Jeremia 15:1 - ŊWÀʼ NYÙY

¹ Nyùy Tàr nèn yòŋ e mò jii, «A fə̀m wìy Mooser wùn Samuel, a tiy e mǒ si, a lon, bo bó yòʼ dzə̀ m kùvsín kwaʼtì yém, e lèéy wír vìn. Jùm áwune fo mǒ si, aá dukir.

Jeremia 15:1 Referans Kwoze

Esiker 14:14

A fə̀m kì dzə̀ ji wír vee ataár vee Noa, wùn à Daniel, à Jov kì dzə̀ é wòŋ foo fèy, bo njiìn wov wo juŋ yíi bòyìr a dzə̀ áwune vin. Suuy mo woo Nyùy Tàr woo Taà Ndzə.

Jeremia 14:11

Nyùy Tàr suúy e mò jii, «Lá à yòʼ a bùnrì ji m yii, é wír vìne wáa dzə kijuŋ.

Jeremia 11:14

«Jeremia, lá à yòʼ yiì a bùnrì, lá à yòʼ yiì a buʼ wó e mò bìʼ wír vìn. Aáwune lò, a toŋ, a mbaà mo é ghan se á dzəə̀n é ŋgeʼ, bo m yòʼ‑óò yuúrí.

Nsùyrì Nyùy 106:23

Nyùy suúy ji wun yíi laàr a áwune, Mooser wo Nyùy‑iì shoʼon ji ŋgaà və lìm tiím. Wù tiím, e bùʼ wó e Nyùy, Nyùy màʼày dòʼshwíiy və, e làa yòʼ dzə́ə laàr áwune.

Nsùyrì Nyùy 99:6

Mooser wùn Aaron‑eè dzə̀ wír fo atàá cù vəə́ mvəm, Samuel wáa dzə sa wír fo ve vé‑eè li kilíŋ ke wíri, bunrì. Áwune‑eè tòŋ e Nyùy, wù yú tóŋ yév.

1 Samuel 12:23

Fo kém kí, Nyùy wáa teér mo fo m jáy e wun, e làa yòʼ a bùnrì fo vèn. M kù wíy a dùŋrì ven dzə́ə ye juŋ wùn à yee tìítiy.

2 Afòn 17:20

Nyùy Tàr nèn tèn wír veé Isray adzə̀m, e màʼ ŋgeʼ aáwuné kitu, e wày áwune áàŋgàa vibàn véví wo, e dù, e meé mo vé‑eè màyìn fo wun si.

1 Samuel 7:9

Samuel lì wan njiì wo wù‑uù dzəə́ nyóŋ vín, e tòn e dzə̀m, e cù Nyùy Tàr shó ji cu ye tonèné. Wù wáa toŋ, a kàn Nyùy Tàr bìʼ wír veé Isray, Nyùy Tàr yú tóŋ rə́.

Jeremia 52:3

Vinyo vee shooy vi màysì, e ŋàʼár dòʼshwiiy Nyùy Tàr, wù nèn lò, e jùm wír veé Jerusalem wùn à veé Judàa adzə̀m fo wun si, e màʼày e kwaʼ nsàm. Tsədekiya nèn wìy lò, a tav kitú wùn Fòn Nebukadnessar woó Babilon.

Jeremia 23:39

bo m kù yíi tuʼ ven fo mǒ si, e rə̀ŋ kwaʼda, e yiì sa bèy e ŋkàlaʼ ye mò‑oò foon e vèn aàtàr véné.

Jeremia 18:20

Á yii laáme kinyo ke juŋ ki, a dzə̀ e ke bi kí à? Yii bèy, áwune lò ne, e tùŋ a dzə̀ bií ji m gbu shó. Ku kuùmé mo mò‑oò rə́si tíy e wò si, búʼ wó ji à shám áwune, e làa yòʼ shwiíy kilòŋ, e màʼ ŋgeʼ aáwune.

Jeremia 15:19

Á bèy, Nyùy Tàr nen bìnèr jii, «Aà lòo dzə, e kùvsín, bo m yíi lì wò, áà wáa lìm fo mò. Aà lòo dzə, a suúy a dzə̀ vinyo ve ví kér mvə́m, e yàr kiyúŋsì, bo à yií a dzə ŋgaà ntum wom, é wír vìne nèn kfə̀n é bàm, e yèn wò, é la yòʼ dù wò, e yèn áwune.

Ŋgàn 14:35

Nshìylav lóo lìm lim rə́ kijuŋ, fòn wàa kòŋ wun. Nshìylav lóo shoór lim yeé ntoʼ, fòn màʼ ŋgeʼ sho.

Hibru 9:24

A bó Kristu yòʼ‑oò dù, a yiì və́ə woo ntàŋrí é kirə̀ʼ ke naŋsin wír ji ké Nyùy ke kù dzəə̀n vimfìʼìr ve kirə̀ʼ ké Nyùy ke ru kí. Wù yii və́ə a dzə̀ é yuv, fo wù dzə́ lèn e Nyùy si, lón fo vèsən.

