Jeremia 15:5 - ŊWÀʼ NYÙY

⁵ «Éè Jerusalem, wíy a sham la ven? Wíy a dìy la ven? Wíy lì la ghán sə́, a dzər ji vèn sà dzə̀ é le á?

Jeremia 15:5 Referans Kwoze

Aysaya 51:19

Ŋgeʼ si gbù ne e věn kitu kfəə́ e baà. Wìr feyì wo wù yíi sham ven dzə̀ la? Á sàʼtì ne kitúm kén, e laàr láʼ sén, jìŋ koó ven, rə́r sí nəə́, e gòʼ e věn nsàn. Wìr feyì feyì wo wù lo, e rəə̀r melív men dzə̀ la?

Nahum 3:7

Wìr yén wò, é wù wáa tèr fo wò wùn, a bèm jii, ‹Nineve sàʼkìr ne, yíi a dìy la wun? Dzə̀ kfə́ la wo wù yíi a rər mendzən mvə?› »

Jeremia 21:7

M yii bèy, é m li Tsədekiya woo fon Juda wùn à vé saʼ vəə́, à wír veé ŋkàlaʼ ve á bòyìn fó kifə̀ʼ, kìn fó rər, kìn fó jiŋ, e way e Nebukadnessar woo fon woó Babilon kiwo, é wùn aàŋgàa vibàn véví lóvtí aáwune lóvtín. Wù kù wíy fo sáʼ ji á gwati áwune, aá kpúkír. Wù yòʼ wíy bavtí áwune, a wù yòʼ wíy rər mendzən mev, a wù yòʼ wíy sham áwune. Kù suuy mo woo Nyùy Tàr.› »

Nsùyrì Nyùy 69:20

Liy si kèr ne tím yém, a kém kí kù mày ne. Mò‑oò kiʼ vé kinshame, e làa yòʼ yen wír. Kiʼ ve á wáa njiysí mo, e làa yòʼ yen.

Jeremia 16:5

Nyùy Tàr kfən sùúy jii, «Lá à yòʼ a nəə́ e ŋgày kpu, lá à yòʼ a dù kpú ye diyìné, kìn ji à du kinsham. M fə̀ə́r ne kiwó kém fo wír vìné kinyò. Suuy mo woo Nyùy Tàr. M yòʼ dzəə́ wìy a fo nyaáŋ e wír vìne, a bó m yòʼ dzəə́ wìy a dìn koŋ yém aáwune, e bóo fə̀m a sham.

Jeremia 13:14

Wun yíi a lì wír, a fòr a wùmòʼ shó, à ŋgàywìr, à wánlè, suuy a wun woo Nyùy Tàr. Yòʼ dzə̀ wun yiì rə̀r á mendzən mev, e shàm á áwune, e lèm a ji á goʼ atin.

Ŋwàʼ Jov 19:21

«Éè vèn vee ŋkàr sem, vèn shám mendzən mem mè, vèn ku shàm mendzən mem mè. Nyùy dzə̀v ne mo e kiwó kfə́ kí, e màʼ e nsay.

1 Samuel 25:5

e nèn tsə̀nsí wónlě nsùm e ghvə̀m fo Nabal wùn, tsə́nsi bèy, suuy jii, «Vèn kóʼ, e yèn Nabal e Karmel, e shàʼtì wun e mǒ yir.

1 Samuel 17:22

Davir lèm vifá ve yi e wìr wo wù‑uù leey fo vifá ve rər ví, e nyèŋ, e dù e shùu rər, e shàʼtì afə́r və́.

1 Samuel 10:4

Á yíi shàʼtì wò, e kfə̀n a fo wò ntuʼ se kiban sibaà. Á lóo fo, à sə̀.

Atǎr Nsaʼ 18:15

Á nèn bìn e Mayka laʼ fo wánlè nsùm woo wír woó ram Levi dzə́, e nèn shàʼtì wun, e dzə̀r mo vinyo və́ ví gháné.

Ŋwàʼ Fəə 18:7

Á meé, Mooser fəə́, wùn sə və tárnín, wù tsə́m ndzəə́, e làʼ kitú fo nsay e si wo, e lò, e baàmé wun. Wùn wun shàʼnìn, e nèn nə̀ə́ e Mooser kibàn.

Yòvdìy 1:17

Sion sí maʼ wó rə́, a bó ŋgaà wóo sham wun yòʼ dzə̀. Nyùy Tàr tìnén ne kùm rám Jakov jii, vitúm ve ví kaarin áwune ví binkir, ví ku bìnkìr, e ghìʼ á áwune ghíʼín. Jerusalem kù sì ji kifá ke *kifàn kí aáwuné mvəm.