Jeremia 12:7 - ŊWÀʼ NYÙY

⁷ Nyùy Tàr suuy jii: «M bìn ne ndzə̀m e Isray. M shwèy ne wír ve mò‑oò shoʼon ji vém, e wày wír ve mò‑oò liìn ji shilív shém áàŋgaà vév vibàné wo.

Jeremia 12:7 Referans Kwoze

Aysaya 2:6

Rúrú, Nyùy Tàr, à màʼày ne wír vé. À màʼày ne wír vé vee rám Jakov, bìʼ fo á bìʼnìn ne liì vitum veé mbìv yee fo shùy yii tó. Áwune sì moo vé fù veé Filistia, suúsin a dzə̀ wùn à vitúm vi, jumrì liì wov.

Jeremia 11:15

Ábáy, wír ve mò‑oò liìn ji shilív shémé wiy lèn, e yiì ka e mǒ lav, aá jáy ne e ŋàŋ, e yii yév kisaŋe. Áwune kwaʼtì ji dzə̀ m tsə̀ʼ ŋgeʼlàʼ bìʼ cu ye áwune cu mo e nyám si a? A dzə̀ á wàa sheʼrí kév a dzə̀ ka?»

Hosea 9:15

Nyùy Tàr suuy jii: «Liì wov wo bi və̀n kù‑uù kèʼ a dzə̀ é Gilgal. Á fo vibàn vé vèr áwune ví‑iì kèʼèn, a m yíi fəə́r áwune fo mǒ nsay, bìʼ liì kisaŋ wo á yii. Kikoŋnìn ke vèr áwune kí kù‑úù seéy, bìʼ kóy wo vilìmbìy vév ví tsə́y vèr áwune.

Ŋwàʼ Luk 21:24

Á wíy gwàtì ámóʼó gwátin, e tayrí ámóʼó ji akwàn, a jàvtì vitúm vidzə̀m. Á mo vitúm ve bó ví yòʼ kiìn Nyùy vi wíy tòn Jerusalem, a koʼrí e kitu wo, e dù, e meé mo ghán sév sí wíy mày.

Joel 3:2

Siirì, é m báʼtí vitúm vee aŋgàa vibǎn wìr vém é Kiwoóy ké Jehoshafat. Dzə̀ fó, fo m wíy way áwune é kibàʼ ke nsaʼ, e saʼ áwune bìʼ kinyo ke á yiìn e wír vém veé Israyi, kitúm, ke mò‑oò shavin ji wír vém vee jeéyí. Áwune jùm ne wír veé Isray, á táʼrí, e dùkìr e vitum ve sən ví, e jàv nsay yev ye dzəə̀n yéem féyì feyì.

Joel 2:15

Vèn tóŋ sóŋé é Sion. Vèn fó sáʼa ji á wáa lèm jíŋ, a lon Nyùy. Vèn jaŋri wíri, aá báʼtí e Nyùy Tǎr si.

Esiker 24:21

m suúy á e vèn vee wír veé Israyi jii, ke wun woo Nyùy Tàr woo Taà Ndzə yoŋ ki dzə̀ á jii, ‹Wun yíi yiì, é lav cù rə ye vèn shéʼri, túy shwín shó rə̀y kfə́n ji kifá ke *kifàn kí, yìwun ye vèn leey moo síbaŋ, a melív men mè tíy sho ghán sidzə̀m. Jòkìnyàʼ, ké won vén vee vilum wùn à vee vikìy ve vèn màʼtìn é bàm, á wíy kpu yé rər.

Jeremia 51:5

Mo woo Nyùy Tàr woo Taà Mànjòŋ, mo wo m dzəə̀n Nyùy Isray wùn Juda, m yoʼ màʼày áwune, fə̀m mo áwune bùʼtìn ne vinyo woŋ wóv e dzə̀m, e jày e mò, mo wo m dzəə̀n Ŋgaà wo Ranén woó Isray.»