Jeremia 35:19

bo ke mo woo Nyùy Tàr woo Taà Mànjòŋ, mo woo Nyùy wìr veé Isray suuy ki dzə̀ jii, Jehonadav woo wan Rekav yòʼ wíy buú wír fo wun ram wo wù wáa tiím e mǒ si, a cù mo.»

Atǎr Nsaʼ 5:9

Shilív shém shí kù‑uù tíy e vilìmbìy veé Isray ví wùn, áwune ve vé‑eè foon vitú vév, a tom rə́r. Á wáa burí Nyùy Tàr.

Kèʼlo 19:27

Abraham bvəə́shí, e lò e yuv kijàvndzə, e nèn dù e kirə̀ʼ fo Nyùy Tàr‑iì suŋnin e wun.

Sekariya 3:3

Joshua‑aà tíy e nshìylav Nyùy si, a wù máʼ ndzə̀y, a sí dzə̀ lóm lóm.

Remrí 9:26

M nèn bùnrì, e tòŋ e Nyùy Tàr jii, ‹Éè Nyùy Tàr woo Taà Ndzə, lá à yòʼ laàr wír ve dzəə̀n ji vé feyì, wír, a wò‑oò tìn fó vikwàn e vitaáví vé ve wiy ví. Dzə̀ wír ve wò‑oò fəərin fó wòŋ Ejiv e kóy wó wo tavíné.

1 Samuel 12:19

Á nèn a suúy e Samuel jii, «Bùnrì Nyùy Tàr woo Nyùy wò fo aŋgàa lìm vée, fo á kpúkír. Vèr kfə̀n yiì ne kinyo ke bi kí mó a tàʼ fon, e tatí vímóʼ ví ve vèr‑iì sí yii.»

Jeremia 9:19

Kiléŋléŋ ké toŋ ki wiy fo Sion jii, «Vèr sàʼkìr ne. Vèr sì é nshoórmé ŋkuuŋkùŋ. Vèr kù‑úù fəə́ fo věr nsay, mo á sàʼtìn ne lav sér, sí gbúkír.»

Jeremia 10:18

Nyùy Tàr suuy jii, «E kee lèn ki, m sí lo, e kuúr wir dzə̀m wo wù dzə́ e wòŋàn. M yíi màʼ ŋgeʼ ye tavín aáwuné kitu, aá yú mo á koó.»

Jeremia 16:5

Nyùy Tàr kfən sùúy jii, «Lá à yòʼ a nəə́ e ŋgày kpu, lá à yòʼ a dù kpú ye diyìné, kìn ji à du kinsham. M fə̀ə́r ne kiwó kém fo wír vìné kinyò. Suuy mo woo Nyùy Tàr. M yòʼ dzəə́ wìy a fo nyaáŋ e wír vìne, a bó m yòʼ dzəə́ wìy a dìn koŋ yém aáwune, e bóo fə̀m a sham.

Jeremia 16:13

Bìʼ bey, m wíy meér ven fó nsay fèn, é vèn du é wòŋ wo bó wìr fo vèn aàtàr véné yòʼ‑oò yiì ne kìíy, é vèn du, a lìm fo anyùy vee fóo, a lìm e shùy, a lìm vitsə́ʼə́, é la m yòʼ a sham ven.»

Jeremia 22:28

Dzə̀ ji Jehoyiacin kì sì ji kimbvə́ʼ ke kìŋ ke á wáa tèr fo fo à? Wù sì ji kifá ke bó wìr yòʼ dzəə́ kér shií shó à? Kòóy ka, é bo á li wùn à kfə́ə rəə́, e dù sho e kwaʼ nsàm, e kitum ke bó áwune yòʼ kiìn?

Esiker 22:30

M nə̀ə́ ne e wír vémé mvəm ji sà dzə̀ m yèn wír wo dzə̀ wù tìím fo káy wìr vémé gbuùn, e siìr suuyrú fó, é la m yòʼ dzəə laàr áwune á. M leéy bey, e làa yòʼ yen wír.

Jeremia 14:12

Aáwune fə̀m lò, a lèm jíŋ, bo m yòʼ yíi yu tóŋ yév. Aá fə̀m yiì a dzə̀ cu ye tonèné, kìn yé vifa ve yi, bo m yòʼ yíi səəsí. M kù yíi laàr áwune a dzə̀ e rə́r sí, e laàr e jiŋ, e laàr e kifə̀ʼ ki.»

Hosea 9:15

Nyùy Tàr suuy jii: «Liì wov wo bi və̀n kù‑uù kèʼ a dzə̀ é Gilgal. Á fo vibàn vé vèr áwune ví‑iì kèʼèn, a m yíi fəə́r áwune fo mǒ nsay, bìʼ liì kisaŋ wo á yii. Kikoŋnìn ke vèr áwune kí kù‑úù seéy, bìʼ kóy wo vilìmbìy vév ví tsə́y vèr áwune.