Jeremia 13:10 - ŊWÀʼ NYÙY

¹⁰ Wír liì kisaŋ vìn, á tèn ne fó a yu kinyo kém, a tav a dzə̀ kitú, a yiì kinyo a dzə̀ ke melív mev mè tíy sho, jumrì anyùy vitum, ghvə́mé, kfə̀n cu. Áwune kù wíy lày sa kisáŋ moo bàtàrí və̀n.

Jeremia 13:10 Referans Kwoze

Jeremia 16:12

Kén kí nen kfə̀n fòy fòyìn, e shaà ké atàr vén. Vèn leéy, e yèn mo á ŋwayin ne mo wir dzə̀m, wìr wáa yiì a dzə̀ kinyo ke kisaŋ ki ke shilív sə́ shí koŋè.

Jeremia 9:14

Á bèy, áwune nén a jùmrì a dzə̀ liì kisaŋ wo melív mev mè tíy sho. Á sí léʼnin a dzə̀ e mebvə̀m me *Baal mè bàm, mo atàr véví‑iì dànèn áwune.

Kintaŋ 14:11

Nyùy Tàr nèn yòŋ e Mooser jii, «Wír vìne wíy ŋway mo ben, e dù, e meé e le? Áwune wíy ten fó a way shilív e mǒ wùn, e dù, e meé e le? Aá tén bèy, a m yií ne viŋgaʼnìn ve vinyò aáwuné mvəm nyanyày.

Lim Aŋgàa Ntum 7:51

Tefan fèr bèy, e sùúy jii, «Vèn tàv kitú e ŋàŋ, a melív men wùn à vituʼùr vén ví dzə̀ vé wìr ve bó á yòʼ kiìn Nyùy. Vèn kfə̀n tén fó a yu Kiyoy ke Ranén kí, yii kinyo, a kù dzə̀ ke atàr véné‑eè yii.

Jeremia 13:7

M nèn dù, e tùŋ fo mò‑oò lìtìn bàtàrí, e fə̀ə́r, e yèn, a wù bír ne, a bó lùŋfófo yòʼ dzə̀ə́ sho.

Jeremia 3:17

Wíy lòo dzə e ghan see shooy, aá nèn a yòŋ Jerusalem ji kàvàʼ Nyùy Tàr, é vitúm vidzə̀m vi wáa baʼtí fo, a cù mo woo Nyùy Tàr. Áwune yòʼ dzəə́ wìy a yiì vinyo ve kisaŋ ve melív mev mè koŋè.

Hibru 12:25

Vèn wáa yen rì fó ŋway kinyo ke Nyùy wo wù súŋnin e vèn ŋwáyín. Vèn kì sá ji wù‑uù lo màʼ ŋgeʼ e wír ve vé‑eè ŋwáy kinyo ke ŋgaà wo wù‑uù lèmèn é nsay fèn ji wù wáa tir wíri. Mo kí dzəə̀n ben, bo bó wìr wo wù ŋwáy kfə́ a dzə̀ kinyo ke wun woo Nyùy súŋnin fo yuv yòʼ wíy bòy fo ŋgeʼ gheéy.

Jeremia 16:4

áwune wíy a jòy ayàsí ve bií, a kpukír. Bó wìr wó a dìy áwune yòʼ wíy a dzə, kìn wo wù dzəəme. Dzə́n sév sí wíy a neŋnín e virə̀ʼ moo jáŋ. Áwune wíy kpu rə́r, e kpu jíŋ, é menə́n wùn à nyám si kfə́r dzə́n sév.»

Jeremia 11:18

Nyùy Tàr‑iì yiì, m kiíy menàŋ me wíri‑iì loòn, a kar e mǒ bàm. Wù‑uù yiì m kiíy kinyo ke vé‑eè táŋ kùm mo,

Jeremia 8:5

Yií ka lèn, é bo wír veé Jerusalem vìne bin ndzə̀m e mò bínen ŋkuuŋkùŋ. Áwune kù ghvə́m a dzə̀ mebvə̀m, a dzə̀ kifá kisáŋ, e tèn fó kfən e bàm, e yen mo.

Jeremia 5:23

Yii bèy, wír vìne dzə̀ antavkìtu, aá tén sáʼ yém. Áwune bàr ne dzə́ə, e nyèŋ mo.

Aysaya 3:24

Kimaysì kév kí wíy a dzə̀ jii, kirəm ke bìʼ ye rəʼtìn kí yòʼ dzəə́ wìy a koʼ fo áwuné wùn. Kù sí wìy a koʼ kishaŋ moo ké kimfòy ke kifa. Áwune yòʼ dzəə́ wìy a ker vikuúví vé a kur ndzə̀y shó. Á kù sí wìy a kur a dzə̀ áàkfə̀ə́. Vitú ve vé‑eè rə́si náŋsin vi lo, e feesí vidzə̀m. Ndzə̀y se juŋ se vé‑eè rə́si maʼà, á sí lò, a màʼ a dzə̀ vinsàʼ. Kee vijuŋ ve wùn ve áwune‑eè rə́si kérí, lèn, wú sí lo, e ŋòv e dzə̀m, aáwune wáa woomé.

