Jeremia 15:3 - ŊWÀʼ NYÙY

³ «M wíy yiì, é virə́mrə́m vé vinyò vi koóy áwune, e laàr dzə́ə sikweè. Suuy mo woo Nyùy Tàr. Rə́r sí wíy yuyrí áwune, é jwí si sati, é menə́n meé yuv wùn à nyám se kwaʼ si maysi, e kfə̀r.

Jeremia 15:3 Referans Kwoze

Remrí 28:26

Vèn wíy kpukír, é menə́n wùn à nyám se kwaʼ si wáa sàʼ dzə́n sén, a bó wìr yòʼ wíy a dzə sho wóo jùm.

Cù 26:22

Dzəsì, é m kfən tsə̀nsí nyám se bi sí e věn mvəm, é sí wáa yuyrí wón vén, a laàr nyám sén, a fàr ven, é vèn wáa dzə ashàr, é dzə́ə sén sí kfə́n é vifə̀m.

Cù 26:16

bo m yíi màʼ ŋgeʼ si e věn kitu. A sí dzə̀ jii, vinyo ve bi ví yíi a sàsìn, a koóy ven moo ayàsí ve á reŋèr wún, wùn à vinjàʼ ve ví fir sí, kfə̀n senèr wír vi. A vèn kfə̀n wíy a way vifá, é ví wáa lày kisáŋ, bìʼ fo aŋgàa vibàn véné wíy a kav.

Ŋgaà Yen 6:8

M ku nèn yèn, a yìmòʼ yee nyamŋkoʼ fəə́, a yì fə́r ji kwáv, kiʼ e dzə́ʼsín. Wìr wáa dzə e kitu wo, a yír rəə́ dzə̀ ji Kpú. A wùmòʼ woo wír jumrì fo bàm, a rə́ yee yírí dzə̀ ji Wóŋàŋkfə. Á nèn fò vitaáví ji áwune jav wír veé kitu ke nsay vilíŋ vikweè, e laàr a mbìv yee mòʼón. Kìn á kpú a dzə̀ rə́r, kìn koó jíŋ, kìn laar kifə̀ʼ, kìn kfə́r nyám se kwaʼ áwune, aá may adzə̀m.

Esiker 14:21

«Á bèy, ke Nyùy Tàr woo Taà Ndzə suuy ki dzə̀ jii, bo ké Jerusalem ki wíy fòy fòyìn, e shaàsìn, a m tátí ne virom ve ŋgeʼ vee vikweè vìn, e màʼ aáwuné kitu. Ŋgeʼ see jii, rə́r, jíŋ, nyám see koosàʼ, bóo lì kifə̀ʼ. M maʼà, é wìr msòŋ wùn à nyám si may fó fo.

Cù 26:25

M yíi màʼ rə́r e věn kitu, e siìr ŋkfə́tir mensàŋ me vèn bivirin. Vèn nyéŋ fo kwaʼ rər, du, laay e věn mvə̀m ŋkà se laʼ seé mvə̀m kày se bomén sí, bo m yíi tsənsí yàsí wo bi e věn mvəm, e dòmsì ven, e way aàŋgaà vén vibàné wo.

Jeremia 7:33

Dzə́n sé wìr veé wòŋàn si kù sí wìy a dzə viyíkìr ve menə̀n, à vé nyàm se kwaʼ vi, a bó kifá ki yòʼ wíy a dzə ké a jivír menə́n mèn wùn à nyám si fo sí wáa yi.

Aysaya 18:6

Dzə́n sé wíri sí kù wíy a neŋnín moo tám se vici sin, a neŋ, é menə́n wùn à nyám se kwaʼ si wáa wìy, a sàʼ, a kfər bèn kiyá kifur, a kfər e lùm, a kfər e bìŋ.

Nsùyrì Nyùy 68:23

Vèn wíy a tòv mensə́ mev e wuú, lóo tòv, é jwí si wáa la sa.»

Jeremia 12:9

Wír ve m shoʼoné kfə̀n ne ji shinə́n. Shinə́n she ŋwaʼkìn she vilùŋ vi jwímé, a ví gìm ne, e tàr ji á koó. Á ku bì nyám se kwaʼ ji sí wiy, e tàtí, a sàʼ shinə́n shin.

Jeremia 14:16

Wír ve áwune tiísi ntum shoo yíi kpukír sa, a neŋnín e ghaŋ se dzəə é Jerusalem là ŋgaà dzəə̀mè, aá kpúkir a dzə̀ jíŋ wùn à rə́r sí, aá kù kpú wùn à vikìy véví, à wón vee vilume, à vee vikìyí. M kù yíi siìr yii yév kisaŋe aáwuné kitu.»

Jeremia 16:4

áwune wíy a jòy ayàsí ve bií, a kpukír. Bó wìr wó a dìy áwune yòʼ wíy a dzə, kìn wo wù dzəəme. Dzə́n sév sí wíy a neŋnín e virə̀ʼ moo jáŋ. Áwune wíy kpu rə́r, e kpu jíŋ, é menə́n wùn à nyám si kfə́r dzə́n sév.»

Yòvdìy 3:11

Wù tsə̀ʼ mo fó dzəə, e sàtì e vinsàr vinsàr, e màʼày fo, là ŋgaà wóo sham mo.

Esiker 33:27

Yòŋ aáwune ji ke suuy mo woo Nyùy Tàr woo Taà Ndzə ki dzə̀ á jii, ‹Mo m dzəə̀n shó e tin, e ké ru kí, wír ve á dzə́ e vimgbù ve laʼa wíy kpu yé rər. Ké wìr ve á dzəə̀n é kwaʼ e ŋgèŋgèr, é m fó, é koosàʼ saʼ, é ve á duùn áàŋkoŋ, a lìr e mbvə̀ʼ sií kpú yé kifə̀ʼ.

Amos 5:19

Kishiíy kin ki wíy a dzə, kù moo ji wìr sòsìn fo bvərə̌ʼ wo, e lèʼ, e dù, e tò e nyàm ye á yoŋ ji *bear wo. Kìn moo wír wo wù nəə e wun lav, e lòo toomé wún lav, yò té.

Remrí 32:24

Vèn wíy kpu yé jiŋ, e kpu yé kinjàʼ. Vèn wíy kpu wó ayàsí ve biibií. M wíy tsənsí nyám se bi sí, é vèn áwune tám, e tsənsí yó se ndzəʼ si, é sí wáa terí ven.

Jeremia 14:12

Aáwune fə̀m lò, a lèm jíŋ, bo m yòʼ yíi yu tóŋ yév. Aá fə̀m yiì a dzə̀ cu ye tonèné, kìn yé vifa ve yi, bo m yòʼ yíi səəsí. M kù yíi laàr áwune a dzə̀ e rə́r sí, e laàr e jiŋ, e laàr e kifə̀ʼ ki.»