Jeremia 16:4 - ŊWÀʼ NYÙY

⁴ áwune wíy a jòy ayàsí ve bií, a kpukír. Bó wìr wó a dìy áwune yòʼ wíy a dzə, kìn wo wù dzəəme. Dzə́n sév sí wíy a neŋnín e virə̀ʼ moo jáŋ. Áwune wíy kpu rə́r, e kpu jíŋ, é menə́n wùn à nyám si kfə́r dzə́n sév.»

Jeremia 16:4 Referans Kwoze

Jeremia 25:33

Wíy lòo dzə e ghan fen, é wír ve Nyùy Tàr laàrsìné wáa neŋnín virə́ʼ vidzə̀m, e kèʼ fo buu ndzə fèn, e dù, e bàʼ e və́səə. Wìr wó a dìy áwune yòʼ wíy a dzə sho, kìn wo wù báʼti dzə́n sév, e dzəə̀mè. Dzə́n sév sí wíy a neŋnín e nsay moo jáŋ bèy.

Nsùyrì Nyùy 83:10

Wò‑oò laàr wír vìn e En‑Dor, e laàr, dzə́n sév sí fòy fo.

Jeremia 9:22

Ke Nyùy Tàr suuy ki dzə̀ á jii, ‹Dzə́n sé wíri sí wíy a neŋnín, a neŋnín e kwaʼ moo jáŋ. Sí wíy a neŋ moo ŋgwàsáŋ wo vé kivi kív, maʼà, a wìr yòʼ báʼti.› »

Tsəfaniya 1:17

Nyùy Tàr suuy jii, «Wír vìne yiì kinyo ke biibí kí e mò woo Nyùy Tàr, a m wíy màʼ ŋgeʼ ye tavín aáwuné kitu, aá wáa ghan moo amfìr. Mensə́ mev mè wíy a leŋ moo ndzə́v, dzə́n sév sí wíy a neŋ moo jáŋ.»

Jeremia 34:20

M wíy way áwune áàŋgàa vibàn véví wo, wír ve á jwímer dzəʼə̀m yév. Dzə́n sév sí wíy a dzə viyíkìr ve menə̀n, à vé nyàm se kwaʼ vi.

Jeremia 7:33

Dzə́n sé wìr veé wòŋàn si kù sí wìy a dzə viyíkìr ve menə̀n, à vé nyàm se kwaʼ vi, a bó kifá ki yòʼ wíy a dzə ké a jivír menə́n mèn wùn à nyám si fo sí wáa yi.

Aysaya 18:6

Dzə́n sé wíri sí kù wíy a neŋnín moo tám se vici sin, a neŋ, é menə́n wùn à nyám se kwaʼ si wáa wìy, a sàʼ, a kfər bèn kiyá kifur, a kfər e lùm, a kfər e bìŋ.

Esiker 5:12

Kintóʼ ke wìr fo vintóʼ vee vitaár ki wíy kpu yé kifə̀ʼ, kìn yé jiŋ, e věn mvə̀m ŋkàlaʼ, é kintóʼ kímóʼ kí kpú é shùu rər, se sí maʼ, e kaàrí ŋkàlaʼ, e tàr. M wíy màysì kibér, e taʼár vitóŋtóŋ vidzə̀m, e shoʼ aáwuné bàm e nyùy rə̀r.

Jeremia 44:27

Vèn yuúrí, e yù, m kù yíi a kiyrí ven a dzə̀ ji ŋgeʼ si nəə́ ven, é la vijuŋ vi yòʼ a dzə. Wír vee rám Juda adzə̀m ve á dzə́ e Ejivi kù wíy kpu. Á wíy kpu yé rər, e kpu yé jiŋ, é la wìr yòʼ bèr.

Jeremia 36:30

Bo kinyo ke Nyùy Tàr suuy kùm wun woo Fòn Jehoyiakim woó Juda ki dzə̀ á jii, ‹Bó wìr woo bvəm rə́ yòʼ wíy a saʼ a vifon vee Davir ram. A ké wun woo fon ki dzə̀, aá wíy sàŋ dzə́n rə́, é yí wáa rəsí e shùy, a shaà, a shiíy e kintòn.

