Jeremia 12:2 - ŊWÀʼ NYÙY

² Kí yii wò, é bo gháŋ yéví wáa tuúy, aáwune wáa kuy, a koóm. Áwune yòʼ shóʼ wò fo shuù, yii bèy, melív mev mè yòʼ tíy e wò wùn.

Jeremia 12:2 Referans Kwoze

Aysaya 29:13

Nyùy Tàr woo Tàr wor suuy jii, «Wír vìne wiy ji á cu mo, a kù dzə̀ fó shuù, áwune ghvə́m mo a dzə̀ e shúu. Yii bèy, a melív mev mè dzə̀ a dzə̀ fó səné. Áwune cu mo kisáŋ, bìʼ fo á jumrì nsər a dzə̀ se bomen wír, a yeʼéy.

Titur 1:16

Wír vee béyi suuy feyì ji áwune kì á Nyùy, a vinyo ve áwune yii vi din ji bó á yòʼ kì. Áwune táv a dzə̀ kitú fo Nyùy, liì wov kóʼóy é ŋàŋ, a bó yòʼ dzə̀ á yiì kinyo kee réŋ gheéy.

Matio 15:8

« ‹Wír vìne ghvə́m mo a dzə̀ fó shuù, a bó melív mev mè yòʼ tíy e mǒ wùn.

Jeremia 11:17

Nyùy Tàr woo Taà Mànjòŋ, wo wù‑uù tuuyin ven bàʼtí ne a dzə̀ ŋgeʼ, e taàmé ven shó, a dzə̀ bìʼ liì kisaŋ wo ven vee wír veé Isray wùn à veé Judàa yiìn. Vèn ton kiláy, cu Baal sho, ŋáʼar dòʼshwiiy Nyùy Tàr.

Esiker 33:31

Áwune lo, á wìy, e yèn wò mo wìr yii du fo wìr wùn. Wiyì, á dzə̀ʼə̀m e wò si moo wír vém, a yuurí kinyo ké, a bó á yòʼ yíi yiì kinyo ke à suuyì. Lám wóví kù dzə̀ wó kinjàŋ.

Jeremia 45:4

Ke Nyùy Tàr suuy e wò ki dzə̀ jii, ‹Leéy, e yèn, m sí saʼtì kitúm kìn ke mò‑oò bàʼrìn, e shoʼóy ke mò‑oò tuuyin fó.

Maak 7:6

Jesus bìnèr jii, «Aysaya woo ŋgaà ntum Nyùy‑iì lo sùúy rú ji vèn dzə̀ abìnbìnteʼnsə́m. Vèn kù yii kinyo a dzə̀ ke wù‑uù saŋen ji Nyùy suuy a jii: « ‹Wír vìne ghvə́m mo a dzə̀ fó shuù, a bó melív mev mè yòʼ tíy e mǒ wùn.

Jeremia 3:10

Vinyo vìn vidzə̀m vi‑iì kòóy ben, la wìr kisaŋ woo Juda wo dzəə̀n jemèr Isray yòʼ kfə̀n é bàm, e yèn mo shilív sə́ shidzə̀m. Wù ku kfə̀n a dzə̀ e kiloʼ ki. Suuy mo woo Nyùy Tàr.»

Ŋwàʼ Jov 5:3

M yèn ne kiyúŋ, a kí méŋ Nyùy kù tsəətìn tsəə̀tìn e bùʼ, yii bèy, m sásín kém, e mèŋ kéŋ rə́ rən méŋén.

Nsùyrì Nyùy 37:35

Mò‑oò yèn mo wìr wo wù méŋ Nyùy kóʼninè, tíy tiyín e wìr dzə̀m kitu moo kicí kee *sidar keé Lebanon.

Habakuk 1:13

Nyùy Tàr, sí yée yòʼ dzə̀ kfə́ə si yé a yen yii ye bií, bó yòʼ dzə̀ féyì, à tìím, a leéy vé yiì ye bií. Abaày, a dzə̀ à ghàn é le, e bó a leéy wír ve á méŋ wò leéyín? Áwune laar wír ve á yúnin wò, aà dzə́ kisə́sə, bìʼ ka?

Ŋwàʼ Jov 24:12

Wír ve vé mbàme yiìn, á wáa kìʼ kpúu sí kónsi fo mvə̀mlaʼ, a ve áwune lemeriné tóŋ ji Nyùy ku sə̀ á áwune. Yii bèy, a bó Nyùy yòʼ sáʼ vé mbàme bìʼ njiìn wov.

Hosea 7:14

Áwune yòʼ‑oò tóŋ e mò é shiliv she juŋ shi. Á kù tóŋ kév, dzə́ŋri a dzə̀ é vikun, lón vifá ve yi wùn à meluʼ mè, jàʼtì wún wóv, a mensə́ mè fəə́, kù moo wír ve á mbaa a dzə̀ anyùy. Yii bèy, aá kù sə́ a dzə̀ kóy vèr áwune.