Jeremia 12:4 - ŊWÀʼ NYÙY

⁴ Nsay wíy yum, e dù, e meé e le? Jíyí wíy kpu, e dù, e meé e le? Nyám si wùn à menə́n mè kpùkír ne, e mày, a dzə̀ bìʼ liì kisaŋ wìr ve á dzə́ e nsay fèn, suuy jii, «Nyùy yòʼ yén vinyo ve vèr yii.»

Jeremia 12:4 Referans Kwoze

Jeremia 9:10

M nèn yòŋ jii, «M yíi a toŋ, a dìy bìʼ agwan, a yòv lúŋ kpu bìʼ vitsəə̀m vé nyàm veé woʼ. Fóo sì e ghá, a bó wìr yòʼ kfə̀n shaa fo, a bó á yòʼ kfə̀n yú tóŋ nyàm. Menə́n wùn à nyám si lèʼkír ne, e lày.»

Jeremia 4:25

M lóo leéy, e làa yòʼ kfə̀n yen wír, e yèn sá, a menə́n meé yuv medzə̀m mè féŋkír ne.

Nsùyrì Nyùy 107:34

nsay ye borín ghùy, a kù dzə̀ bìʼ liì kisaŋ wìr ve á dzə́ sho.

Ŋwàʼ woó Rom 8:22

Vèsən yén sa mo vifá ve Nyùy bomen vidzə̀m vi kù yén ŋgeʼ e meé lèn, dzəm moo wiíy wo wù lúm wán.

Hosea 4:3

Bìʼ bey, nsay yùm ne, a dzə e nsòv, a kifá kidzə̀m ke kí dzəə̀n shó ki wèʼ ne wéʼen. Nyám sidzə̀m wùn à menə́n mè, à sə́ si ló kpukír.»

Jeremia 23:10

Wír ve á maʼày Nyùyi rùn ne e wòŋàn, aŋgàa ntume dzə́ dzə́ kisaŋe, li kilíŋ kév ké lìm, yii a dzə̀ lím kisaŋe shó. Lǒn Nyùyi shòv ne fó, nsay nén a dìy, yí nyàme yúmkír é virə̀ʼ vé woʼ.

Jeremia 7:20

Á bèy, mo woo Nyùy Tàr woo Taà Ndzə nén a yòŋ jii, dòʼshwíiy wom yíi koʼ bìʼ kirə́ʼ kin, é m maʼ ŋgeʼ e wìr msǒŋ kitu, e màʼ e nyám si, e màʼ e vicí vee fó vi, e màʼ e vifá ve ví kúy e nsay foo fèy vi. Dòʼshwíiy wom wíy a shwi moo və́y wo bó yòʼ dzə̀ wú ndzə̀mén.»

Habakuk 3:17

A fə̀m dzə̀ ji bó kicí ké *fig ki yòʼ koomè, a baŋ yòʼ fə̀m kár e kitiír ké *vayin, a bó vicí vé *oliv vi yòʼ koomè, a bó nsay yòʼ fó vifá ve yi, a nyám si fə̀m kpù sidzə̀m, vibìn ví wáa dzə kisáŋ,

Jeremia 5:31

Aŋgàa ntume sí tiísi a dzə̀ ntum kimboʼtì, aàtàá cùu fó sáʼ a dzə̀ ye yí gheen áwune. Wír vémé nén a kòŋ a dzə̀ kee shoon. Bo kimaysì kév kí wíy a dzə ka?»

Jeremia 14:2

«Woŋ Judàa sí diyì, a ŋkà se laʼ sə́ sí yúm, mayì, a wír vee fóo sér e nsay e nsòvkìtu, a tóŋe kóʼ fo Jerusalem, taʼ ŋgaà dzər.

Jeremia 5:13

Aŋgàa ntum Nyùyi kù dzə̀ shwér, ntum ye á tiísi, yòʼ dzə̀ ntum Nyùy. Kinyo ke á tiísi ki ku bìnkìr, e gbù a dzə̀ aáwuné kitu.› »

Jeremia 4:28

Nsay kù yíi a dìy, é yúví wáa sən sənén. M sùúy ne bèn, a bó yòʼ dzə̀ kí kfə̀n kùvsín. M wày wáyín féyì, a bó yòʼ dzə̀ m kfə̀n lèéy bám.»

Nsùyrì Nyùy 50:21

Vèn‑eè yii vinyo vìn, a m dzə́ kisə́sə, a vèn kwaʼtì ji m dzə̀ á moo ven. Yii bèy lèn, m kantì ven. M kù neer vinyo vén e věn si lèn tèéter.

Jeremia 12:11

Áwune bìnèr ne nsay yem ji wóʼ. Yì sí néŋ e mǒ si ŋgeʼ ŋgeʼ. Fóo kfə̀n ne ji nsay kinjúm e dzə̀m, a bó wìr wo wù cí yòʼ dzə̀.

Joel 1:18

Nyám sesən sí sí ghán, ján, toóŋe toòŋén, bìʼ fo sí yòʼ dzəə́ kér yí, a ŋgoo se njiì si yén sa ŋgeʼ, bìʼ yí ye yí buŋen.

Amos 1:2

Amos wáa fìʼtì ntum rə, a suúy jii: «Nyùy Tàr wámkir e Sion, tsə́nsi kisúŋnìn fo Jerusalem, a kwáʼ nàʼa yúmé, a jíyí yúm, sə́ʼsi fo Gwan Karmel.»

Sekariya 1:12

Nshìylav Nyùy Tàr nèn a ghay ké wìr veé Juda jii, «Éè Nyùy Tàr, wò woo Taà Mànjòŋ, à wíy shwiíy kilòŋ vèn à wír veé Jerusaleme, e shwiíy vèn à ŋkà se laʼ seé Juda si, e dù meé e le? Mo siìn lèn ji kiyá msaàmbà, bo ví bèr visìʼín, é bo à kfən shàm áwune?»

Aysaya 24:4

Éè mǒ vèné, á kitú ke nsay, a kifá kidzə̀m ki yúm ne fo fo, e mày a? Kí sòóy ne, kitú ke nsay ki wáa dzə e nsòvkìtu. Bó nyèé yòʼ dzə̀ə́ e wír ve kuʼkìn veé kitu ke nsayi.

Aysaya 24:6

Bìʼ bey, kinyo ke tavín kí lo, e sùm kitú ke nsay. Wìr msòŋ woó kitu ke nsay sí lim ŋgeʼlàʼ njò yev. Á kifá ke kí yiìn, é bo wíri ndzə́mén, é bér ashàr.

Jeremia 9:9

A dzə̀ rú la m yòʼ màʼ ŋgeʼ aáwuné kitu, bìʼ vinyo vìn à? A dzə̀ la m yòʼ siìr ŋkfə́tír e kfə́ə kitum kee ben ki a?» Suuy Nyùy Tàr.