Jeremia 15:9 - ŊWÀʼ NYÙY

⁹ Wiíy wo wù làyìn wón və́ vee saàmbà sí fénkir, fér kiyoy. Ndzə ye ranén kfə̀n ne fo wun ji vitsə́ʼə́. Á shòór ne wun, nyári wáa dzə e wun shiliv. Ké kiber ke wìr vév, m wíy màʼtì sa áàŋgàa vibàné yúyrí. Suuy mo woo Nyùy Tàr.»

Jeremia 15:9 Referans Kwoze

1 Samuel 2:5

Wír ve vé‑eè yíkir kúríi sí lim fo ámóʼó, e bó a yikír, a wír ve vé‑eè dzə́ e jìŋé yòʼ dzəə́ buu kifá ke yi. Wiíy woo kár dzə̀ə́ ne wón saàmbà, a wiíy wo wù kér wón anín sì kisáŋ.

Aysaya 47:9

Vinyo ve à sévti vìn vi yíi koóy wò kishiíy kimòʼón vidzə̀m. À yíi lày kifá kidzə̀m, kù moo wiíy wo wù ranen wán, e ràn lúm. Vinyo vìn vi kér fó yìi cuùrì e wò kitu, fə̀m mo à sər fú wo tavíné, shwéŋ vinyo e dzəə sí dzəə sí.

Yòvdìy 1:1

Á ku yèn búʼú, Jerusalem sí tíy là wír, kirə́ʼ, a wìr‑iì dzə̀ fó nyanyày. Fóo sí sóm moo wiiy ŋkfə, kirə́ʼ, a vitúm vidzə̀m vi‑iì ghvə́mé. Ŋkàlaʼ, a yì‑iì dzə̀ féyì ji yaà, e ŋkà se laʼ sí mvəm, lèn wáa dzə, a yì sí reŋ a dzə̀ vikwàn.

Esiker 5:12

Kintóʼ ke wìr fo vintóʼ vee vitaár ki wíy kpu yé kifə̀ʼ, kìn yé jiŋ, e věn mvə̀m ŋkàlaʼ, é kintóʼ kímóʼ kí kpú é shùu rər, se sí maʼ, e kaàrí ŋkàlaʼ, e tàr. M wíy màysì kibér, e taʼár vitóŋtóŋ vidzə̀m, e shoʼ aáwuné bàm e nyùy rə̀r.

Yòvdìy 4:10

Vikìy ló, a naá wón vév ji vifá ve yi, áwune, aá yii rə́r mendzən me wìr e ŋàŋ. Á sí kfə́r wón vév ji á fiʼ bòy fo jiŋ, jíŋ, ye yì sùmèn ŋkàlaʼ.

Jeremia 44:27

Vèn yuúrí, e yù, m kù yíi a kiyrí ven a dzə̀ ji ŋgeʼ si nəə́ ven, é la vijuŋ vi yòʼ a dzə. Wír vee rám Juda adzə̀m ve á dzə́ e Ejivi kù wíy kpu. Á wíy kpu yé rər, e kpu yé jiŋ, é la wìr yòʼ bèr.

Jeremia 21:7

M yii bèy, é m li Tsədekiya woo fon Juda wùn à vé saʼ vəə́, à wír veé ŋkàlaʼ ve á bòyìn fó kifə̀ʼ, kìn fó rər, kìn fó jiŋ, e way e Nebukadnessar woo fon woó Babilon kiwo, é wùn aàŋgàa vibàn véví lóvtí aáwune lóvtín. Wù kù wíy fo sáʼ ji á gwati áwune, aá kpúkír. Wù yòʼ wíy bavtí áwune, a wù yòʼ wíy rər mendzən mev, a wù yòʼ wíy sham áwune. Kù suuy mo woo Nyùy Tàr.› »

Jeremia 6:4

Lo, aá wám jii, ‹Á báʼtí, aá kiʼ Jerusalem e rə́r sí. Á ŋáʼáy cér, e nə̀ə́ fó e ntìntìn shùy.› Á kfə́n lo, aá wáa ghay jii, ‹Kishiíy kí sí mayì, a meraaràŋ mè sí lò a gbùkìr. Lòn woo bene dzə̀ woó le?

Jeremia 7:19

Áwune kwaʼ ji á tínsin a dzə̀ mo a? Áwune kù tínsin a dzə̀ vitú vév, a woómé si yíi a dzə sév. Suuy mo woo Nyùy Tàr.

Jeremia 19:7

«A kí dzə̀ jii, kirə́ʼ kin ki dzə̀ fo m wíy bvəə́r antaŋ wìr veé Juda wùn à veé Jerusaleme. M wíy yiì, áàŋgaà vév vibàné yúyrí áwune fen e shùu rər. Wír ve á dzə wuú yéví kù wíy səʼsí áwune sə́ʼsín, é m fó dzə́n sév ji viyíkìr ve menə̀n wùn à vé nyàm se kwaʼ vi.

Jeremia 50:12

Á bèy, aá wíy shoór woŋ wón é dzəə ye bi féyì. Woŋ wo dzəə̀n ji yè woné wíy a woomé. Fóo lo, e kfən ji kitúm ke terí kí e vitúm ví mvəm, e dù ji woŋ kinjúme, e dù ji wóʼ.

Esiker 5:13

«Á mo m wíy lovtí e vèn bey, é bo dòʼshwíiy wom kpúrín, é shilív shí rəsin mo. M wíy dìn kilòŋ kém ke shwiiyín kí e vèn bey, é vèn nèn kìíy ji mò‑oò súŋnin, tín kàʼ won bey, bìʼ kíyrí ye m kíyri ven.