Jeremia 14:3 - ŊWÀʼ NYÙY

³ Aŋgàa kav véví tùm ne vé lìm vév ji á tú mendzə́v, á dú fo visə̀m ví dzəə̀n, e dù, làa yoʼ yen mendzə́v, a kfən e vitém vi viyúmér, kfə́n, woóme, méŋ fo á dzəə̀n, nèn litì sí yév.

Jeremia 14:3 Referans Kwoze

2 Samuel 15:30

Fòn Davir wáa lò kfə́, a koʼ e Gwan Vicì vé Oliv. A wù kóʼ e tóŋe shuù, e wuú nsay, a wù sə́tí ne kitú kfə́. Wìr dzə̀m wo wùn áwune‑eè dzəə̀n wáa koʼ sa e tóŋé shuù, e kitú ki kisə́tín.

Nsùyrì Nyùy 40:14

Ku màʼ wír ve á taʼ yuyrí moó, aá tátí, a woomé, a tùʼtìn. Ku màʼ wír ve á taʼ lemér moó, maʼà, aá woómé, a leʼkír.

2 Afòn 18:31

«Lá vèn yòʼ a yuurí kinyo ke Hesekiya. Fòn woó Assiriya suuy jii, vèn fəə́ á fo ŋkàlaʼ, e gbù a wun, é wìr mòʼón mòʼón nèn a dzə ji nyaáŋ e wun laʼ, a kfər báŋ se sí loòn fo wun kitiír ké *vayin, a kfər sa *fig wo wù kù lo a dzə̀ fo ŋgaàŋ kici, e kfə̀n a no mendzə́v, a kù dzə̀ fo wun ndzəv ye tuŋéné.

Amos 4:8

Kilòŋ ke yumén kí gháʼ, wíri wáa ŋaʼáy fo virə̀ʼ jeéy jeéy, a dù e ŋkàlaʼ fo vé‑eè yoy kinyo ke mendzə̀v, tiirì. Du bèy, e làa yòʼ koóy mendzə́v mée no, e yu. Yii bèy, la vèn yòʼ kfə̀n é bàm e mǒ wùn. Suuy mo woo Nyùy Tàr.

Jeremia 2:13

Wír vémé jày ne vinyo e mò vibaà. Áwune bìn ne ndzə̀m e mò, mo woo ntòŋ ndzə̀v ye yì fó dzəʼə̀m. Áwune fèr ne a dzə̀ vév vee visə̀m, e lì ndzə́v, e wày shó, visə̀m, a ví káʼkír ne.»

Joel 1:20

Nyám se kwaʼ si kù tóŋ sa, kan a dzə̀ wò, bìʼ fo ndzə́v sí yumkin ne, və́yí kfən tòn kwáʼ.

Jeremia 20:11

Yii bèy, Nyùy Tàr dzə̀ vèr wun moo kintav ke wìr rə̀r, a wír ve á dzə wuú yémé yíi gbùkìr, e làa yòʼ màʼ mo. Dzə̀rkìtu wíy koo áwune, aá wáa woomé, bìʼ fo á mùmèn ntéŋ fó màʼ mo. A bó á yòʼ wíy làysìn nshoórsí wov é ghan símóʼ sí.

Jeremia 14:4

Wuú tèn ne fó a lo, nsay yúm, e kàʼkír, melív me vé sumé mè seém, woómé si súm áwune.

Nsùyrì Nyùy 109:29

Ku sùm aŋgaà vém vibàné e nsòvkìtu. Woómé sév sí ku ndzə̀m áwune mo wìr ndzə̀m ndzə̀y.

Ŋwàʼ Jov 6:20

Vifií vév ví bvəə́ri, bìʼ fo á kì kwaʼtì ji á waà yíi yen, á wíy é kirə̀ʼ ké ndzəv fen, kí túʼúr áwune.

Esta 6:12

Kee shooy ki shaà, Mordekay kfə́n é bàm e fòn ntoʼ. Yii bèy, Haman kfə́n e wun laʼ e kinyeŋ ki. Kfə́n bèy, diyì, e kitú kí nsay.

1 Afòn 17:7

Shintàm shi lòo dàr, wàn ndzə̀v və̀y yúm, bìʼ fo wuú yòʼ‑oò dzəə lò shèm é nsay.

2 Samuel 19:4

A fòn kù dzə́, a wù sə́tí sí e wóo, tóŋ kitávín, yoŋ jii, «Éè wan wòm Absalom, éè Absalom, wan wòm, wan wòm.»

Jeremia 2:37

Vèn wíy lò sa fo fo, e wóo kitu. Mo woo Nyùy Tàr mèŋ ne wír ve vèn tiirin vifií e wùn wó, a bó yòʼ dzə̀ áwune sə̀ ven gheéy.»

Jeremia 3:3

Kí nen yiì, ŋweʼe tén gbu, e yiì, wuú tén sə́ʼə́y, a bó vishí vé vi yòʼ din ji kinyo ki kooyì. Ví kù dzə̀ ji vé sàkì, là woómé.

Jeremia 15:18

Dzə̀ ka ke nyár yémé yòʼ yarì? Kileémé kém kí kù yár yarín, tén fó bonén ji ka? À yíi a dzə fo mò moo dàn wo wù lo, wù yùm e lùm à?»

Yòvdìy 4:4

Kilòŋ ké won kí yùm ne, e yùm ben, toór kilòŋé káʼkír. Wóné fəə́ viloòné vé vifa ve yi, a ŋgaà wóo fo yòʼ dzə̀.

Hosea 2:3

Roomè, wù tén fóo neèr liì woo shooy, bo m lo, e kweèy ndzə̀y fó wùn wó, e kweèy bèn, é wù wáa dzə mo vé‑eè dzəən wun. M yíi yiì, é wù kpú kilòŋ ke yumén kí, e yiì, é wù yúm, e kàʼkír moo kirə́ʼ ké woʼ, e yum bèn moo nsay ŋgaŋ.

Sekariya 14:17

A kitúm kee shó ki wìy lòo dzə, e tèn fóo wìy e Jerusalem, e cù Nyùy Tàr woo Taà Mànjòŋ, wun woo Fon, bo wuú yòʼ wíy siíy, e shem aáwuné nsay.

Amos 4:7

«Kfə̀n‑eè yiì mo, é bo wuú táv é yuv, yí táv, a dzəə́ bér ŋwee e taár, é bo á keʼ, a kav vifá. Mò‑oò yiì, wuú wáa lo e ŋkàlaʼ yìmòʼ, e tìír tiirín, fo yí wáa lo e yìmòʼ. Wuú‑uù ló e virə̀ʼ vímóʼ ví, a vímóʼ ví yúm yumén.