Jeremia 13:11 - ŊWÀʼ NYÙY

¹¹ A dzə̀ bìʼ fo mò‑oò liìn wír woó Isray wùn à woó Juda e dzə̀m e mǒ wùn ji á ghár mo, mo bàtàrí lo, wù ghàr mentìntìn me wìr. Suuy mo woo Nyùy Tàr. Mò‑oò li áwune bey ji á wáa dzə wír vém, é leŋ wómé fíʼ a dù, aá wáa sùyrì mo, e kfə̀n a koʼór yír yém. Yii bèy, la áwune yòʼ yuùrí kinyo kém.»

Jeremia 13:11 Referans Kwoze

Jeremia 33:9

Ŋkàlaʼ rə̀n wíy a fo mo vijuŋ wùn à kishéʼrì ki, à ghvə́me, é wáa dzə kiŋkoʼòrwùn kém e vitúm ví si. Vitúm vidzə̀m veé kitu ke nsay vi wíy lòo yu vinyo ve juŋ ve m yii e wír vémé, à mo m səəvì ŋkàlaʼ rə̀n, aá wáa fàn, a yàʼ.»

Aysaya 43:21

Dzə̀ wír ve mò‑oò bomen ji vém féyì, e lèm ji á wáa fìʼtì vinyo ve m yii, aá suyri mo fó fo.»

Nsùyrì Nyùy 81:11

«Yii bèy, áwune vee wír vémé‑eè tèn fóo yunín mo, la vèr áwune yòʼ kfə̀n a ker kinyo ké a taŋ.

1 Pita 2:9

Yii bèy, fo kén kí, vèn dzə̀ kén rám, a shòʼ Nyùy ven. A vèn dzə̀ atàá cù, lim a dzə̀ fo wun woo Fon. Wù‑uù nàŋsín ven ji kitúm kee jeéy kí, vèn wáa dzə və́ vee wír ji vèn wáa fìʼtì vijuŋ ve vinyò ve wù rə́si yii e vèn, ven ve wù‑uù fəərin fó ndzə vitsə̀ʼ, e wày e wùn mvə̀m ran ye ghaʼáné.

Jeremia 32:20

Wò‑oò yiì ne dìn visəəm ve ghaʼtín ví, e yiì viŋgaʼnìn ve vinyò e wòŋ Ejiv, aà kù dzəə́ yii bèy lán e Isray, yii sa e wìr msòŋ e dzə̀m mvəm, yír yée nén a dzə e kiíyín kirə́ʼ kidzə̀m.

Jeremia 13:10

Wír liì kisaŋ vìn, á tèn ne fó a yu kinyo kém, a tav a dzə̀ kitú, a yiì kinyo a dzə̀ ke melív mev mè tíy sho, jumrì anyùy vitum, ghvə́mé, kfə̀n cu. Áwune kù wíy lày sa kisáŋ moo bàtàrí və̀n.

Jeremia 7:26

a vèn yòʼ yú kinyo kém, a vèn yòʼ fə̀m gwarìrì, kù táv a dzə̀ kitú. Kén kí ku nèn fòy, e shaà ké atàr vén sháan.»

Jeremia 6:17

Wù nèn lèm anshìy, á wáa leéy áwune, e yòŋ jii, «Aá tòŋ sóŋ, vèn yuùrí.» Yii bèy, áwune bìnèr jii, «Vèr yòʼ yíi a yuurí.»

Aysaya 62:12

Á bèy, á kù wíy a yòŋ áwune jii, «Wír wun woo Nyùy Tàr, Naaŋkàntì wìr ve Nyùy Tàr tinen.» Á wíy a yòŋ Jerusalem ji «Ŋkàlaʼ ye Nyùy kér shií shó», a yòŋ jii, «Ŋkàlaʼ ye Nyùy yòʼ yii laysìnè.»

Nsùyrì Nyùy 147:20

Bó wù yóʼ ne yiì e kitúm kímóʼ kí bey. Bó vitúm vi yòʼ kì kinyo ke wù yii tínenè. Á wáa burí Nyùy Tàr.

