Jeremia 15:2 - ŊWÀʼ NYÙY

² Aáwune lòo dzə, a dzər e wò jii, ‹Vèr yíi dù a dzə̀ feé?› à bìnèr ji Nyùy Tàr yòŋ a jii: « ‹Wír ve á kì wíy kpu a dzə̀ kifə̀ʼə, du, e kpu kifə̀ʼ. Ve á kì wíy kpu e shùu rərí, du, e kpu rə́r. Ve á kì wíy kpu jíŋe, du, e kpù jíŋ. Wír ve á kì wíy koorí ji akwàné, du, aá koórí.›

Jeremia 15:2 Referans Kwoze

Jeremia 43:11

Wù wíy wìy, e laàr Ejiv, a wír ve kév kí dzəə̀n ji á kpú a dzə̀ kifə̀ʼə wíy kpu kifə̀ʼ, ve kév kí dzəə̀n ji á koó ji akwàn, aá koórí, ve á kì wíy kpu e shùu rər, aá kpú rə́r.

Sekariya 11:9

M nèn sùúy jii, «M yòʼ dzəə́ wìy a shìy ven. Njiì wo wù kpú wáa kpu, é wo wù layì wáa lày. Ve á berin, wùmòʼ wáa kfər wùmòʼ.»

Ŋgaà Yen 13:10

A wìr‑iì sì wo á kù‑uù wíy koo, bo dzə̀ á kù koò. A dzə̀ wír, a kí‑iì sì ji wù wíy kpu rə́r, bo wù kù wíy kpu. Wír ve dzəə̀n vé Nyùyi ku nèn a way kév a dzə̀ shilív e Nyùy wùn, a tiy kitávín, e dù, e jòʼsì.

Esiker 5:2

Vishiíy ve á faasin ŋkàlaʼ vi mayì, à lì kintóʼ kee kimòʼón ki fo vee vitaár vi, e tòn e ntìntìn nsáŋti ŋkàlaʼ. Lì kintóʼ kímóʼ kí, e neèr, e kaàrí ŋkàlaʼ sho, e shètì e nyùy rə̀r. Maysì kintóʼ kímóʼ kí, áà táʼár é shwer, é m shóʼ nyùy yem rə̀r fó kiburúʼ, e shèm shó fo bàm.

Esiker 5:12

Kintóʼ ke wìr fo vintóʼ vee vitaár ki wíy kpu yé kifə̀ʼ, kìn yé jiŋ, e věn mvə̀m ŋkàlaʼ, é kintóʼ kímóʼ kí kpú é shùu rər, se sí maʼ, e kaàrí ŋkàlaʼ, e tàr. M wíy màysì kibér, e taʼár vitóŋtóŋ vidzə̀m, e shoʼ aáwuné bàm e nyùy rə̀r.

Jeremia 14:12

Aáwune fə̀m lò, a lèm jíŋ, bo m yòʼ yíi yu tóŋ yév. Aá fə̀m yiì a dzə̀ cu ye tonèné, kìn yé vifa ve yi, bo m yòʼ yíi səəsí. M kù yíi laàr áwune a dzə̀ e rə́r sí, e laàr e jiŋ, e laàr e kifə̀ʼ ki.»

Aysaya 24:18

Wìr yíi lòo mùm ji wun léʼ kiléŋléŋ ké rìʼ vən, é wù gbu a dzə̀ é bii. Wìr fə́m lóo mùm ji wun‑éè ŋaŋri, e fəə̀ fó bii, é wù nəə́ a dzə̀ é kitam. Yúví mvə̀ʼ ne shuu, e lèm e rə́, kinsə̀ŋ ke nsay ki sə́ʼ.

Amos 5:19

Kishiíy kin ki wíy a dzə, kù moo ji wìr sòsìn fo bvərə̌ʼ wo, e lèʼ, e dù, e tò e nyàm ye á yoŋ ji *bear wo. Kìn moo wír wo wù nəə e wun lav, e lòo toomé wún lav, yò té.

Daniel 9:12

À yiì ne kinyo ke wò‑oò suuy ji à wíy yiì e vèr aàtǎr saʼ vérí, e màʼ ŋgeʼ ye tavín e věr kitu. Á yòʼ‑oò ghàn ne màʼ ŋgeʼ e kirə̀ʼ é sar shùy fèn moo ye à màʼàn é Jerusalem.

Esiker 14:21

«Á bèy, ke Nyùy Tàr woo Taà Ndzə suuy ki dzə̀ jii, bo ké Jerusalem ki wíy fòy fòyìn, e shaàsìn, a m tátí ne virom ve ŋgeʼ vee vikweè vìn, e màʼ aáwuné kitu. Ŋgeʼ see jii, rə́r, jíŋ, nyám see koosàʼ, bóo lì kifə̀ʼ. M maʼà, é wìr msòŋ wùn à nyám si may fó fo.

Jeremia 14:16

Wír ve áwune tiísi ntum shoo yíi kpukír sa, a neŋnín e ghaŋ se dzəə é Jerusalem là ŋgaà dzəə̀mè, aá kpúkir a dzə̀ jíŋ wùn à rə́r sí, aá kù kpú wùn à vikìy véví, à wón vee vilume, à vee vikìyí. M kù yíi siìr yii yév kisaŋe aáwuné kitu.»

Jeremia 16:4

áwune wíy a jòy ayàsí ve bií, a kpukír. Bó wìr wó a dìy áwune yòʼ wíy a dzə, kìn wo wù dzəəme. Dzə́n sév sí wíy a neŋnín e virə̀ʼ moo jáŋ. Áwune wíy kpu rə́r, e kpu jíŋ, é menə́n wùn à nyám si kfə́r dzə́n sév.»

Jeremia 19:7

«A kí dzə̀ jii, kirə́ʼ kin ki dzə̀ fo m wíy bvəə́r antaŋ wìr veé Juda wùn à veé Jerusaleme. M wíy yiì, áàŋgaà vév vibàné yúyrí áwune fen e shùu rər. Wír ve á dzə wuú yéví kù wíy səʼsí áwune sə́ʼsín, é m fó dzə́n sév ji viyíkìr ve menə̀n wùn à vé nyàm se kwaʼ vi.

Esiker 12:11

Yòŋ aáwune jii, ‹À dzə̀ á kisəəm fo áwune. Kinyo ke à yiìn kin ki din mo kí wíy koóy áwune. Áwune wíy dù e kwaʼ nsàm, a dzə fo e lav vikwàn.

Esiker 33:27

Yòŋ aáwune ji ke suuy mo woo Nyùy Tàr woo Taà Ndzə ki dzə̀ á jii, ‹Mo m dzəə̀n shó e tin, e ké ru kí, wír ve á dzə́ e vimgbù ve laʼa wíy kpu yé rər. Ké wìr ve á dzəə̀n é kwaʼ e ŋgèŋgèr, é m fó, é koosàʼ saʼ, é ve á duùn áàŋkoŋ, a lìr e mbvə̀ʼ sií kpú yé kifə̀ʼ.

Aysaya 10:4

Bó wìr yòʼ wíy a ker fóo dù, e shaà ji á kù wíy yuyrí wun yúyrín é shùu rər, kìn ji á koó wun, a sə̀ŋ, a dù sho moo vé sháŋé. Fə̀m mo ŋgeʼ sìn sidzə̀m si siìn e wír veé Israyí kitu, Nyùy Tàr kù dzəə́ shwiiy kilòŋ wùn áwune, a wù dzə̀ kibáʼtín ji wun lo, e shaà fo mbìy, a dzə̀sì ŋgeʼlàʼ aáwuné kitu.