Jeremia 34:17

Á bèy, Nyùy Tàr suuy jii, «Mo vèn yòʼ‑oò lo yùnín mo, e yiì kinyo ke vèn‑eè lìʼìn ji wìr yíi a màʼtì a fə́r və, é wù wáa bòy fo vikwàn, vèn yuúrí, m lo, e màʼtì sa ven, é rə́r wùn à jiŋ, à kifə̀ʼ ki nəə́ ven. Vitúm veé kitu ke nsay vidzə̀m vi lóo leéy ven, é wúné wáa beemé áwune. Suuy mo woo Nyùy Tàr.

Aysaya 5:25

Bìʼ bey, Nyùy Tàr shwìíy ne kilòŋ wùn à wír vəə́. Wù‑uù nàn kóy və́ é yuv, e màʼ ŋgeʼlàʼ aáwuné kitu. Agwane‑eè səʼsì, a dzə́n sé wíri sí néŋnin e dzəə moo tóo nàʼ. Fə̀m mo vinyo vee shooy vi‑iì kooyin bey, Nyùy Tàr kù dzəə́ shwiiy kilòŋ wùn áwune, a wù dzə̀ kibáʼtín móo shaà fo mbìy, a dzə̀sì ŋgeʼlàʼ aáwuné kitu.

Nsùyrì Nyùy 78:64

Vé‑eè gwàtì atàá cù vév e nyùy, vikìy véví búŋ kilíŋ ké a dìy áwune.

2 Afòn 9:10

Fo ké Jesebel ki, jwí si wíy kfər dzə́n rə́ é nsay Jesreel, é la wìr yòʼ dzəə̀mè wun. Wánlè nsùm və̀y màysì kisúŋnìn kìn, e nèn mvə̀ʼ shúu lav, e lèʼ.› »

Jeremia 44:12

M yíi laàr wír vee kibér ke rám Juda ve vé‑eè wayin ji á kù du, a dzə e nsay Ejiv. Rə́r wùn à jiŋ kù yíi laàr áwune, e kèʼ fo wìr wo terí, e dù, e meé e wo kuʼùn. Áwune wíy kpu yé rər wùn à yé jiŋe, a dzə vé lòné, wíri lóo leéy, é wúné wáa beemé áwune, é yír yéví kfə́n ji liy, aá wáa jàʼ áwune jáʼan.

Remrí 28:26

Vèn wíy kpukír, é menə́n wùn à nyám se kwaʼ si wáa sàʼ dzə́n sén, a bó wìr yòʼ wíy a dzə sho wóo jùm.

Jeremia 19:7

«A kí dzə̀ jii, kirə́ʼ kin ki dzə̀ fo m wíy bvəə́r antaŋ wìr veé Juda wùn à veé Jerusaleme. M wíy yiì, áàŋgaà vév vibàné yúyrí áwune fen e shùu rər. Wír ve á dzə wuú yéví kù wíy səʼsí áwune sə́ʼsín, é m fó dzə́n sév ji viyíkìr ve menə̀n wùn à vé nyàm se kwaʼ vi.

Yòvdìy 4:9

Yì‑iì bòŋ ké wìr ve vé‑eè kpuun yé rər, e shaà ké wìr ve á kpú yé jiŋ. Á lo, jìŋ rèŋèr áwune é mbòŋén, á wàa kpukír, là kifá kée luʼ e shuù.

Esiker 24:21

m suúy á e vèn vee wír veé Israyi jii, ke wun woo Nyùy Tàr woo Taà Ndzə yoŋ ki dzə̀ á jii, ‹Wun yíi yiì, é lav cù rə ye vèn shéʼri, túy shwín shó rə̀y kfə́n ji kifá ke *kifàn kí, yìwun ye vèn leey moo síbaŋ, a melív men mè tíy sho ghán sidzə̀m. Jòkìnyàʼ, ké won vén vee vilum wùn à vee vikìy ve vèn màʼtìn é bàm, á wíy kpu yé rər.

Remrí 28:22

Nyùy Tàr wíy tsəm ven áàyàsí ve á túmsinèe, e tsəm e kinjàʼ wùn à vintokìr vi, à lum ye ghaʼáné, e yiì, é wuú táv é yuv, e tsənsí shwér wo yumérí, e laàr vifá vén vé yi ve ví kúy e sum. Vinyo vìn vi wíy ròn ven, e meé mo vèn wíy rèŋ, e mày.

Jeremia 21:6

M yíi bvəʼə́y kifá kidzə̀m ke kí dzəə̀n é mvə̀mlaʼ fèn. Kifə̀ʼ ke tavín kí yíi tatí, e teè wíri wùn à nyám si.