Jeremia 17:4 - ŊWÀʼ NYÙY

⁴ Vèn wíy màʼtì vitsə́ʼ ve mò‑oò foon e vèn, e dù, a rèŋ a dzə̀ vikwàn aàŋgaà vén vibàné sar e wòŋ wo vèn yòʼ kiìn. A dzə̀ bìʼ fo vèn ŋaʼarin dòʼshwíiy wom, wù kóʼ, a baarí moo və́y, e làa yòʼ a ndzəmén.»

Jeremia 17:4 Referans Kwoze

Jeremia 15:14

M wíy yiì, é vèn wáa rèŋ vikwàn fo aŋgaà vén vibàné e wòŋ wo vèn yòʼ kiìn. Dòʼshwíiy wom yii kóʼó, wù wàa baarí moo və́y, e làa yòʼ a ndzəmén.»

Yòvdìy 5:2

Á lì ne nsay yer, e fò e vitúm vi, wír ve səné nəə́, e yòv láʼ sér.

Jeremia 7:20

Á bèy, mo woo Nyùy Tàr woo Taà Ndzə nén a yòŋ jii, dòʼshwíiy wom yíi koʼ bìʼ kirə́ʼ kin, é m maʼ ŋgeʼ e wìr msǒŋ kitu, e màʼ e nyám si, e màʼ e vicí vee fó vi, e màʼ e vifá ve ví kúy e nsay foo fèy vi. Dòʼshwíiy wom wíy a shwi moo və́y wo bó yòʼ dzə̀ wú ndzə̀mén.»

Aysaya 5:25

Bìʼ bey, Nyùy Tàr shwìíy ne kilòŋ wùn à wír vəə́. Wù‑uù nàn kóy və́ é yuv, e màʼ ŋgeʼlàʼ aáwuné kitu. Agwane‑eè səʼsì, a dzə́n sé wíri sí néŋnin e dzəə moo tóo nàʼ. Fə̀m mo vinyo vee shooy vi‑iì kooyin bey, Nyùy Tàr kù dzəə́ shwiiy kilòŋ wùn áwune, a wù dzə̀ kibáʼtín móo shaà fo mbìy, a dzə̀sì ŋgeʼlàʼ aáwuné kitu.

Jeremia 16:13

Bìʼ bey, m wíy meér ven fó nsay fèn, é vèn du é wòŋ wo bó wìr fo vèn aàtàr véné yòʼ‑oò yiì ne kìíy, é vèn du, a lìm fo anyùy vee fóo, a lìm e shùy, a lìm vitsə́ʼə́, é la m yòʼ a sham ven.»

Aysaya 14:3

Wír veé Isray, wíy lòo dzə e kishiíy fó, Nyùy Tàr boyìr ven fó ŋgeʼ ye vèn yéné, à fó vikwàn ve vé‑eè sə̀ŋèn ven, e wày shó,

Esiker 21:31

M wíy màʼ dòʼshwíiy wom e wò kitu. M wíy fam wò e və́y dòʼshwíiy womé, e way wò e wír tàkìŋàʼá wo. Wír, aá táŋ ne mo á yii laar wír, e màysì.

Yòvdìy 1:12

Wù kfə̀n tóŋ jii, «Ven vee anshaàdzəə̀, kinyo kìn ki yoʼ kùm ven gheéy a? Vèn ku lèéy, e yèn, ŋgeʼ si dzə̀ shó moo sém á? Ŋgeʼ se sí gbuùn e mǒ kitu. Ŋgeʼ se Nyùy Tàr shwiiyin kilòŋ, e màʼ e mǒ kitu.

Jeremia 12:7

Nyùy Tàr suuy jii: «M bìn ne ndzə̀m e Isray. M shwèy ne wír ve mò‑oò shoʼon ji vém, e wày wír ve mò‑oò liìn ji shilív shém áàŋgaà vév vibàné wo.

Jeremia 5:29

A dzə̀ rú la m yòʼ màʼ ŋgeʼ aáwuné kitu bìʼ vinyo vìn à? A dzə̀ la m yòʼ siìr ŋkfə́tír e kfə́ə kitum kee ben ki a? Suuy mo woo Nyùy Tàr.

Aysaya 66:24

Wír ve á wìyìn, e sùyrì moó wíy lòo fəə ŋkàlaʼ, aá yén dzə́n sé wìr ve vé‑eè rə́si tsə́y kóy vèr áwune, a sí néŋnin, shwí, a və́y wo wú ton áwuneé yòʼ wíy ndzəmén, a bó dzə́r se sí kfə́r áwune sí yòʼ wíy kpukír. Wìr dzə̀m wo wù wíy yen, wíy a nyaŋsí.»

