Ejiv kù dzə̀ kinsàn ke mbàŋ ke a wìr yèʼtí sho, kí sòv kiwó kfə́. Á kinyo ke dzə̀ kí kòóy wír wo wù yéʼti a dzə̀ e Farao woo fon woó Ejiv wùn.

Nsùyrì Nyùy 62:9

Wìr msòŋ dzə̀ ben, aàghéʼnceyí dzə̀ moo shwér, a vé kavi dzə̀ moo vinjeenjèm. Á tiir e mfìʼ, á kù kòʼ kóʼón, aá càár feyì, e shaà shwér.

Nsùyrì Nyùy 18:21

M kù‑uù ghán a dzə̀ e Nyùy Tǎr mbòv, m yòʼ‑oò lo màʼtì dzə́ə rə, e bìn e ye kisaŋ.

Esiker 6:9

Wír ve á bòyìn, á dú shó e vitume wíy a kuumé mo, a kiíy ji m màʼ ŋgeʼ aáwuné kitu, e shòór áwune, bìʼ á fo vé‑eè ŋwayin mo, a ghvəm a dzə̀ mebvə̀m, a tinsín mo. Á kuúme, aá wáa woomé, bìʼ liì wov kisaŋ, à vinyo ve joònè ve áwune‑eè yiìn ví vidzə̀m.

Hosea 1:2

Yì‑iì dzə̀ é ghan se Nyùy Tàr‑iì kèʼèn, a suŋnín e Hosea ji wù lo ntum rə, wù‑uù sùúy shó jii, «Dùu, e tàʼ wiíy, e wày é lav, lóo way, à wàa kiíy ji yeè lav wò və̀n wíy a ghan a ghán kisaŋe, e dzəə́ wón é ndzə. Kù dzə̀ kíwun ke wír vémé yii e mò. Á ŋwày ne mo woo Nyùy Tàr, e toòmé liì kisaŋ, a cù anyùy ve səné.»

Aysaya 59:15

Wìr dzə̀m kù sì ŋgaà lǎm baà. Wìr neer njiìn wo bi, ghár a dzə̀ wo juŋ, wír ve bií nèn a sùm vifá və́. Nyùy Tàr yèn ne vinyo vìn, e yèn, a kinyo keé nsànloŋ ki yòʼ dzə̀, kí bír wun.

2 Wòŋ 16:12

Yì‑iì dzə̀, a Fòn Asa sí sáʼ ji kiyá nshòv bvə̀ʼə̀ e mtaár, wúu rəə́ nèn kèʼ, a yar. Yàsí və̀n nèn lò, e tàvkír tavkín. Yii bèy, wù nèn a beè a dzə̀ aŋgàa shìv sho, e shaà fó a beè Nyùy Tàr.

Aysaya 20:5

Kindzə́m kí wíy gwàr vitúm ve ví‑iì yoy, tiir a dzə̀ e Etiopia wùn, wùn à ve ví‑iì leey sə́mo fó Ejiv vi, é ví wáa woomé.

Jeremia 11:3

Suúy aáwune ji Nyùy Tàr woo Nyùy woó Isray yoŋ a jii, ‹Lòné dzə̀ wó wìr wo wù yòʼ lem ntò se mensàŋ sìn,