Jeremia 15:7 - ŊWÀʼ NYÙY

⁷ Rúrú, m wíy feér áwune, e taʼár moo mvə́y, é la wìr yòʼ bèr é ŋkàlaʼ yìmòʼ é wòŋàn. M wíy laàr wír vém, e yuyrí wón vév, bìʼ fo áwune tenen fó kuvsín yii yév.

Jeremia 15:7 Referans Kwoze

Matio 3:12

Wù wíy lòo wìy, é wù wáa ker júy rə e wùn kiwo, e fetí sáŋ shó. Wù féti, é wù báʼtí sáŋ, e lèm, e yèr mvə́y, e tòn e və̀y wo wú bo ghán sidzə̀m.»

Jeremia 51:2

M wíy tsənsí vitúm, é ví nəə́ Babilon, e kuúr fó kuurín moo kinsəm, e səʼsí nsay yev, é yì goʼ e ghá. Kishiíy ké ŋgeʼ kìn ki wíy gheén, aá nəə́ woŋ Babilon mbìv sidzə̀m.

Jeremia 5:3

Rúrú, Nyùy Tàr, à taʼ a dzə̀ ŋgaà suuyrú. Wò‑oò shwìvír áwune, la á yòʼ fə̀m gwàrìr. À wáa tàʼ e səʼsí áwune ŋkuuŋkùŋ, la áwune yòʼ yèʼéy kinyo fo fo. Áwune kù táv a dzə̀ kitú, tén fó kuvsín.

Aysaya 41:16

Vèn wíy buʼ, e fetí, é shwéri li kibvər, é kinsəm ki kú a taʼár, a dù sho. Á bèy, é vèn nèn a sheʼrí mo woo Nyùy Tàr, a tuy shwín bìʼ mo woo Ŋgaà wo Ranén woó Isray.

Aysaya 9:13

Bó wír vìne yoʼ màʼtì yii yév ye bií, e fíʼ a jùmrì ŋgaà wo wù maʼ ŋgeʼ aáwuné kitu. Áwune yòʼ fə̀m mum ji bo á kì yúnin Nyùy Tàr, wun woo Taà Mànjòŋ.

Jeremia 18:21

Bo kí dzə̀ lèn jii, yìi, é mentaàshì mè gháʼ wón vév, e yiì, aá kpúkír é shùu rər. Yìi, é vikìy véví rán alúm wùn à wóné. Ku yiì, áàlúm véví kpú kifə̀ʼ, é rə́r sí tee wón vév vee vilum.

Nsùyrì Nyùy 1:4

Ké wìr ve á méŋ Nyùy ki yòʼ dzə̀ bey. Áwune dzə̀ kév moo mvə́y se shwéri feer feèrín.

Sekariya 1:4

Lá áwune yòʼ a tav a kitú mo atǎr ram véví‑iì táví. Aŋgàa ntum vém vee fó mbìyi‑iì kantì áwune ji mo woo Nyùy Tàr woo Taà Mànjòŋ‑eè suuy a jii, á biner á melív mev, e yàr fó a yiì liì kisaŋ. Yii bèy, áwune tén fóo yunín mo. Kù suuy mo woo Nyùy Tàr.

Esiker 24:25

Nyùy Tàr nèn kfə̀n sùúy e mò jii, «Wàn wìr msòŋ, m wíy laàr kirə́ʼ ke wír veé Israyi yoy, tiir sho. Kirə́ʼ, a dzə̀ ke áwune shéʼri, yú wún, a melív mev mè kù tíy sho ghán sidzə̀m, aá leey moo síbaŋ. M kfə̀n wíy sə sa wón vév vee vilum wùn à vee vikìyí.

Remrí 28:41

Vèn wíy a dzəə́ wón vee vilum, à vee vikìyí, yii bèy, a yòʼ wíy a dzə vén. Á wíy a kuúy, a dù sho ji akwàn.

Esiker 24:21

m suúy á e vèn vee wír veé Israyi jii, ke wun woo Nyùy Tàr woo Taà Ndzə yoŋ ki dzə̀ á jii, ‹Wun yíi yiì, é lav cù rə ye vèn shéʼri, túy shwín shó rə̀y kfə́n ji kifá ke *kifàn kí, yìwun ye vèn leey moo síbaŋ, a melív men mè tíy sho ghán sidzə̀m. Jòkìnyàʼ, ké won vén vee vilum wùn à vee vikìy ve vèn màʼtìn é bàm, á wíy kpu yé rər.

Jeremia 9:21

Kpúu nə̀ə́ ne ver dzə́ə fó awundu. Yí nə̀ə́ ne e věr ntoʼ si, li wón fó ghaŋ se dzəə, li wónlě nsùm fo mentàrnín.

Remrí 28:32

Á wíy tayrí wón vén vee vilum wùn à vee vikìyí, e dù sho e kitum kímóʼ kí ji akwàn, a vèn wíy a kiy dzə́ə kishiíy ké ndzə kidzə̀m, e kiy bèn, e dorkír ji á leey áwune, a bó vèn yòʼ dzəə́ wìy yen.

Remrí 28:18

«Lǒn Nyùy Tàrí wíy shov kidzəə́y kén, é vèn wáa ker wón ashàr, e shov nsay yen, é la vifá ve yi vi yòʼ a bòŋ sho, e shov ŋgoo sén sé nyàm, wùn à sé bvəy si, é vifá vìn vi wáa ker wón ashàr.

Esiker 36:12

Wír vém veé Isray, m wíy siìr ven e věn nsay, é vèn wáa dzə fo, a ker ji nsay yen, a bó yì yòʼ dzəə́ wìy a laàr wón fo věn koy.

Aysaya 9:12

Veé Siiriàa wáa wìy fo mbìv ye shùy yii tó fo fo, veé Filistiàa wáa wìy fo mbìv ye shùy yii nəə sho. Áwune tátí kitúm kee Isray, e sə̀ʼsí kidzə̀m. Fə̀m mo ŋgeʼ sìn sidzə̀m si siìn e wír veé Israyí kitu, Nyùy Tàr kù dzəə́ shwiiy kilòŋ wùn áwune, a wù dzə̀ kibáʼtín ji wun lo, e shaà fo mbìy, a dzə̀sì ŋgeʼlàʼ aáwuné kitu.