3 Éè Nyùy Tàr, à kì mo kijuŋ. À yén mo, aà kfə̀n kì kwaʼtì yém yee kùm wò. Tsəə́né áwune moo njiì wo á du, e see. Tsəə́ne, à lèm jeéy, e meé e kishiíy ké seerí.
Shoór aŋgaà vém vibàné, e làa yòʼ shoór mo və̀n. Yìi, aáwune wáa fàn, e kìŋsìn mo, fo m wáa fàn. Màʼ ŋgeʼ aáwuné kitu, e kfə̀n dzə̀sì, é yì laar áwune láarin.
Á ku yùy vé rər vév adzə̀m. Á ku lì áwune, e dù, e yùyrí moo wón nyàm ve á du, e see. Lòné koò ne wír veé Babilon, ghán sév sí ghèén ne. Sì ghán se a dzə̀ ŋgeʼ si kù nə̀ə́ áwune.
Wù kfən lò, e yòŋ fo akàŋ vee ataár jii, «Simon woo wan Joon, à koŋ mo á?» Pita yú, a wù dzə́r fó akàŋ vee ataár ji wù sà koŋ wun a, kitú ki lùm wun. Wù nèn yòŋ jii, «Tàr, kì wò vinyo vidzə̀m, aà kì ji m koŋ wò.» Jesus kfən sùúy sho jii, «À wàa leéy rì fo wír vémé mo wìr lèéy fo njiì.»
Éè Nyùy Tàr woo Taà Mànjòŋ, yii mumrì wò wír ve á yii réŋ. Wò, wo à kiìn mo melív mev wùn à vifií vév ví dzəə̀n, ku yiì, é m yén mo à siir ŋkfə́tír aáwuné kitu. M wày ne vinyo vém vidzə̀m a dzə̀ e wò kiwo.
Ku ndzəə̀r liì kisaŋ wìr ve á méŋ wò, e tòm wír ve á yúnin wòo, aá tuúy. M mbaa wò woo Nyùy wo à yii yii kinyo ké réŋ, sayrì vifií vé wìr, à shilív shí.
Nyùy wom, m kì ji à yii tar melív me wíri, yén she shí tíy tìítiy, à wàa yu vijuŋ. M fò vifá vìn e wò là kiloʼ, a m fò vèr à shilív she juŋ shi. M kfə̀n yèn sá mo wír vé ve á baʼtin fene fó vifá e wò e shilív she juŋ shi, shéʼri.
Áwune vee aŋgàa kimboʼtì vìne yii vinyo moo nyám se kwaʼ se dzə̀ á koòrí, e seè. Bó á yòʼ kwaʼtì kinyo, e bó a yiì gheéy. Áwune kù yii a dzə̀ kinyo ke kí gheenen áwune, nèn kuurì vifá, a bó á yòʼ kì mo ví dzəə̀n. Aá kù wíy laàr áwune láarin moo nyám si.
M nèn bìnèr jii, «Éè Nyùy Tàr, à kì féyì, ku kuùmé mo, kuúme, à wàa leéy mo. Siìr ŋkfə́tír áàŋgaà vém vibàné. Wò, wo à yòʼ yii táv shwiiy kilòŋ, lá à yòʼ laàr mo. Kuúmé ŋgeʼ se m yenen ne bìʼ kinyo ké si.
Bó yòʼ ghíʼ mo wò ji à tsə́nsí ŋgeʼ e wír vìne. M yòʼ‑oò ló a dìy ji ŋgeʼ si koóy áwune. Wówò, à kì kinyo ke kí fəən fo mǒ shuù, kí dzə̀ e wò si tèéter.