Ŋgaà Tàrvìnyò 11:9

Wánlè nsùm, yuúrí. Á yu vijuŋ vé vi lèn wo à dzəə́ yii vinsùm. Mo à yii vinsùm, kú a sàvnìn kishiíy kidzə̀m. Á yiì kinyo ke à kwàʼtìn kí, a yiì ke shilív shé shi báŋri ki. Yii bèy, kú a kiíy ji Nyùy kù wíy tiír wò e kibàʼ ke nsaʼ fo vinyò vidzə̀m ve à yiìn.

Nsùyrì Nyùy 78:8

é la á yòʼ dzəə wìy a dzə moo atàr vév. Vé‑eè táv kitú, tsə́y kóy wùn à Nyùy, ŋgwàʼ ye bó yì yòʼ‑oò wáy shilív e Nyùy wùn ŋkuuŋkùŋ, a bó yì yòʼ tíy e Nyùy wùn shilív shimòʼón.

Jeremia 7:6

e làa yòʼ a nə̀ʼsì viŋgwìy wùn à wón tsə̀ə́, à vikǐy ŋkfəə, e làa yòʼ a yuyrí alànjò é wòŋàn, e làa yòʼ a jùmrì sa anyùy, e lor vitú vén,

Jeremia 9:6

Á kù sí waʼrì, yúy wíri e séʼ wo á sə́, kuvrì a dzə̀ kiŋkùvrì. Áwune tèn ne fóo binsí mo ji Nyùy.» Suuy Nyùy Tàr.

Jeremia 11:10

Áwune kfə̀n ne, a yiì vinyo ve kisaŋ vi ve atàr véví‑iì yii. Atàr véví‑iì tèn fó a yu kinyo kém. Áwune‑eè lò, a leʼnín a dzə̀ áànyùy kisaŋé bàm, a cù. Wír veé mbìv Isray wùn à veé mbìv Judàa tàtí ne adzə̀m, e bìvír mensaŋ me mò‑oò gwàrìn vèr aàtàr véví.

Jeremia 20:4

A Nyùy Tàr shu bèy, suuy jii, ‹M wíy yiì kinyo e wò, a dzə̀ ke wúné wáa beemé wò, e kfə̀n yiì bèy e ŋkar sé si. À wíy yen mo aŋgaà vév vibàné wíy laàr áwune e nyùy rə̀r. M wíy way wír veé Juda adzə̀m e fòn woó Babilon kiwo, é wù li áwune, e dù sho e Babilon, kìn wù yúyri yùyrín.

Jeremia 22:21

Mò‑oò tìr ven, a vèn dzə̀ə́ akiŋsìn, vèn bìnèr jii, ‹Vèr yòʼ yuúri.› Kù dzə̀ mo vèn‑eè yii, e kèʼ fo meterí. Bó vèn yòʼ‑oò yúnin mo.

Jeremia 23:17

Áwune kù suuy e wír ve á ŋwayin jí Nyùy ŋwáyíné ji Nyùy Tàr suuy a jii, ‹Vèn yíi a dzə kijuŋ.› Suuy sa e ve á tavin kitú, a yiì a dzə̀ mo melív mev mè koŋèe jii, ‹Bó kinyo ki yòʼ yíi sə̀ʼ ven.›

Jeremia 35:15

M tsə̀nsí vé lìm vém vee aŋgàa ntum fo věn wùn akàŋ akàŋ, á wíy, a fìʼtì e vèn ji wìr mòʼón mòʼón fo vèn maʼti á yii rə́ kisaŋe, e kùvsín, a yiì a réŋ, e làa yòʼ a jùmrì a anyùy kisaŋe, a lìm fo fo, é vèn ku nèn wìy a dzə a e nsay ye mò‑oò foon e vèn aàtàr véné. Yii bèy, la vèn yòʼ a gwàrìr kinyo kém, e làa yòʼ yuurí.

Jeremia 44:5

Yii bèy, la wír vémé yòʼ yuùrí, aá yòʼ fə̀m gwarìr ji bo áwune kì kùvsín á yii yév kisaŋe, e yàr fó a tòn kiláy, a cù anyùy sho.

Jeremia 44:16

«Mo à fə̀m fiʼtì kinyo kìn e vèr ji tùm Nyùy Tàr wò bèn, bó yòʼ dzə̀ vèr yuùrí.

Jeremia 7:13

Mo woo Nyùy Tàr, m nén a kàʼ ven jii, mo vèn yiìn ne vin vee vinyo, m súŋnín e vèn akàŋ akàŋ, la vèn yòʼ yuùrí, m jáŋ ven, la vèn yòʼ biìmé,

Jeremia 9:13

Nyùy Tàr bìnèr jii, «Dzə̀ bìʼ fo áwune meŋen yéʼéy ye mò‑oò foon aáwune é Ŋwàʼ Nsər, e tèn fó a yu jí yem, a ghan e mǒ mbòv.