Jeremia 7:29

Vèn kóm vitú vén ví, e màʼày nə́ŋ si. Vèn wáa yòv lúŋ kpuu, a dìy e vitu ve agwan. Nyùy Tàr mèŋ ne ven, e màʼày ŋgwàʼ ye yì koʼorin dòʼshwíiy və rə̀n.› »

Jeremia 7:14

bo kinyo ke mò‑oò yiìn é Shilo ki dzə̀ ke m yíi yiì e lav yee fo á cu mo rə̀n, a dzə̀ fo shilív shén shí tíyí, e kù yiì réŋréŋ bey e nsay ye mò‑oò foon e vèn aàtàr véné rə̀n.

Jeremia 14:19

Nyùy Tàr, à mèŋ ne rú Juda ŋkuuŋkùŋ à? À sí ban rú wír veé Sion à? À lèmér ver é ŋàáŋàŋ, ye lá vèr yòʼ bònén bèn ji ka? Vèr‑iì shiy nyaáŋ, la vijuŋ vi yòʼ a dzə. Shiy luŋ, lo fəə̀ fan ye ghaʼáné.

Jeremia 17:4

Vèn wíy màʼtì vitsə́ʼ ve mò‑oò foon e vèn, e dù, a rèŋ a dzə̀ vikwàn aàŋgaà vén vibàné sar e wòŋ wo vèn yòʼ kiìn. A dzə̀ bìʼ fo vèn ŋaʼarin dòʼshwíiy wom, wù kóʼ, a baarí moo və́y, e làa yòʼ a ndzəmén.»

Jeremia 23:33

Nyùy Tàr nèn sùúy e mò jii, «A wìr fo wír vìne, kìn dzə̀ ŋgaà ntum, kìn taà cù, lò, a dzər e wò ji ntum ye Nyùy Tàr rəʼəyin wò sho sà dzə̀ ji ka á, à bìnèr aáwune jii, ‹Kù dzə̀ ven vin, ve á siìn ji kifá ke kí rə́ʼəy Nyùy Tàr, a wù lo, e shwèy ven.› Suuy mo woo Nyùy Tàr.

Jeremia 23:39

bo m kù yíi tuʼ ven fo mǒ si, e rə̀ŋ kwaʼda, e yiì sa bèy e ŋkàlaʼ ye mò‑oò foon e vèn aàtàr véné.

Hosea 11:1

Nyùy Tàr gháy wún, suuy jii, «Yì‑iì dzə̀ é ghan se Isray‑iì dzəə̀n moo wán wo bór, mò‑oò kòŋ wun feyì ji wán wom, e lò, e fə̀ə́r fo wòŋ Ejiv.

Remrí 33:12

Ké rám Benjamin, wù yòŋ jii, «Á rám ye Nyùy Tàr kòŋèn é ŋàŋ. Yí néŋ e Nyùy Tǎr ghaŋ e kiŋsìn. Wun woo Nyùy Tàr géʼsin sho kishiíy ké ndzə kidzə̀m. Wù maʼ kiláʼáy kfə́ aáwuné nsàn, kóyti áwune.»

2 Afòn 21:14

M yíi màʼày áwune vee kibér ke wìr vém, e way aàŋgàa vibàn véví wo, aá ton áwune, e kùúy vifá vév.

Nsùyrì Nyùy 78:62

Wù‑uù dìn dòʼshwíiy və e wír vəə́, e màʼtì, á yúyrí áwune é shùu rər.

Nsùyrì Nyùy 106:40

Dòʼshwiiy Nyùy Tàr ŋáʼáy e wír vəə́ wùn, wù bán áwune vee vitsə́ʼ və́, á wáa koʼóy wun koʼoyín.

Jeremia 22:5

Yii bèy, a vèn dzə̀ là fó a yunín vinyo vìn, bo ntoʼ rə̀n wíy dù e vifə̀m. Sùúy mo woo Nyùy Tàr e shuu wómé, e kfə̀n lìʼ.› »