Nsùyrì Nyùy 135:4

Nyùy Tàr shòʼ ne rám Jakov ji wír və́, wír veé Israyi wáa dzə ji wír və́ vee jeéyí.

Remrí 26:18

Lán və̀n, a Nyùy Tàr yòŋ ne kùm ven ji vèn dzə̀ á wír və́ ntayi mo wù‑uù kàʼàn ven, e yòŋ ji vèn wíy a lèm a nsər sə́ sidzə̀m.

Remrí 4:7

Bó kitúm kímóʼ kí yòʼ dzə̀ shó, a kí fə̀m kùʼ e le, ke kí kér nyùy woo moo Nyùy Tàr woo Nyùy wòsən, wo à lóo toŋ kinyo, a wù yú ne.

Ŋwàʼ Luk 10:11

‹Kibvər ke vèr liìn fo věn ntèʼ fen ki kìne mo vèr sí kfətì fo věr wuù. Kí ku kfə̀n e věn vitu. Yii bèy, vèn ku yòʼ a kiíy ji ghán se Nyùy sí wìy a saʼ vifon və́ sí sì á fo mentsə̀m.›

Jeremia 7:13

Mo woo Nyùy Tàr, m nén a kàʼ ven jii, mo vèn yiìn ne vin vee vinyo, m súŋnín e vèn akàŋ akàŋ, la vèn yòʼ yuùrí, m jáŋ ven, la vèn yòʼ biìmé,

Jeremia 7:23

Mò‑oò yòŋ aáwune a dzə̀ jii, ‹Vèn wáa yunín mo, é m nèn a dzə Nyùy won, é vèn wáa dzə wír vém.› M kfən yòŋ jii, ‹Vèn wáa ghan a dzə̀ e mǒ mbòv, é vinyo vén ví nèn a dù kijuŋ.›

Jeremia 7:24

Yii bèy, la áwune yòʼ yù, aáwune yòʼ fə̀m‑eè ló a gwàrìr. Á lò, e nèn a jùmrì kinyo a dzə̀ ke vifií vév ví tíy sho, à ke melív mev mè koŋ ki, e nèn lò, a kfən kfənén é bàm, e làa yòʼ a dù duùn fó mbìy.

Jeremia 13:1

Nyùy Tàr lò yòŋ e mò jii, «Dù, e yùn bàtàrí wo á tarin e ndzə̀y see làv woo fèm si, e kùr e wò mentay. Kú a yen fo mendzə́v mè kum.»

Jeremia 13:12

Nyùy Tàr woo Nyùy woó Isray nèn sùúy ji m yoŋ aáwune ji á kù kér fó way a meluʼ vitém vidzə̀m. A m lòo dzə, e yòŋ, áwune biner jii, dzə̀ ji bó vèr yòʼ kì kì ji dzə̀ á wày meluʼ e vitem à,

Amos 3:1

Wír veé Isray, vèn yuúrí kinyo ke Nyùy Tàr roomè ven shó ki. Wù roomè ven wír adzə̀m ve wù‑uù fəərin fó wòŋ woo Ejiv, suuy jii:

Remrí 26:19

A kí kfə̀n dzə̀ jii, wù wíy koʼór ven, e bùʼ, e shaà vitúm ve wù‑uù bomen vidzə̀m, aá wáa burí ven, a ghvəm ven, é leŋ wóné wáa dù. Vèn wíy a dzə kén wír vee jeéyí ji vé Nyùy Tàr woo Nyùy won, mo wù‑uù kàʼàn.»

Jeremia 19:15

Nyùy Tàr woo Taà Mànjòŋ, wun woo Nyùy wìr veé Isray suuy jii, «Vèn leéy, e yèn, m sí lo, e màʼ ŋgeʼ ye tavín é ŋkàlaʼ fèn, e màʼ e ntèʼ see fó ghaŋ réŋréŋ mo mò‑oò sí suuyì, a kù dzə̀ bìʼ fo vèn tavin kitú, e tèn fó a yu kinyo ke m suuyì.»