Aysaya 30:33

Rúrú, e kèʼ fo yàŋgùʼ, Nyùy Tàr‑iì bàʼtí ne kirə́ʼ kee fo á wíy tòn dzə́n fòn. Wù tùŋ ne kíy, wú fáŋ, e kfə̀n shoò, e fiì meŋkaʼ sho, və́yí wáa shwi, a bò. Kiyoy ke Nyùy Tàr kí dzə̀ moo kiliímé ke və̀y, a kí wíy sə̀ʼ meŋkaʼ mèn, é mè wáa shwi.

Nehemia 9:28

Mo áwune kooyin rəsìn, e nèn kfə̀n yiì liì kisaŋ e wò si, à kfən wày áwune áàŋgaà vév vibàné wo, á wáa saʼ, a tay áwune. Áwune kúvsín liì wov, e kfə̀n tòŋ, e kàn wò, à yú tóŋ yév é yuv. À kù‑uù boyìr áwune akàŋ akàŋ bìʼ shammèndzə̀n wò.

2 Afòn 25:21

Wù nèn yòŋ, á ndzə́n áwune, e yùyrí e Ribla foo fèy e nsay Hamat. Á mo vé‑eè kuuyin wír veé Juda bèn, e fəə̀ woŋ wóv shó, e dù sho e wòŋ wo səné.

1 Afòn 9:7

bo m yíi fəə́r wír veé Isray fo nsay ye m foon aáwune, é m kfən mèŋ lav cù rə̀n, ye m kì lèmèn ne ji yee jeéy ji á wíy a cù mo shó, aá nèn wìy a màʼ Isray máʼan é ŋgàn, é vitúm vidzə̀m vi wáa jàʼ áwune jáʼan.

Remrí 28:25

«Nyùy Tàr wíy yiì, áàŋgaà vén vibàné ton ven é shùu rər. Vèn wíy tám e shùu rər ŋgoo mòʼón, aá lo, e bvəə̀rí, a leʼkír, é wìr wáa tùr dzə́ə rə. Vitúm vidzə̀m vi yéné, é shúu yúm áwune bìʼ kinyo ke kí kooyin ven.

Jeremia 2:14

«Isray dzə̀ kwàn á? Vé‑eè lo dzə̀ə́ wun e lav vikwàn á? Á kfə́n a koo wun ji kwàn bìʼ ka?

Jeremia 18:23

Éè Nyùy Tàr, à kì menàŋ me áwune kár e mǒ bàm ji á yúyrí mo. Lá à yòʼ làysìn ajay vév. Lá à yòʼ màʼày vinyo vév ve bi ví. Ku yiì, áàŋgàa vibàné ton áwune. Ku nə̀ʼsì áwune é ghan se dòʼshwiiy wò koʼon.

Jeremia 21:12

Nyùy Tàr suuy jii: « ‹Ven vee rám Davir, vèn wáa tinén vinyo vi tìítiy ghán sidzə̀m. Vèn wáa sə wír wo á bóʼó fo ŋgaà mbóʼmé wo. Kí búŋ fó bèy, bo liì won kisaŋ yíi yiì, é dòʼshwíiy wom kóʼ, a wù yíi a baarí moo və́y, là ŋgaà ndzə̀mér.

Jeremia 22:28

Dzə̀ ji Jehoyiacin kì sì ji kimbvə́ʼ ke kìŋ ke á wáa tèr fo fo à? Wù sì ji kifá ke bó wìr yòʼ dzəə́ kér shií shó à? Kòóy ka, é bo á li wùn à kfə́ə rəə́, e dù sho e kwaʼ nsàm, e kitum ke bó áwune yòʼ kiìn?

Aysaya 50:11

Vèn yuúrí, ven ve á səʼ vikaʼày ji ví fíʼ a kàʼày ven, vèn kú a ghan rì e vikaʼày vén vee shó vi. Ke m yíi yiì e vèn kí dzə̀ jii, vèn kù yíi bàyrìn, e gbù, a neŋ a dzə̀ é mvə̀m ŋgeʼ.

Jeremia 5:19

Jeremia, áwune wíy lóo dzər jii, Nyùy Tàr woo Nyùy wov sà yiì vin vee vinyo aáwune ben ji ka á, à yòŋ ji dzə̀ á bìʼ fo áwune‑eè meŋen mo aáwuné nsay, a ghvəm a dzə̀ á anyùy vitum. Kí nen yiì, aáwune sí yiì a dzə, a dzə̀ é nsay vitum, a rèŋ vikwàn fó.»

Esiker 7:24

M wíy tsənsí vitúm, a dzə̀ ve ví tìŋèn é ŋàŋ, é ví wiy, e yòv lav sén. M wíy səʼə́r kiŋkoʼòrwùn ké antav vén, e yiì, é vitúm vi bívír virə́ʼ vén vé cù.